» សមរង្ស៊ី​និង​អ្នកដើរ​តាម​ជាប់គុក​ទាំងអស់​បើតាម​សេចក្តីប្រកាស​ព័ត៌មាន​ក្រសួងយុត្តិធម៌​! » ប្រធានាធិបតី​ឥណ្ឌូណេស៊ី​ឲ្យ​ពិនិត្យមើល​ឡើងវិញ​ពី​សេចក្តីព្រាងច្បាប់​ស្តីពី​ទំនាក់ទំនង​ផ្លូវភេទ​! » ថៅកែ​ផលិតកម្ម​គឹម​ហេង​ធ្លាក់ខ្លួន​សុខ​ស្រី​នាង​ខូចចិត្ត​? » ចាប់​មេ​សហគមន៍​រ៉ែ​មាស​ចុង​ផ្លាស់​ព្រោះ​រកស៊ី​ឈើប្រណិត​ទៀត​! » អ្នក​ចូល​ចិ​ត្ដ​ចាក់​សាក់ គួរ​យល់ដឹង​ពី​គ្រោះថ្នាក់​ផង​ » ជនជាតិ​ចិន​ម្នាក់ ទៅ​ការ​ជាមួយ​ស្ត្រី​ខ្មែរ នៅ​ព្រះ​វិ​ហ៊ា​រ​ត្រូវ​ណករបាលផ្អាក​ » សោកស្តាយ​ពល​រដ្ឋ​ខ្មែរ​ម្នាក់​ដែល​នៅ​បាត់​ខ្លួន​ព្រោះទឹកជំនន់ស្លាប់​ហើយ​! » ឆ្នាំ​២០២០​កម្មករ​រោងចក្រ​កាត់ដេរ​មាន​ប្រាក់ខែគោល​១៩០​ដុល្លារ​អាមេរិក​ » កម្មករ​ធាក់​ស៊ីក្លូ ជាង​៣០០​នាក់​ទទួលបាន​អំណោយ​ពី​កា​កបាទ​ក្រហម​ភ្នំពេញសម្រាប់​ភ្ជុំ​ » Miss Grand Cambodia​បាន​ទៅលើ​កញ្ញា​ដេ​ត​ស្រី​នា​ឌ​! » ពលរដ្ឋ​ខ្មែរ​ពីរ​នាក់​ដែល​បាត់​ខ្លួន​នៅ​ព្រុំដែន​ថៃ​ដោយសារ​ទឹកជំនន់​អូស​រកឃើញ​ម្នាក់​ហើយ​! » គ្មាន​អ្នកប្រើប្រាស់​គ្រឿងញៀន​ណា​ម្នាក់ ត្រូវបាន​ចាប់​ដាក់ពន្ធនាគារ​ឡើយ​? » លោក​ហូ​វ៉ាន់​មន្ត្រី​អតីត​គណបក្ស​សង្គ្រោះ​ជាតិ​សង្ឃឹមថា​ទូត​អាមេរិក​ថ្មី​នឹង​ជួយ​រក​ដំណោះស្រាយ ឲ្យ​មានការ​ដោះលែង លោក កឹម សុខា មាន​សេរីភាព​វិញ​ » ស្រលាញ់​ប្អូនស្រី​ពេក​តារាចម្រៀង​ខេមរៈ​សេរី​មន្ត​សង់​រូបសំណាក​ទុក​មើល​! » នគរបាល​នឹង​ត្រួតពិនិត្យ​សន្តិសុខ​ពេល​បុណ្យ​ភ្ជុំ​បង្កា​ការប្រមូលផ្តុំ​?

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 1880 នាក់

ម្សិលមិញ 4645 នាក់

សរុប 3005695 នាក់

ប្រមុខ​រាជរដ្ឋាភិបាល​បដិសេធ​ពត៍​មាន​វត្តមាន​កង​ទ​ព័​បរទេស​នៅ​កម្ពុជា​

 

