លោកជ្រិន ឆាយ អនុប្រធាននគរបាលអន្តោប្រវេសន៍ប្រចាំច្រកទ្វារព្រំដែនភ្នំឌិន និងឈ្មួញមួយចំនួនទៀត កំពង់តែគុបគិតគ្នាធ្វើសកម្មភាពរកស៊ីនិងស្តុកទំនិញគេចពន្ធ?

តាកែវ៖ច្រកភ្នំដិន ច្រករបៀងស្លាបឆ្វេង និងស្លាបស្តាំ ក៏ជាប្រភពនាំចូលទំនិញគេចពន្ធដ៏មមាញឹករាល់យប់មន្ត្រីនគរបាលដ៏មានឥទ្ធិពលមានអណាចម្នាក់។ខណៈមន្ត្រីនគរបាលច្រកទ្វារព្រំដែនអន្តរជាតិភ្នំដិន រក្សាភាពស្ងៀមស្ងាត់.!។ 

ប៉ុន្មានថ្ងៃនេះក៏មានលេចរឿងអាស្រូវកក្រើកច្រកទ្វារព្រំដែនភ្នំដិនទៀតហើយ។ យ៉ាងក្តៅគគុក ចុះពិនិត្យទំនិញនៅតាមឃ្លាំងស្តុកទំនិញនានានៅច្រកភ្នំដិន និងឃាត់រថយន្តដឹកទំនិញធំៗចំនួន៥គ្រឿង ដោយរកឃើញទំនិញគេចពន្ធជាច្រើនប្រភេទ ក្នុងនោះរថយន្តដឹកទំនិញ២គ្រឿងជារបស់មន្ត្រីនគរបាលដ៏មានឥទ្ធិពលមានអណាចម្នាក់។ក្នុងមួយថ្ងៃៗ ទំនិញគេចពន្ធជាច្រើនបានចូលមកកម្ពុជាតាមច្រកទ្វារព្រំដែនអន្តរជាតិភ្នំដិន ដាក់ក្នុងឃ្លាំងស្តុកទំនិញធំៗយ៉ាងតិចចំនួន៥កន្លែង ដែលម្ចាស់ឃ្លាំងទាំងនោះ សុទ្ធតែមេឈ្មួញដុះស្លែប្រចាំច្រកទ្វារមួយនេះតែម្តង។ ក្នុងនោះក៏មានមន្ត្រីនគរបាល២រូប ដែលមានតួនាទីជាអនុប្រធានការិល័យនគរបាលអន្តោប្រវេសន៍ច្រកទ្វារព្រំដែនអន្តរជាតិភ្នំដិន ដែលជាបុគ្គលមានអំណាចល្បីឈ្មោះរន្ទឺ ថាមានខ្នងក្រាស់នៅក្រសួងមហាផ្ទៃជាបង្អែកកាងពីក្រោយខ្នងផងដែរ។

បើតាមប្រភពឲ្យដឹងថា ក្នុងមួយយប់ៗ មានទំនិញគេចពន្ធ៤-៥រថយន្តធំៗ ត្រូវបានគេទម្លាក់ទំនិញចេញពីរថយន្តក្នុងទឹកដីវៀតណាម ហើយដឹកតាមគោយន្ត និងម៉ូតូចូលមកទឹកដីខ្មែរ ហើយលើកដាក់រថយន្តសាំយ៉ុងកែច្នៃ ឬរថយន្តកូរ៉េ ធំៗ ដឹកបន្តមកចែកចាយនៅក្រុងភ្នំពេញ តាមផ្លូវជាតិលេខ២និងផ្លូវជាតិលេខ៣។ ប្រភពដដែលឲ្យដឹងទៀតថា ទំនិញក្នុង១រថយន្តធំត្រូវបង់មិនក្រោម២៥លានរៀលទេ ប៉ុន្តែពេលគេដឹកគេចពន្ធតាមម៉ូតូ គឺគេចំណាយលើមន្ត្រីនគរបាលច្រកទ្វារអស់៥លានរៀល ឯខាងមន្ត្រីគយ គឺបង់តិចច្រើនតាមប្រភេទទំនិញ។ បើតាមការប៉ាន់ស្មានរបស់អ្នកជំនាញគ្រាន់តែច្រករបៀងសងខាងច្រកទ្វារព្រំដែនភ្នំដិន រដ្ឋត្រូវបាត់ចំណូលជាតិមិនតិចជាង១០០លានរៀលនោះទេក្នុងមួយថ្ងៃៗ នេះមិនទាន់គិតការគៃបន្លំចំណូលពន្ធរដ្ឋនៅច្រកទ្វារព្រំដែនអន្តរជាតិភ្នំដិនផង។

