
វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 20503 នាក់
ម្សិលមិញ 22729 នាក់
សរុប 21300044 នាក់
ប្រទេសអ៊ីរ៉ង់៖អ៊ីរ៉ង់កំពុងតែប្រឈមនឹងភាពចលាចលក្នុងសង្គមដោយសារតែអំពើហិង្សា បង្ក្រាបការធ្វើបាតុកម្មតវ៉ាករណីស្លាប់យុវតីអ៊ីរ៉ងម្នាក់នៅមន្ទីរឃុំឃាំងបណ្តាលឱ្យមានអ្នកស្លាប់និងរបួសជាច្រើនបង្កឲ្យមានការរិះគន់ជាអន្តរជាតិ ។សូមបញ្ជាក់កាលពីថ្ងៃទី១៦ ខែកញ្ញាកន្លងទៅ ស្ត្រីជនជាតិឃឺដម្នាក់ឈ្មោះម៉ាស្ហាអាមីនី( Mahsa Amini )អាយុ២២ឆ្នាំបានស្លាប់ ក្រោយពីនាងនេះត្រូវបានចាប់ខ្លួនដោយប៉ូលិសសីលធម៌ជុំវិញការរឹតបន្តឹងលើការស្លៀកពាក់របស់ស្ត្រី។ ជារឿយៗសកម្មជនក្នុងប្រទេសអ៉ីរ៉ង់បាននាំគ្នាធ្វើការតវ៉ាដោយយកស្ត្រីធ្វើជាតួអង្គសំខាន់នៅក្នុងការតវ៉ា នោះដោយប្រើសកម្មភាពគ្រវី និងដុតស្បៃមុខ។
ប៉ុន្តែអ៉ីរ៉ង់បាននិយាយថា សហរដ្ឋអាមេរិកកំពុងគាំទ្រក្រុមកុបកម្ម បង្កើតអស្ថិរភាពក្នុងប្រទេសរបស់ខ្លួន។ អ្នកនាំពាក្យក្រសួងការបរទេសអ៉ីរ៉ង់ លោក ណាសៀ កាណាអានី (Nasser Kanaani) បានគូសបញ្ជាក់ថា «ទីក្រុងវ៉ាស៊ីនតោនតែងតែព្យាយាមធ្វើឱ្យស្ថិរភាពនិងសន្តិសុខរបស់អ៊ីរ៉ង់ចុះខ្សោយ ទោះបីជាមិនទទួលបានជោគជ័យក៏ដោយ»។កាលពីសប្តាហ៍មុន សហរដ្ឋអាមេរិកបានដាក់ទណ្ឌកម្មលើប៉ូលិសសីលធម៌របស់អ៊ីរ៉ង់ជុំវិញការចោទប្រកាន់ពីបទរំលោភបំពានលើស្ត្រីអ៊ីរ៉ង់ និងទាមទារឱ្យមានការទទួលខុសត្រូវលើការស្លាប់របស់នាងអាមីនី ព្រមទាំងបាតុករយ៉ាងហោច៤១នាក់ដែលបានស្លាប់នៅក្នុងការបង្ក្រាបរបស់អាជ្ញាធរអ៉ីរ៉ង់ លើបាតុកម្មតវ៉ាចាប់តាំងពីថ្ងៃទី១៧ ខែកញ្ញាមក។ការឆ្លើយតបភ្លាមៗ ពីរដ្ឋបាលរបស់ប្រធានាធិបតីលោក ចូ បៃដិន ដែលបានផ្តល់ការគាំទ្រជាសំឡេង ដល់បាតុករអ៊ីរ៉ង់ និងដាក់ទណ្ឌកម្ម នៅដើមនៃការតវ៉ានោះ បង្ហាញពីការផ្លាស់ប្តូរយុទ្ធសាស្ត្រ ពីពេលដែលលោក បៃដិន ជាអនុប្រធានាធិបតីរបស់លោក បារ៉ាក់ អូបាម៉ា ពីឆ្នាំ២០០៩ ដល់ឆ្នាំ២០១៦ ។នេះបើយោងតាមការចុះផ្សាយដោយទីភ្នាក់ងារសារព័ត៌មាន Reuters នៅថ្ងៃអង្គារ ទី២៧ ខែកញ្ញា ឆ្នាំ២០២២។
