ចូលព្រៃបត់ជើង ប្រទះឃើញទូរស័ព្ទ ៣ គ្រឿង និងឃើញគ្រោងឆ្អឹងមនុស្សម្នាក់

ភ្នំពេញ ៖កាលពីល្ងាចថ្ងៃទី៧ខែមិថុនាឆ្នាំ២០២៦ នៅចំណុចក្នុងដីព្រៃមួយកន្លែង តាមមហាវិថីអង្គរ ភូមិពោងពាយ សង្កាត់ទួលសង្កែ២ ខណ្ឌឬស្សីកែវ រាជធានីភ្នំពេញប្រជាពលរដ្ឋដែលចូលបន្ទោបង់បានប្រទះឃើញគ្រោងឆ្អឹងសាកសពបុរសម្នាក់បន្ទាប់ពីបានឃើញទូីរសព្ទបង្កឲ្យមានការភ្ញាក់ផ្អើល។ 

គ្រោងឆ្អឺសពភេទប្រុសត្រូវបានគេស្គាល់ឈ្មោះឈាន លាងឆាយ អាយុ៤៧ឆ្នាំ មុខរបររត់ម៉ូតូកង់បី ទីលំនៅភូមិភូមិព្រែកផ្អាវ ឃុំកំពង់កុង ស្រុកកោះធំ ខេត្តខេត្តកណ្តាល និងស្នាក់នៅផ្ទះជួលសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។នេះបើតាមសមត្តកិច្ច។

តាមព័ត៌មានបានឱ្យដឹងថា នៅ ថ្ងៃទី០៧ ខែមិថុនា ឆ្នាំ២០២៦មានអ្នករត់តាក់ស៊ីម្នាក់ដែលមកឈប់ដាក់មួយនៅផ្សារអ៊ីអន២រួចក៏បានចូលទៅសម្រាកនិងបត់ជើងនៅក្នុងព្រៃចម្ងាយប្រមាណ៦០ម៉ែត្រពីផ្លូវលេខ១០០៣ស្រាប់តែប្រទះឃើញទូរស័ព្ទដៃចំនួន៣គ្រឿង ក៍រើសយកទៅប្រគល់ ឲ្យសមត្ថកិច្ច ខណ្ឌសែនសុខនិងនាំទៅបង្ហាញទីតាំងក៏ប្រទះឃើញគ្រោងឆ្អឹងសាកសពតែម្ដង។

បន្ទាប់ពីមានសមត្តកិច្ចចុះត្រួតពិនិត្យក្មួយស្រី ជនរងគ្រោះបានឲ្យដឹងថា ឪពុកមារបស់ខ្លួន នៅតែម្នាក់ឯងមិនមានប្រពន្ធកូនទេ ហើយគាត់ប្រកបមុខរបរជាអ្នករត់ម៉ូតូកង់៣។កន្លងមកឪពុកមា មានអការៈដេកពុំលក់និងលេបថ្នាំងងុយដេកជាប្រចាំ។ចាប់តាំងពីថ្ងៃទី២០ខែឧសភាឆ្នាំ២០២៦មកគាត់ខានទំនាក់ទំនងឪពុកមាដោយ មិននឹកស្មានថាគាត់ស្លាប់ រលួយសល់តែគ្រោងឆ្អឹងបែបនេះ។

សមត្ថកិច្ចទំនាញក៏បានចុះទៅត្រួតពិនិត្យស្រាវតាមរយះទូរសព្ទរកឃើញអត្តសញ្ញាណគ្រោង ឆ្អឹងសព។ នៅកន្លែងកើត ហេតុក្បែរទូរស័ព្ទដៃចំនួន៣គ្រឿងឃើញមានកំប៉ុងថ្នាំងងុយដេកម៉ាក Tripta amitriptyline 25mg នៅសល់គ្រាប់ថ្នាំមួយចំនួន។

ករណីយ៍នេះ លោកឧកញ៉ាវេជ្ជបណ្ឌិត នង សុវណ្ណរ័ត្ន គ្រូពេទ្យកោសល្យ វិច័យអមតុលាការរាជធានីភ្នំពេញបានសន្និដ្ឋានថា បុរសរូបនោះ ស្លាប់ដោយធ្វើអត្តឃាត លេបថ្នាំងងុយដេកម៉ាក Tripta amitriptyline 25mgសម្លាប់ខ្លួន?៕