ក្រោយពីកញ្ញា វ៉ាន់ នីឡា ឡាំប៉ាទាមទារយុត្តិធម៌ អ្នកវិភាគឯករាជ្យ ចេញបកស្រាយ!
15-March-2026 / សិល្បះនិងប្លែកៗ
ភ្នំពេញ៖លោក វណ្ណ ស៊ីដារ៉ូឈ្មោះហ្វេសប៊ុក (Stephen Row) អ្នកវិភាគពត័មានម្នាក់បានចេញលិខិតជម្រាបជាសាធារណៈបដិសេធ ទាក់ទងនឹងរឿងរ៉ាវដែល តារាចម្រៀង វ៉ាន់ នីឡា យំឡាំប៉ាចោទប្រកាន់ ខ្លឹមសារដែលលោកបានបង្ហោះ ថាមានគោលដៅលើ់នាង ។
ក្នុងសេចក្តីជូនដំណឹងរបស់លោកវណ្ណស៊ីដារ៉ូ បានរៀបរាប់ថា លោកមានក្តីភ្ញាក់ផ្អើលយ៉ាងខ្លាំងចំពោះខ្លឹមសារវីដេអូ កញ្ញា វ៉ាន់នីឡា បង្ហោះជាសាធារណៈ កាលពីថ្ងៃអាទិត្យ ទី១៦ ខែកុម្ភៈ ឆ្នាំ២០២៥ ដោយបានបង្ហាញអត្តសញ្ញាណលោកចំៗ ដោយផ្អែកលើខ្លឹមសារមួយក្នុងផុសរបស់លោក ដែលបានផុសកាលពីថ្ងៃ ទី១២ ខែកុម្ភៈ ឆ្នាំ២០២៥ មានអត្ថន័យថា ៖ ម៉ិញចូលម៉ាត ចែ១ ប្រម៉ូសិនការ៉េមវ៉ានីឡា DISCOUNT ៥០% ទិញសាកដល់ផ្ទះបានដឹងវ៉ានីឡាប៊ែហ្នឹងបែក ហូបឡើងភ្លាវ! ស្តាយខំទិញ។ ត្រង់ចំណុចនេះ លោកបញ្ជាក់ថា នាម វ៉ានីឡា ជាឈ្មោះការ៉េមកី ហើយកញ្ញាយល់ថា នោះកំពុងសម្តៅទៅរកខ្លួន?។
ករណីផ្សេងគ្នាមួយទៀតលោកស៊ីដារ៉ូថាក៏ ជាការកាត់យកខ្លឹមសារពាក្យសម្តីទំនាស់ពាក្យសម្ដីលោក និង ម្ចាស់អាខោន ឈ្មោះ Hee So (ករណីកើតឡើង ទម្រង់កាលបរិច្ឆេទពីរផ្សេងគ្នា សំណេរផុសមានចេតនាកាត់ចេញ តែត្រូវលើកមកនិយាយក្នុងពេលតែមួយករណីការ៉េមកី) ក្នុងចេតនាថាលោកមានជំងឺសតិអារម្មណ៍ ដើរស្រាត និង កើតកាមរោគ។សំណេរអ្នកវិភាករូបនេះតបមានសេចក្ដីថា៖ SAY THAT TO WHEN fun (SAY THAT TO ME WHEN ME LEAKED NUDE – – សូមដៀលខ្ញុំចុះ បើថ្ងៃណាមួយខ្ញុំបែកដើរស្រាត ដោយយល់ថា នោះជាការប្រមាថដល់ភាគីខាងលើ គឺជាការយល់ច្រឡំសុទ្ធសាធ។ ផ្ទុយទៅវិញ វាជាទំនាស់បុគ្គល ដាច់ដោយឡែកជាមួយបុគ្គលម្នាក់ផ្សេង ជាម្ចាស់គណនីឈ្មោះ Hee So (ករណីកើតឡើង ថ្ងៃ ១៤ ខែកុម្ភៈ ឆ្នាំ ២០២៥ ) គោលដៅទៅថ្ងៃអនាគតកាល។
លោកស៊ីដារ៉ូថា “ករណីកញ្ញា(វ៉ានីឡា)បានអះអាងថាខ្ញុំប្រើឃ្លា «មី» ហៅកញ្ញា ឃ្លាភ្ជាប់នឹងពាក្យថា បែកនូត ចេតនាថាសម្ដៅលើខ្លួនទៅវិញ ក៏ជាការយល់ខុសផងដែរ។ ដែល មី (Me) សម្ដៅថា ខ្ញុំ (មិនមែន អសុរសស័ព្ទ មីឡើយ) ដោយផុសមួយនេះប្រើលើបុគ្គលផ្សេងគ្នា គ្មានឈ្មោះកញ្ញា ឬការពាក់ព័ន្ធគ្នាទាល់តែសោះ សូម្បី ០.០១ ភាគរយ ។បើតាមលោកស៊ីដារ៉ូបញ្ជាក់ថា ម្ចាស់គណនី បាននិយាយអះអាងពីខ្ញុំ ក្នុងកិរិយាឆេះឆួល ខឹងសម្បារ ប្រមាថខ្ញុំបាទ ដោយលើកបង្ហាញ ការ៉េមវ៉ានីឡា និង NUDE ប្រកាសអះអាងថា ខ្ញុំបាទសម្ដៅលើ កញ្ញា ។ ខ្ញុំបាទសូមច្រានចោលការចោទប្រកាន់នេះទាំងស្រុង ថាមិនពិត និង បំភ្លៃពីការពិត មិនសមហេតុផល ទាល់តែសោះ ។
លោកស៊ីដារ៉ូបានស្នើដល់សម្មតិកម្ម វិវាទអង្គហេតុ និង បុគ្គលដែលមានឈ្មោះដូចគ្នា គឺជាវិវាទកើតឡើងដោយការយល់ច្រឡំ (ផុសកាលបរិច្ឆេទ ប្រភេទនាមស័ព្ទនៃការ៉េម និង បុគ្គល ២ផ្សេងគ្នា) ក្រោមចេតនាញុះញង់ឲ្យមានការយល់ច្រឡំនឹងគ្នាពី បុគ្គលដែលប្រើគណនីក្លែងក្លាយ។ ទន្ទឹមនេះ លោកក៏សូមអភ័យទោស ចំពោះសំណេរដែលលោកផ្សាយចេញទៅ បើមានចំណុចចឆ្គាំឆ្គងហើយប៉ះពាល់ដល់អារម្មណ៍កញ្ញាដោយប្រការណាមួយ។មានការកត់សម្គាល់ថាករណីយ៍សំណេរមួយនេះបានបង្កឲ្យលោកស៊ីដារ៉ូនិងកញ្ញាវ៉ានីឡាល្បីតាមបណ្តាញសង្គមផងដែរ។