រដ្ឋបាលលោក បៃដិន បានឲ្យដឹងថា សហរដ្ឋអាមេរិក នឹងដាក់ទណ្ឌកម្មបន្ថែមទៀត លើប្រទេសអ៊ីរ៉ង់ ប្រសិនបើរបបនេះ បន្តបង្ក្រាបក្រុមអ្នកតវ៉ា នេះបើយោងតាមការចុះផ្សាយ របស់ទីភ្នាក់ងារសារព័ត៌មាន The National។អ្នកឃ្លាំមើលសិទ្ធិមនុស្សបានឲ្យដឹងថា អ្នកនាំពាក្យក្រសួងការ បរទេសលោក Ned Price បានលើកឡើងថា ការដាក់ទណ្ឌកម្មរបស់សហរដ្ឋអាមេរិក អាចនឹងត្រូវបានរំពឹងទុក នៅពេលដែលការតវ៉ាបានបន្ត រហូតដល់ថ្ងៃទី១០ នៅក្នុងប្រទេសអ៊ីរ៉ង់ ដែលមនុស្សជាង ៤០នាក់ត្រូវបានសម្លាប់ និងរាប់រយនាក់ត្រូវបានចាប់ខ្លួន ។
តែអង្គការក្រៅរដ្ឋាភិបាលឈ្មោះ Iran Human Rights បានលើកឡើងពីចំនួនអ្នកស្លាប់យ៉ាងតិច ៧៦នាក់។ ចំណែកគណៈកម្មាធិការការពារអ្នកកាសែតបានបញ្ជាក់ក្នុងថ្ងៃចន្ទ ទី២៦ កញ្ញាថា មានអ្នកកាសែតអ៊ីរ៉ង់ចំនួន ២០នាក់ត្រូវបានចាប់ខ្លួនគិតតាំងពីថ្ងៃទី១៦ កញ្ញា។ សហភាពអឺរ៉ុបបានបរិហារពីការប្រើកម្លាំងហួសហេតុ និងគ្មានសមាមាត្ររបស់ប៉ូលិសលើបាតុករ។ ចំណែកបារាំងបានប្រាប់ក្នុងយប់ថ្ងៃចន្ទ ទី២៦ កញ្ញាថា ខ្លួននឹងពិនិត្យជាមួយដៃគូអឺរ៉ុបលើវិធានការដើម្បីឆ្លើយតបនឹងការរំលោភសិទ្ធិស្រ្តី និងសិទ្ធិមនុស្សនៅអ៊ីរ៉ង់។ នៅអាល្លឺម៉ង់ ក្រុងប៊ែរឡាំងបានអំពាវនាវឲ្យអ៊ីរ៉ង់កុំប្រើអំពើហិង្សាលើក្រុមបាតុករ.។
កាលពីសប្តាហ៍មុន ក្រសួងរតនាគារបានដាក់ទណ្ឌកម្ម លើប៉ូលីលរបស់ប្រទេសអ៊ីរ៉ង់ និងភ្នាក់ងារសន្តិសុខផ្សេងទៀត ដែលពាក់ព័ន្ធនឹងការបង្ក្រាបនេះ។លោកបានបន្តថា “ទាំងនោះ មិនមែន ជាទណ្ឌកម្ម សិទ្ធិមនុស្ស លើកដំបូង ដែលត្រូវបានដាក់ប្រឆាំង នឹងអ៊ីរ៉ង់ នោះទេ ហើយពួកគេនឹងមិនមែន ជាអ្នកចុងក្រោយដែរ” ។