អភិបាលរងស្រុកកៀនស្វាយលោក ស៊ុម ធន ឈរឈ្មោះប្រមូលទិញដីប្រជាពល​រដ្ឋជូនអ្នកឧកញ៉ា ហុង ពីវ, ពលរដ្ឋធ្វើប្លង់ឱ្យហើយ តែលុយបង់មិនព្រមឲ្យគ្រប់!

កណ្តាល៖ លោក ស៊ុម ធន អភិបាល​រង​ស្រុកកៀនស្វាយ ខេត្តកណ្តាល បានឈរឈ្មោះប្រមូលទិញដីពីពលរដ្ឋចំនួន២៦គ្រួសារ រស់នៅភូមិរទាំងត្បូង ឃុំភូមិធំ ស្រុកកៀនស្វាយ ខេត្ត​​កណ្តាល ដោយអះអាងថាទិញឲ្យអ្នកឧកញ៉ា ហុង ពីវ។ប្រជាពលរដ្ឋបានរត់ការធ្ ប្លង់ដីកាត់​ជូន​អ្នកឧកញ៉ារួចរាល់ហើយ តែបែរជាមិនទទួលបានលុយគ្រប់តាមតម្លៃក៏នាំគ្នាអំពាវនាវថ្នាក់ដឹកនាំខេត្ត ជួយដោះស្រាយ។ 

អ្នកស្រី ឆូ វ៉ាន់នឿន តំណាងឱ្យពលរដ្ឋទាំង២៦គ្រួសារ បានរៀបរាប់ថា ប្រជាពលរដ្ឋទាំង​២៦​គ្រួសារ ដែលមានដីស្មើនឹង៣៣ក្បាលដី បានព្រមព្រៀងលក់ដីជូនអ្នកឧកញ៉ា ហុង ពីវ តាមរយៈលោក ស៊ុម ធន កាលពីឆ្នាំ២០២៤។ អ្នកស្រី បានបន្តថា ការលក់ដីនេះ បាន​ព្រម​ព្រៀង​គេបង់ប្រាក់ជា៣ដំណាក់កាល ហើយកន្លងមកពលរដ្ឋទទួលបានលុយ​សរុប ១ ២៥៩ ៦០០ដុល្លារ(មួយលានពីរសែនប្រាំម៉ឺនប្រាំបួនពាន់ប្រាំមួយរយ)រួចហើយ ប្រាក់ដែលនៅសល់មានចំនួន ១ ៣៧៤ ៥៩៤ដុល្លារ(ជាង១លានបីសែន.....)។

មកដល់ពេលបនេះពលរដ្ឋបានធ្វើប្លង់ផ្ទេរទៅឈ្មោះ​អ្នក​ឧកញ៉ា ហុង ពីវ ដែលជាអ្នកទិញរួចហើយ នៅរង់ចាំតែការបង់លុយបង្គ្រប់ គឺប្រជាពលរដ្ឋនឹង​ប្រគល់​ប្លង់​ជូន​ទៅអ្នកឧកញ៉ា។

ពាក់ព័ន្ធនឹងបញ្ហានៃការបង់លុយនេះ ពលរដ្ឋ និងលោក ស៊ុម ធន ធ្លាប់បានទៅដោះស្រាយ​គ្នានៅសាលាខេត្តកណ្តាល។ តាមរយៈការដោះស្រាយនោះ លោក ស៊ុម ធន បានសន្យា​ដោះ​ស្រាយ តែមិនបានដោះស្រាយតាមកាលបរិច្ឆេទ ដែលបានសន្យានោះឡើយ។

តាមពលរដ្ឋ បានឱ្យដឹងទៀតថា លោក ស៊ុម ធន បានយកលុយក្រុមហ៊ុនអ្នកឧកញ៉ា ហុង ពីវ ប្រមាណ ៥០ម៉ឺនដុល្លារ តែមិនបានដោះស្រាយថ្លៃដីជូនប្រជាពលរដ្ឋ?។

អ្នកស្រី ឆូ វ៉ាន់នឿន បានអំពាវនាវសូមទៅអ្នកឧកញ៉ា ហុង ពីវ ឱ្យយក​លុយបង់បង្គ្រប់ជូនពួកគាត់ បើមិនដូច្នោះគាត់នឹងយកដីវិញ មិនព្រមលក់ឱ្យនោះឡើយ.មិនអាចទាក់ទងសុំការបកស្រាយពីឧកញ៉ាហុងពីវលើករណីយ៍នេះបាទេ។សង្ឃឹមថាអាជ្ញាធរពាក់ពន្ធ័នឹងបកស្រាយករណីយ៍នេះ៕