​ភ្នំពេញ ៖ នាយករដ្ឋមន្ត្រី​នៃ​កម្ពុជា បានប្រកាស​ក្នុងសម័យ​ប្រជុំ​គណៈរដ្ឋមន្ត្រី​នា​ព្រឹក ថ្ងៃទី​១៩ ខែវិច្ឆិកា ឆ្នាំ​២០១៨​បដិសេធ​ព​តិ​ថា​កម្ពុ​ជាមាន​វត្តមាន​ក​ង​ទ​ព័​បរទេស​ដែលជា​ការរំលោភ​រដ្ឋធម្មនុញ្ញ​និង​អះអាងថា កងទ័ព​កម្ពុជា ដាច់ខាត​មិន​ចូលរួម ក្នុង​កិច្ចប្រតិបត្តិការ​យោធា ជាមួយ​ប្រទេស​ណា​ទាំងអស់ លើកលែងតែ​ក្រោម​ឆ​ត្រ័ របស់​អង្គការសហប្រជាជាតិ​។ a hun ocm 

សម្តេច​តេ​ជោ ហ៊ុន សែន បាន​ថ្លែងថា “​ទាក់ទង​នឹង​វត្តមាន​របស់​កងទ័ព​ជើង​ទឹក​របស់​ចិន នៅលើ​ទឹកដី​កម្ពុជា ខ្ញុំ​សូមបញ្ជាក់​ដល់​បងប្អូន​ជនរួមជាតិ ក៏ដូចជា​មិត្ត​បរទេស​ទាំងអស់ ថា​តើ​កម្ពុជា មានការ​ចាំបាច់ ដើម្បី​នឹង​រំលោភ​លើ​រដ្ឋធម្មនុញ្ញ របស់ខ្លួន​ឬទេ​?​រដ្ឋធម្មនុញ្ញ​កម្ពុជា ត្រូវបាន​ហាមឃាត់ ជាមួយនឹង​វត្តមាន​កងទ័ព​បរទេស មូលដ្ឋាន​យោធា​បរទេស នៅលើ​ទឹកដី​របស់ខ្លួន ហើយ​កងទ័ព​របស់ខ្លួន ក៏​ត្រូវបាន​ហាមឃាត់ មិន​ឲ្យ​មានការ​ចូលរួម​សហប្រតិបត្តិការ ជាមួយនឹង​ប្រទេស​ណា​ទាំងអស់ លើកលែងតែ​ក្រោម​ឆត្រ របស់​អង្គការសហប្រជាជាតិ ដូចដែល​យើង​កំពុង ស្ថិតនៅ​ប្រទេស​លី​បង់ ស៊ូដង់ ស៊ូដង់​ខាងត្បូង ម៉ាលី និង​អាហ្វ្រិក​កណ្តាល​។​

​សម្តេច​បញ្ជាក់ថា​៖​ខ្ញុំ​នឹង​ចេញ​លិខិត​ឆ្លើយតប​ទៅកាន់ អនុ​ប្រធានាធិបតី​សហរដ្ឋអាមេរិក ដើម្បី​បញ្ជាក់​ពី​ជំហរ​របស់​កម្ពុជា ទាក់ទង​ទៅនឹង​រដ្ឋធម្មនុញ្ញ​រប​ស់​ខ្លួន ដែល​បាន​ហាមឃាត់ នូវ​វត្តមាន​កងទ័ព និង​មូលដ្ឋាន​កងទ័ព​បរទេស នៅក្នុង​ប្រទេស​កម្ពុជា ។​

កម្ពុ​ជាមាន​កងទ័ពរ​បស់​ខ្លួន​ហើយ មិនមាន​ការចាំបាច់​ដាក់ កងទ័ព​បរទេស​មក​ជំនួយ​ទេ ហើយ​កម្ពុជា គ្មាន​ត្រូវ​ចាំបាច់ ត្រូវ​ប្រើ​កងទ័ព​បរទេស​នោះទេ ។ ចោទ​ជា​សំណួរ ថា​តើ​យើង​វាយ​ជាមួយ​អ្នកណា វាយ​ជាមួយ​ខ្លួនឯង វាយ​ជាមួយ​ថៃ វាយ​ជាមួយ​រៀ​ត​ណា​ម វាយ​ជាមួយ​ប្រទេស​ណា នេះ​ជា​ចំណុច​គួរ​ឲ្យ​ងឿងឆ្ងល់​ណាស់ តើ​គេ​មាន​ចេតនា​អ្វី​ចំពោះ​កម្ពុជា ឬក៏​គ្រាន់តែ​យក​វត្តមាន​អ្នកវិនិយោគ និង​អ្នកទេសចរ​ដ៏​ច្រើនសន្ធឹក​សន្ធាប់​របស់​ចិន ធ្វើជា​លេស ដើម្បី​មូល​បង្កាច់ និង​ដាក់​កំហុស​ចំពោះ​កម្ពុជា​។​

