សមត្តកិច្ចស្គាល់អត្តសញាណស្ត្រីបើកឡានបុកមនុស្សស្លាប់ជិតផ្សារអ៊ីអន២ហើយ

ភ្នំពេញ៖ជនបង្ករគ្រោះថ្នាក់ចរាចរណ៍បុកមនុស្សស្លាប់យប់ម៉ិញ ត្រូវបានគេដឹងថា ឈ្មោះ សាម ម៉ីជូ មានទីលំនៅផ្ទះលេខ៧៨៩K ផ្លូវលេខ ១៨០០ ភូមិទួលគោក សង្កាត់ទួលសង្កែ ខណ្ឌឬស្សីកែវ រាជធានីភ្នំពេញ ! ។ស្ត្រីរូបនេះគេនិយមហៅថា (កូនបងហុក) ហើយជាក្មួយរបស់ពូលោក សាម ឃុន ។ 

ចំណែកឪពុកឈ្មោះ សាម ហុកសេង ។ ស្ត្រីរូបនេះមានជំនួញក្នុងដៃជាច្រើន ក្នុងនោះមានស្ថានីយប្រេង យ៉ាងតិចចំនួនពី ៦ទៅ៧កន្លែង ដូចជា ៖ ស្ថានីយប្រេងតាមបណ្តោយផ្លូវ ជា សុផារ៉ា ជិតកន្លែងធ្វើឆៀករថយន្ត , នៅសង្កាត់ឃ្មួញ១កន្លែង , នៅផ្លូវ៥១ មួយកន្លែង ,នៅផ្លូវជាតិលេខ6A ព្រែកដំបង ១កន្លែង ,។ ល។ដូចច្នោះសមត្តកិច្ចប្រាកដជាស្គាល់ច្បាស់សំខាន់ថាតើត្រូវនាំខ្លួនមកទទួលទោសបានដែរឬអត់?។

សូមបញ្ជាក់ថានៅវេលាម៉ោង១១៖៣០នាទីយប់ ថ្ងៃទី២៨ ខែកក្កដា ឆ្នាំ២០២៦ នៅតាមបណ្តោយ​ផ្លូវលេខ១០០៣​ សង្កាត់​ឃ្មួញ​ ខណ្ឌ​សែនសុខ រាជធានី​ភ្នំពេញមានហេតុការណ៍គ្រោះថ្នាក់ចរាចរដ៏រន្ធត់មួយបានកើតឡើង។ស្ដ្រីម្នាក់បើករថយន្ដស៊េរីទំនើបមួយគ្រឿង ម៉ាក AVATAR 11 ពាក់ផ្លាកលេខកម្ពុជា V.C.8989 ដែលក្រោយមកគេស្គាល់ថាឈ្មោះ សាម ម៉ីជូ អាយុ២៧ឆ្នាំ អាសយដ្ឋានផ្ទះលេខ៧៨៩K ផ្លូវ១៨០០ ភូមិទួលគោក សង្កាត់ទួលសង្កែ ខណ្ឌឫស្សីកែវ រាជធានីភ្នំពេញបានបើកឡានបង្កគ្រោះថ្នាក់ចរាចរបុកម៉ូតូស្កូពីមួយគ្រឿងបណ្តាលឲ្យ ជនរងគ្រោះឈ្មោះ គួច លឹមហាន អាយុ៣៥ឆ្នាំ មានស្រុកកំណើតនៅឃុំខ្ចៅ ស្រុកកងមាស ខេត្តកំពង់ចាម ជាមន្ដ្រីនៃមន្ទីរពិសោធន៍សំណង់ និងសាធារណការបានស្លាប់ភ្លាមនៅនឹងកន្លែង។

បន្ទាប់ពីកើតមានគ្រោះថ្នាក់ស្ត្រីខាងលើនិងស្ត្រីអ្នករួមដំណើរក្នុងឡានជាមួយនាំគ្នាឡើងកង់បីគេចខ្លួនបាត់បន្សល់ទុកចោលឡាននៅកន្លែងកើតហេតុ។ចាំមើលមើករណីយ៍នេះតើសមត្តកិច្ចធ្វើការលឿនបានកំរឹតណា?។