វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2520 នាក់
ម្សិលមិញ 10264 នាក់
សរុប 14141702 នាក់
រតនៈគីរី៖ប្រជាកសិករខេត្តរតនៈគិរីដែលកំពុងប្រមូលផលសណ្តែកសៀង មានការព្រួយបារម្ភពីរក្នុងពេលតែ គឺទិន្នផលធ្លាក់ចុះ ហើយលក់ចេញមិនរួចថ្លៃដើមទៀតក្នុងពេលអ្នកខ្លះជំពាក់បំណុលធនាគារ ។ មូលហេតុកសិករគឺដោយសារតែឆ្នាំនេះអាកាសធាតុមិន អំណោយផលសម្រាប់ដំណាំសណ្តែកសៀង ។
កសិករឈ្មោះហ៊ាង រ៉េន រស់នៅភូមិ១សង្កាត់កាចាញ ក្រុងបានលុង ខេត្តរតនគិរី ដែលកំពុងប្រមូលផលសណ្តែកសៀងលើផ្ទៃដីប្រមាណជាង៥ហិកតា នាព្រឹកថ្ងៃទី៣០ ខែតុលា ឆ្នាំ២០១៨បានលើកឡើងថា កសិករដែលដាំសណ្តែកសៀងនៅខេត្តរតនៈគិរីក្នុងឆ្នាំ២០១៨នេះ ដាំដុះមិនត្រូវតាមខែ ព្រោះតែបញ្ហាភ្លៀងធ្លាក់ខ្លាំងជាប់គ្នានៅដើមរដូវដាំដុះ ទើបធ្វើឲ្យពួកគាត់ដាំដុះយឺតពេល រហូតដល់ពេលប្រមូលផលបែរជាភ្លៀងបានធ្លាក់ជាប់ៗគ្នា ធ្វើឲ្យសណ្តែកខ្លះហើម ខ្លះរលួយ ខ្លះស្កក ជាហេតុបង្កឲ្យសណ្តែកពួកគាត់ធ្លាក់ទិន្នផល។
ជាមួយគ្ននោះការលក់សណ្តែកមិនរួចថ្លៃដើមដាំដុះ និងជួល កម្មករទៀត ។ ការធ្លាក់ចុះទិន្នផលនេះកើតឡើងចំពោះកសិករដាំដុះសណ្តែកសៀងរយៈពេល២ឆ្នាំ ជាប់ៗគ្នាមកហើយសម្រាប់ខេត្តរតនគិរី។ ទិន្នផលសណ្តែក សៀងប្រសិនបើល្អនោះ ទទួលបានចន្លោះពី១,៨តោនទៅ២តោនក្នុង១ហិកតា ប៉ុន្តែបច្ចុប្បន្ននេះពួកគាត់ប្រមូលផលបានត្រឹមតែ៧០០គីឡូក្រាមទៅ៨០០គីឡូក្រាមប៉ុណ្ណោះក្នុង១ហិកតា រីឯតម្លៃប្រហាក់ប្រហែលឆ្នាំមុន ។
លោក ខៀវ ថា អនុប្រធានមន្ទីរពានិច្ចកម្មខេត្តរតនៈគីរីបានអោយដឹងថា បច្ចុប្បន្ននេះសណ្តែក សៀងមានតម្លៃចន្លោះពី១៦៣០ទៅ១៦៥០រៀលក្នុង១គីឡូក្រាមទៅតាមគុណភាពសណ្តែក បើធៀបនឹងឆ្នាំ២០១៧ ទទួលបានចន្លោះពី២០០០រៀល ទៅ២២០០រៀល ហើយការនាំចេញគឺនាំទៅកាន់ប្រទេសវៀតណាម រីឯតម្លៃស្រេចតែលើឈ្មួញវៀតណាមកំណត់។ ព្រោះនៅកម្ពុជាពុំទាន់មានអ្នកបញ្ជាទិញច្បាស់លាស់ ។
លោក សែម រឿនប្រធានការិយាល័យក្សេតសាស្ត្រនៃមន្ទីរកសិកម្មរុក្ខាប្រមាញ់ និងនេសាទខេត្តរតនគិរីបានទទួលស្គាល់ថា ឆ្នាំ២០១៨នេះការដាំដុះដំណាំសណ្តែកសៀងរបស់កសិករនៅខេត្តរតនគិរីជួបបញ្ហាប្រឈមប្រាកដមែន ដោយសារតែបណ្តាលមកពីអាកាសធាតុមិនអំណោយផលសម្រាប់ពួកគាត់ដាំដំណាំសណ្តែកសៀង ចំណែកឯកសិករមួយចំនួនធំបានប្រើប្រាស់ថ្នាំ បាញ់ស្មៅទៅលើដំណាំសណ្តែកលើសកំណត់ ទើបធ្វើឲ្យជួបបញ្ហាធ្លាក់ចុះទិន្នផលបែបនេះ ។
ប្រធានការិយាល័យរូបនេះបន្តថាខេត្ត រតនគិរីក្នុងឆ្នាំ២០១៨នេះមានផ្ទៃដីដាំដុះដំណាំសណ្តែកសៀងចំនួន៤៣៣៦ហិកតា បើធៀបនឹងឆ្នាំ២០១៧មានការថយចុះ១២៨០ហិកតា ។
លោកថាមូលហេតុនៃការថយចុះផ្ទៃដីដាំដុះសណ្តែកសៀកនេះគឺបណ្តាឆ្នាំកន្លងមកកសិករដាំតាមចន្លោះរងកៅស៊ូ និងចន្លោះរងចាន់ទី។ហើយនៅពេលដំណាំកសិឧស្សាហកម្មទាំងនេះធំបែកមែកសាខាគឺមិនអាចដាំបានទៀតទេ។ប្រភពមន្ទីរពតិមានខេត្ត