ជាក់ស្តែងកាលពីថ្ងៃទី២ខែឧសភាឆ្នាំ២០២៦កន្លងទៅនេះ ក្រុមការងារអន្តរាគមន៍ពិសេស នៃអគ្គនាយកដ្ឋានគយ និងរដ្ឋាករកម្ពុជា បានបើកប្រតិបត្តិការចុះឆែកឆេរត្រួតពិនិត្យអនុលោមទំនិញក្នុងឃ្លាំងស្តុកទំនិញឆ្លងដែនធំៗចំនួន៣ទីតាំងនៅច្រកទ្វារអន្តរជាតិភ្នំឌិន និងករណីដាច់ដោយឡែកមួយទៀត គឺមន្ត្រីគយចល័តតំបន់២ បានឃាត់ចាប់រថយន្តទួរីសកែច្នៃដឹកទំនិញលើផ្លូវជាតិលេខ២បានចំនួន១២គ្រឿងបន្ថែមទៀតកាលពីថ្ងៃទី១៩ឧសភាឆ្នាំ២០២៦ទៅនេះ។

នៅក្នុងប្រតិបត្តិការនេះ ក្រុមការងារអន្តរាគមន៍ពិសេស បានរកឃើញទំនិញជាច្រើនមុខខុសប្រក្រតី មានទំនិញបង់ពន្ធមិនគ្រប់ និងជាពិសេសប្រេងគេចពន្ធជាង២០០ធុងគ្មានពន្ធនាំចូលត្រឹមត្រូវឡើយ។ នៅក្នុងប្រតិបត្តិនោះផងដែរ ក្រុមការងារអន្តរគមន៍ពិសេសនៃអគ្គនាយកដ្ឋានគយ បានចុះឆែកឆេរឃ្លាំងស្តុកទំនិញចំនួន៣ របស់មេឈ្មួយដុះស្លែប្រចាំច្រកទ្វារអន្តរជាតិព្រំដែនភ្នំឌិនរួមមាន។ ទី១÷ឃ្លាំងស្តុកទំនិញគេចពន្ធរបស់លោកវរសេនីយ៍ឯក ជ្រិន ឆាយ មានតួនាទីជាអនុប្រធាននគរបាលអន្តោប្រវេសន៍ប្រចាំច្រកទ្វារព្រំដែន ជាអ្នកនាំទំនិញឆ្លងដែនល្បីឈ្មោះខ្លាំងជាងគេ។ ទី÷២ ឃ្លាំងស្តុកទំនិញរបស់មេឈ្មួញដុះស្លែគេចពន្ធឆ្លងដែនឈ្មោះ យាយ ផៃ នៅភូមិព្រៃតាម៉ៅ។ ទី÷៣ឃ្លាំងស្តុកទំនិញរបស់មេឈ្មួញគេចពន្ធឆ្លងដែនម្នាក់ទៀតឈ្មោះ ចាន់ រ៉ា នៅក្នុងភូមិព្រៃតាម៉ៅ ក្បែរច្រកទ្វារព្រំដែនភ្នំឌិន។

ក្រោយចុះត្រួតពិនិត្យអនុលោមភាពទំនិញក្នុងឃ្លាំងទាំង៣ ក្រុមការងារអន្តរាគន៍ពិសេសនៃអគ្គនាយកដ្ឋានគយ បានរកឃើញទំនិញខុសប្រក្រតីមួយចំនួនបង់ពន្ធមិនគ្រប់ ដែលតម្រូវឲ្យម្ចាស់ទំនិញត្រូវតែបង់ពន្ធបង្គ្រប់ និងធ្វើការផាកពិន័យពន្ធចូលរដ្ឋបានយ៉ាងច្រើនក្រាស់ក្រែល។ ក្រៅពីនោះក៏មានប្រេងគេចពន្ធជាង២០០ធុង ត្រូវបានកម្លាំងគយឃាត់រក្សាទុក ដើម្បីឲ្យម្ចាស់ទំនិញចូលដោះស្រាយបង់ពន្ធចូលរដ្ឋទៅតាមនីតិវិធីគយ។ ជុំវិញករណីខាងលើនេះ បណ្តាញសារព័ត៌មានយើងខ្ញុំ មិនអាចទំនាក់ទំនងសូមការបំភ្លឺលំអិត ពីលោកវរសេនីយ៍ឯក ជ្រិន ឆាយ បាននោះទេ?ដោយសារមិនមានលេខទូរស័ព្ទដើម្បីទំនាក់ទំនង។