​ខ្ញុំ​ពិតជា​មានការ​សោកស្តាយ​ណាស់ ជាមួយនឹង​ព័ត៌មាន​មិន​ច្បាស់លាស់ នៃ​ជនជាតិ​មួយចំនួន ដែល​ព្យាយាម​ធ្វើ​អាក្រក់​ម្តង​ហើយ​ម្តងទៀត ចំពោះ​កម្ពុជា ដែល​គ្មាន​កំហុស​ទាល់តែសោះ លើ​បញ្ហា​ទាំងឡាយ​នេះ​។ កម្ពុជា​មិនមាន​ការចាំបាច់ ឲ្យ​ប្រទេស​ណាមួយ មក​ធ្វើសង្គ្រាម​លើ​ប្រទេស​របស់ខ្លួន​ទេ ខ្ញុំ​មិន​ត្រូវការ​ឲ្យ​បរទេស មក​ច្បាំង​គ្នា​លើទឹក​ខ្មែរ ដូច​កាលពី​អតីតកាល​ទេ​។

យើង​ទាត់ចោល​នូវ​ព័ត៌មាន​ទាំងឡាយ បំ​ភ្លៃ​នូវ​ការពិត យើង​បញ្ជាក់​ជា​ផ្លូវការ​នៅថ្ងៃនេះ ហើយ​ខ្ញុំ​នឹងធ្វើ​លិខិត​ជូន ទៅ​អនុ​ប្រធានាធិបតី​សហរដ្ឋអាមេរិក ដើម្បី​ឲ្យ​គាត់​បាន​ច្បាស់​អំពី​បញ្ហា​នេះ ហើយ​ថ្ងៃស្អែក ខ្ញុំ​នឹង​ជួប​ទូត​សហរដ្ឋអាមេរិក ដើម្បី​បញ្ជាក់ប្រាប់​បន្ថែម​លើ​បញ្ហា​នេះ​”​។​

 ក្រសួងការពារជាតិ​ក​ម្ពុ​ជា នៅ​ថ្ងៃទី​១៧ ខែវិច្ឆិកា ឆ្នាំ​២០១៨ បានចេញ​សេចក្តីថ្លែងការណ៍​ទាត់ចោល នូវ​ការចុះផ្សាយ​របស់​សារ ព័ត៌មាន​បរទេសមួយ​ចំនួន ក្នុងនោះ​មាន​ទាំង​សារព័ត៌មាន Asia Times ផងដែរ​ដែលថា កម្ពុជា​បានអនុញ្ញាត​ឱ្យ​ប្រទេស​ដទៃ ដែល​ទំនង​សំដៅ​ដល់​ប្រទេស​ចិន ប្រើប្រាស់​ទឹកដី​ក​កម្ពុជា ធ្វើជា​មូលដ្ឋាន​យោធា​។​

អ្នកនាំពាក្យ​នាយ​ឧ​ត្ត​ម​សេនីយ៍ ឈុំ សុជាត បាន​ចាត់ទុកថា នេះ​គ្រាន់តែ​ជា​ដំណឹង​ក្លែងក្លាយ (Fake News) ដែល​ក្រុម​បរទេស​មួយចំនួន ព្យាយាម​ផ្សព្វផ្សាយ​ចោទប្រកាន់​មកលើ​កម្ពុជា ក្នុង​ចេតនា​អាក្រក់ ញុះញង់ ដើម្បី​បំភាន់​សាធារណ​ជនជាតិ​-​អន្តរជាតិ និង​ជា​ចេតនា​បំផ្លាញ​ដល់ ឯករាជ្យ ភាព​អ​ព្យា​ក្រឹត្យ​អចិន្ត្រៃយ៍​របស់​កម្ពុជា​តែប៉ុណ្ណោះ​។ អ្នកនាំពាក្យ​ក្រសួងការពារជាតិ បានបញ្ជាក់​យ៉ាង​ដូច្នេះ​ថា​៖​ព្រះរាជាណាចក្រ​កម្ពុជា ដែលជា​រដ្ឋ​ឯករាជ្យ អព្យាក្រឹត​អចិន្ត្រៃយ៍ មិន​ចូលបក្ស​សម្ព័ន្ធ ដូច​មានចែង​ក្នុង មាត្រា​៥៣​ថ្មី នៃ​រដ្ឋធម្មនុញ្ញ​។a hun ocm1 a army hun