ថៃកាន់តែគឃ្លើនរំលោភយកដីកម្ពុជាបានត្រឺមឡាំប៉ាឲ្យគោរពច្បាប់និងកិច្ចព្រមព្រៀង!

ថៃ៖នាយករដ្ឋមន្ត្រីថៃលោកអនុធិនដែលទើបនិងប្រកាសពីការធ្វើប្រជាមតិលុបចោលអនុស្សរណៈ(MOU)ឆ្នាំ២០០រវាងកម្ពុជាថៃប្រកាសជាថ្មីទៀតថាបញ្ជូនកម្លាំងប៉ូលិសបន្ថែមទៅព្រំដែនដើម្បីជួយបន្ធូរបន្ថយបន្ទុកទាហានក្នុងការការពារពលរដ្ឋថៃក្នុងអំឡុងពេលមានភាពតានតឹងនឹងកម្ពុជា។នេះបើតាមកាសែងបាងកកប៉ុស្តិផ្សាយ។ទោះជាយ៉ាងណាការប្រកាសរប​ស់លោកអនុទីនឆៃវិរៈគុនគឺស្របពេលដែលប៉ូលិសថៃនៅថ្ងៃទី២៨កញ្ញាបានយកប៉ាណូ៣ផ្ទាំងមកដាក់តាំងបង្ហាញគម្រាមប្រជាពលរដ្ឋនិងអាជ្ញាធរខ្មែរនៅភូមិណងចាន់ព្រៃមាន់និងជោគជ័យ។ 

ខ្លឹមសារលើស្លាកដែលថៃដើរលើកបំពាក់នេះគឺ៖ 1. គ្រប់បុគ្គល ឬក្រុមដែលកំពុងធ្វើសកម្មភាព ឈ្លានពាន កាប់ឆ្ការ ឬសង់សំណង់ នៅក្នុងតំបន់ព្រៃព្រំដែន ឬតំបន់ដែលបានកំណត់ ត្រូវតែ ចាកចេញដោយគ្មានលក្ខខណ្ឌ ពីតំបន់នោះ។ 2. គ្រប់អ្នកឈ្លានពានត្រូវរុះរើ និងចាកចេញពីទីតាំងទាំងស្រុង ក្នុងរយៈពេល ១៥ (ដប់ប្រាំ) ថ្ងៃ គិតចាប់ពីថ្ងៃចេញសេចក្តីជូនដំណឹងនេះ។ 3. ប្រសិនបើផុតកាលកំណត់ខាងលើ បុគ្គលណាមិនព្រមចាកចេញ អាជ្ញាធរមានសមត្ថកិច្ចនឹងចាត់វិធានការ ចាប់ខ្លួន និងបញ្ជូនទៅតុលាការ តាមនីតិវិធីច្បាប់ជាធរមាន។ ទន្ទឹមនឹងនេះ សំណង់ និងឧបករណ៍ទាំងអស់ដែលពាក់ព័ន្ធនឹងសកម្មភាពខុសច្បាប់នឹងត្រូវ រឹបអូស និងកម្ទេចចោល។ ការប្រឆាំងនឹងបទបញ្ជានេះ ចាត់ទុកជាបទល្មើសព្រហ្មទណ្ឌ នឹងត្រូវទទួលខុសត្រូវចំពោះមុខច្បាប់ជាធរមាន។

ឆ្លើយតបការគឃ្លើនផស់ថៃក្នុងការទន្ទា្រនយកដីនេះអភិបាលខេត្តបន្ទាយមានជ័យ លោក អ៊ុំ រាត្រីនៅថ្ងៃទី២៨កញ្ញាដែរ បានផ្ញើសារលិខិតជូន អភិបាលខេត្តស្រះកែវ ប្រទេសថៃ ដើម្បីតវ៉ាប្រឆាំងនឹងករណីរដ្ឋបាលខេត្តស្រះកែវលើកបដា។

