ឃាត់ខ្លួនបុរសម្នាក់មាន អាវុធកែច្នៃ២ដើម និងថ្នាំញៀ.នមួយចំនួន

កណ្តាល៖ តាមសេចក្តីរាយការណ៍ពីប្រជាពលរដ្ឋបុរសម្នាក់ដែលមានដាវ អាវុធកែច្នៃ២ដើម និងគ្រឿងញៀនមួយចំនួនត្រូវបានកងរាជ វុធហត្ថក្រុងអរិយក្សត្រ ដឹកនាំកម្លាំងចុះទៅដល់ទីតាំង នៅចំណុចក្រោយវត្តព្រែកបង្កង ស្ថិតក្នុងភូមិព្រែកល្វា សង្កាត់ព្រែកតាកូវ ក្រុងអរិយក្សត្រឃាត់ខ្លួនបានជាមួយវត្ថុតាងនាថ្ងៃទី២៣ ខែមិថុនា ឆ្នាំ២០២៦ ។ 

លោកវរសេនីយ៏ត្រី ថុង សៀកឡុង មេបញ្ជាការអាំវុធហត្ថក្រុងបានឲ្យដឹងថា ជនសង្ស័យមានឈ្មោះ ចាន់ គង្គា អាយុ៣៤ឆ្នាំ មុខរបរ មិនពិតប្រាកដ (វិជ្ជមានសារធាតុញៀន) និងមានទីលំនៅក្នុងភូមិសង្កាត់កើតហេតុ។លោកបន្តថា វត្ថុតាងចាប់យករួមមាន៖ ក្រា.មសថ្លា ចំនួន០១កញ្ចប់, ទូរស័ព្ទចំនួន ០១គ្រឿង, កាំភ្លើងស្ន.ប់កែច្នៃ ចំនួន០២ដើម, ដា.វចំនួន០១ដើម, សម្ភារប្រើប្រាស់ និងវេចខ្ចប់ថ្នាំញៀនមួយចំនួន និងប្រាក់ចំនួន ៩.០០០រៀល

លោកមេបញ្ជាការបានដឹកនាំកម្លាំងចំនួន៦នាក់ មធ្យោបាយ រថយន្ដ ចំនួន០១គ្រឿង ម៉ូតូ០២គ្រឿង ចុះទៅដល់ចំណុចកើតហេតុ ក៏ប្រទះឃើញជនសង្ស័យ កំពុងនៅក្នុងរោងក្បែរបឹងឈូក កម្លាំងក៏បានឃាត់សួរនាំ ស្រាប់តែជនសង្ស័យបានប្រតាយប្រត.ប់ជាមួយកម្លាំងអាវុធហត្ថ ក៏បានត្រូវចា.ប់ឃាត់ខ្លួន និងឆែកឆេររកឃើញវត្តុតាងខាងលើ។ជនសង្ស័យបានសារភាពថា គ្រឿងញៀ.ន១កញ្ចប់ ពិតជារបស់ខ្លួនពិតប្រាកដមែន ដោយទិញពីឈ្នោះ ហ្សា នៅចំណុចជិតកំពង់ចម្លងជ្រោយចង្វារ រាជធានីភ្នំពេញ។