វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4673 នាក់
ម្សិលមិញ 10264 នាក់
សរុប 14143855 នាក់
ភ្នំពេញ៖ បុរសអតីតជាប្តី ផ្ទុះកំហឹងនិងស្ត្រីអតីតជាប្រពន្ធ ដកអាវុធខ្លីមួយដើម បាញ់សម្លាប់ប្រពន្ធដោយសារតែការហួងហែង បង្កការផ្ញាក់ផ្អើលប្រជាពលរដ្ឋរាយការណ៍ទៅកម្លាំងសម្ថកិច្ចចុះធ្វើការអន្តរាគមន៍ឃាត់ខ្លួនបុរសជនដៃដល់ជាប្តី បញ្ជូនទៅធ្វើការសួរនាំកាលពីវេលាម៉ោង ៣និង២០ នាទីល្ងាច ថ្ងៃទី១០ ខែ មិថុនា ឆ្នាំ២០២២នេះ តាមបណ្តោយផ្លូវជាតិលេខ២ ភូមិទួលរការ១ ក្នុងសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។
ប្រភពព័ត៌មានពីកន្លែងកេីតហេតុបានឲ្យបានដឹងថា៖ ប្តីប្រពន្ធមួយគូរនេះទេីបតែនិងការបានរយៈពេលប្រមាណ១ ឆ្នាំជាង បង្កើតបានកូនប្រុសម្នាក់ អាយុ ១ខួប ១ខែ ។តែខោសារតែការរស់នៅមិនចុះសម្រុងនឹងគ្នា ពួកគេទាំងពីរ បានសម្រេចចិត្ត នាំគ្នាទៅធ្វើលិខិតស្នាមលែងលះ ចែកផ្លូវគ្នាដើររៀងខ្លួន ដោយស្ត្រីជាប្រពន្ធជានាក់មេីលថែរក្សា ចិញ្ចឹមកូនប្រុស ។ថ្ងៃកើតហេតុបុរសអតីតប្តីបានមកលេងកូននៅផ្ទះកើតហេតុ ។ ដល់វេលាម៉ោងប្រមាណជា៣ ប្រជាពលរដ្ឋបានលឺសម្លេងចេញពីផ្ទះកើតហេតុ ប្តីប្រពន្ធទាំងពីរនាក់ មានការឈ្លោះប្រកែកគ្នា ស្រែកយ៉ាងខ្លាំង។
បន្ទាប់មកគេឃើញបុរសជាពូរបស់ស្ត្រីជនរងគ្រោះរត់ចេញមកខាងក្រៅស្រែកប្រាប់ប្រជាពលរដ្ឋ រាយការណ៍ទៅកម្លាំងសម្ថកិច្ចមូលដ្ឋានសហការជាមួយកម្លាំងកងរាជអាវុធហត្ថនៃខណ្ឌមានជ័យ ចុះមកធ្វើការឃាត់ខ្លួនបុរសជនដៃដល់ជាប្តី បញ្ជូនទៅអធិការដ្ឋាននគរបាលខណ្ឌមានជ័យ ដេីម្បីសួរនាំ។បុរសជាប្តីដែលដូច ជាឆ្កែហួងហែងឆ្អឹងមានឈ្មោះ ជា អូន អាយុប្រមាណ ២៣ឆ្នាំ ភេទប្រុស ធ្វើការនៅក្រុមហ៊ុនមួយកន្លែង (ឃាត់ខ្លួន) ដកហូតបាន អាវុធខ្លី ចំនួនមួយដើម ចំនួន៥ គ្រាប់ ។ស្ដ្រីជាប្រពន្ធមានឈ្មោះ នូ សុជាតា អាយុប្រមាណ២៤ ឆ្នាំ ភេទស្រី ស្នាក់នៅភូមិទួលរការទី១ សង្កាត់ចាក់អង្រែក្រោម ខណ្ឌមានជ័យធ្វើការនៅក្រុមហ៊ុនណាហ្កា (ស្លាប់)។