លោក អ៊ុំ រាត្រី  បានលើកឡើងថា ក្នុងនាមរដ្ឋបាលខេត្តបន្ទាយមានជ័យ លោកសូមតវ៉ាប្រឆាំងដាច់អហំការចំពោះសកម្មភាពនេះ ដូចជា សកម្មភាពដដែលៗ នៃការលើកបដា និងខ្លឹមសារប្រកាសខាងលើនេះជាការគំរាមកំហែងយ៉ា ធ្ងន់ធ្ងរមកលើសិទ្ធិប្រជាពលរដ្ឋស្លូតត្រង់កម្ពុជា ដែលបានកំពុងរស់នៅអាស្រ័យផលក្នុងភូមិ ទាំងពីរនេះ តាំងពីយូរយារណាស់មកហើយ គឺមុនពេលអនុស្សរណៈនៃការយោគយល់គ្នាស្តីពី ការវាស់វែង និងខណ្ឌសីមាព្រំដែនគោកកម្ពុជា-ថៃ (MOU 2000) ចូលជាធរមាន។

ទន្ទឹមនេះ រដ្ឋបាលខេត្តបន្ទាយមានជ័យសូមបញ្ជាក់ជូនថា រដ្ឋបាលខេត្តស្រះកែវមិនមានសមត្ថកិច្ចកំណត់ព្រំដែន និងអនុវត្តច្បាប់ក្នុងស្រុកថៃរបស់ខ្លួនមកលើសហគមន៍កម្ពុជាដែលបាននិងកំពុងរស់នៅ និងអាស្រ័យផលក្នុងតំបន់មិនទាន់មានការកំណត់ខណ្ឌសីមាព្រំដែនរួចរាល់នោះទេ។ យោងតាមអនុស្សរណៈនៃការយោគយល់គ្នា (MOU 2000), កំណត់ហេតុកិច្ចប្រជុំពិសេសគណៈកម្មាធិការព្រំដែនទូទៅកម្ពុជា-ថៃ (GBC) កាលពីថ្ងៃទី១០ ខែកញ្ញា ឆ្នាំ២០២៥ ភាគីទាំងសងខាងបានឯកភាពរក្សាស្ថានភាពដដែល រហូតដល់ការងារខណ្ឌសីមាព្រំដែនត្រូវបានបញ្ចប់។

លោកអភិបាលខេត្តចាត់ទុកសកម្មភាពឯកតោភាគីដដែលៗខាងលើ គឺជាការបង្កហេតុដែលនាំឱ្យមានភាពតានតឹងកើនឡើងនៅតំបន់ដែលកំពុងមានជម្លោះ និងជាការបំពានលើកិច្ចព្រមព្រៀងបទឈប់បាញ់ ថ្ងៃទី២៨ ខែកក្កដា ឆ្នាំ២០២៥, លទ្ធផលនៃកិច្ចប្រជុំវិសាមញ្ញរបស់គណៈកម្មាធិការព្រំដែនទូទៅ (GBC) ថ្ងៃទី៧ ខែសីហា ឆ្នាំ២០២៥ និងលទ្ធផលនៃកិច្ចប្រជុំវិសាមញ្ញគណៈកម្មាធិការព្រំដែនថ្នាក់យោធ ភូមិភាគ (RBC) ព្រមទាំងជាការរំលោភបំពានយ៉ាងជាក់ស្តែងលើកំណត់ហេតុកិច្ចប្រជុំពិសេស លើកទី១ របស់គណៈកម្មាធិការព្រំដែនទូទៅ (GBC) ថ្ងៃទី១០ ខែកញ្ញា ឆ្នាំ២០២៥ ដែលភាគឺទាំងពីរបានឯកភាពគ្នាក្នុងការទប់ស្កាត់រាល់សកម្មភាព ដែលធ្វើឱ្យខូចដល់ការជឿទុកចិត្តគ្នាទៅវិញទៅមក បង្កឱ្យមានការយល់ច្រឡំ បង្កើនភាពតានតឹងនៅតាមព្រំដែន ឬពង្រីកវិសាលភាព និងទំហំនៃជម្លោះ ជាពិសេសរំលោភចំណុច ៨ នៃកំណត់ហេតុកិច្ចប្រជុំពិសេស GBC លើកទី១ ដែលភាគីទាំងពីរបានព្រមព្រៀងគ្នាពាក់ព័ន្ធនឹងឧបទ្ទវហេតុនៅក្នុងតំបន់ភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ព្រះរាជាណាចក្រកម្ពុជា ទល់មុខភូមិណងចាន់ ស្រុកឧកស្ទឹង ស្រះកែវ ប្រទេសថៃ។

ភាគីទាំងពីរបានព្រមព្រៀងគ្នាទទួលស្គាល់ថា គណៈកម្មការចំរុះព្រំដែន (JBC) ជាយន្តការដោះស្រាយបញ្ហាដែលទាក់ទងនឹងការវាស់វែងរួម និងខ័ណ្ឌសីមាព្រំដែនព្រមទាំងបានឯកភាពដាក់បញ្ហានេះជារបៀបវារៈអាទិភាពនៅកិច្ចប្រជុំបន្ទាប់នៃគណៈកម្មការ ចំរុះព្រំដែន (JBC)។ ភាគីទាំងពីរបានប្រគល់ភារកិច្ចដល់គណៈកម្មាធិការព្រំដែនថ្នាក់យោធភូមិភាគ (RBC) ដើម្បីពិភាក្សាអំពីការគ្រប់គ្រងបញ្ហានេះឱ្យបានឆាប់បំផុត ស្របតាមលទ្ធផលនៃកិច្ចពិភាក្សារបស់គណៈកម្មការចម្រុះព្រំដែន (JBC)។

រដ្ឋបាលខេត្តបន្ទាយមានជ័យ ស្នើឱ្យរដ្ឋបាលខេត្តស្រះកែវចូលរួមផ្តល់កិច្ចសហការចាត់វិធានការបញ្ឈប់នូវសកម្មភាពខាងលើជាបន្ទាន់ដោយរក្សានូវស្ថានភាពដើម។ រដ្ឋបាលខេត្តបន្ទាយមានជ័យសង្ឃឹមយ៉ាងមុតមាំថា ខេត្តស្រះកែវប្រកាន់ខ្ជាប់ដោយសុទ្ធចិត្ត នូវលក្ខខណ្ឌបទឈប់បាញ់ និងបញ្ឈប់នូវផែនការបណ្តេញប្រជាជនរាប់រយគ្រួសារចេញពីផ្ទះសំបែង និងដីធ្លីដែលគេបានរស់នៅជាច្រើនទសវត្សរ៍មកហើយ។

ជាមួយសកម្មភាពខាងលើនៅថ្ងៃទី២៩  ខែកញ្ញា ឆ្នាំ២០២៥  នៅទីបញ្ជាការកងទ័ពជើងទឹកថៃ ឧត្តមនាវីទោ Parach Rattanaichaiphan អ្នកនាំពាក្យរងនៃកងទ័ពជើងទឹកថៃបានបង្ហើបប្រាបើកាសសែតថៃថា នៅថ្ងៃទី 28 ខែកញ្ញា កងទ័ពជើងទឹកភូមិន្ទថៃ តាមរយៈបញ្ជាការដ្ឋានការពារព្រំដែន Chanthaburi និង Trat បានរុះរើសំណង់នានា ដែលនៅទល់មុខសង្កាត់ Ban Nong 3 ។ការផ្សាយរបស់កាសែតថៃនូវពត៍មានរើរុះលេណដ្ឋាននិងផ្ទះសម្បែងប្រជាពលរដ្ឋនេះបានកើតឡើងក្រោយពីមានកិច្ចប្រជុំពិសេសរវាងភូមិភាគ៥កម្ពុជានិងភូមិភាគ១ថៃ(RBC)នៅកោះកុងកាលពីថ្ងៃទី១០កញ្ញាដែលក្រោយមកក៏មានលិខិតរបស់យោធាខេត្តយល់ព្រមរុះតាមតាមការសុំរបស់ថៃ។

តែក្រោយពីមានកាសែតថៃចេញផ្សាយខាងយោធាភូមិភាគ៥ក៏បានចេញសេចក្តីថ្លែងការបដិសេធថាអត់មានការុះរើអីទេ។ កងទ័ពយោធភូមិភាគទី៥ នៃកងយោធពលខេមរភូមិន្ទ ដែលឈរជើងតាមបណ្តាញព្រំដែន បានបញ្ជាក់ជំហរយ៉ាងម៉ឺងម៉ាត់ក្នុងការការពារអធិបតេយ្យ និងបូរណភាពទឹកដីកម្ពុជាឱ្យបានជាដាច់ខាត។ដោយសារមិនអាចមានការផ្ទៀតផ្ទាត់បានគេមិនដឹងខាងណាភូតខាងណានិយាយពិតនោះទេ៕