» ឡាន​ភិ​ក​អាប់​ម៉ាក​ហ្វ​ត​មួយគ្រឿង​ធ្លាក់​ក្នុង​ទឹក​ស្លាប់​បុរស​ចាស់​ម្នាក់​មិនទាន់​ទាន់​ដឹង​ពី​មូលហេតុ​! » ចប់​ដោយ​បរិបូរណ៍ ! សង្គ្រាម​រវាង​អ្នកនា​ម៉េង​ពេ​ជ្ជ​តា​និង​ជំ​ទា​វចន​ច​ន្ទ័​លក្ខិណា​ » វៀតណាម និង​ថៃ​កំពុង​នាំមុខគេ​ក្នុងនាម​ជាទី​ផ្សារ E-commerce នៅ​អាស៊ីអាគ្នេយ៍ » ឥទ្ធិពល​គ្រឿងញៀន​បុរស​ម្នាក់ ស្រវឹង​ផង​បែក​ផង​ដុត​ផ្ទះ​ខ្លួនឯង​ចោល​ខ្ទេច ប្រពន្ធ​-​កូន​បាន​ត្រឹម​យំ​! » កម្ពុជា​រៀបចំ​ដាក់ឱ្យ​ដំណើការ​ឍ​កម្មវិធី​ទូរស័ព្ទ​«​បាគង​សម្រាប់​ទេសចរ​» ឆាប់ៗ​នេះ​ » មន្ត្រី​ជំនាញ​សុរិយោដី​ស្រុក​មេសាង ទា​លុយ បង្ក​ការ​ក្តៅ ក្រហាយ និង​ការ​ថ្នាំងថ្នាក់​ចិត្ត​ពី​ប្រជា​ពល​រដ្ន​ក្នុង​មូលដ្ឋាន​ » បន្ទាប់ពី​ហ្វីលីពីន​ស្លាប់​១២​កម្ពុ​ជាមាន​ខ្យល់ព្យុះ​ឈ្មោះ​«​ព្រះ​ពិរុណ​»​និង​«​ហ្គ្សា​មី​» ដែល ធ្វើឱ្យមាន​ភ្លៀង​ធ្លាក់​លាយឡំ​ផ្គរ​រ​ន្ទ និង​ខ្យល់​កន្ត្រាក់ រយៈពេល​៣​ថ្ងៃ​ » តារា​សម្ដែង TIKTOK ៣​នាក់ បើករថយន្ត​ឆ្លងផ្លូវ ខ្វះ​ការប្រុងប្រយ័ត្ន ត្រូវ បុរស​ម្នាក់ បើក​ម៉ូតូ លឿន ជាន់​ហ្វ្រាំង មិន​ជាប់​ជ្រុល​បុក​ពេញទំហឹង​ » យោធា​ខ្មែរ​-​ថៃ​នៅ​ច្រកទ្វារព្រំដែន​អន្តរជាតិ​អូរ​ស្មាច់​-​ឆ​ង​ចម សហប្រតិបត្តិការ បើក​វគ្គ​ផ្លាស់ប្តូរ​បទពិសោធន៍​គ្នា​ក្នុងការ​ជួយសង្គ្រោះ​គ្រោះមហន្តរាយ និង​ជំនួយ​ដំបូង​ក្នុងការ​ជម្រុញ​គម្រោង​ភូមិ​-​ឃុំ​រឹងមាំ​តាម​បណ្តោយ​ព្រំដែន​កម្ពុជា​-​ថៃ​ » រដ្ឋមន្ត្រីក្រសួង​ព័ត៌មាន​៖ «​ធម្មនុញ្ញ​វិជ្ជាជីវៈ​សារព័ត៌មាន​» មាន​គោលដៅ​មើល​ការប្រព្រឹត្ត​របស់​ក្រុម MMO ដែលនាំឱ្យ​ពលរដ្ឋ​បាត់បង់​ទំនុកចិត្ត​និង​លើក​កំពស់​លើ​វិស័យ​ព័ត៌មាន​វិជ្ជាជីវៈ ! » ​ផ្ទាំង​ប៉ាណូ​អក្សរ​ចិន​នៅ​កណ្តាល​ក្រុង​បាងកក​ឃោសនា​ពី​ការចូល​សញ្ជាតិ​និង​ថ្វើ​លិខិតឆ្លងដែន​ត្រូវ​អាជ្ញាធរ​ថៃ​ទម្លាក់​ហើយ​! » កូរ៉េខាងត្បូង បង្ហាញ​ពី​តួលេខ​អ្នក​ដែល​រត់គេច​ពី​កូរ៉េខាងជើង ចូល​ទឹកដី​របស់ខ្លួន​បន្ទាប់ពី​ប្រធានាធិបតី​ប្រកាសថា​មិន​បញ្ជូន​ទៅវិញ​ » នាយ​និង​នាយរង​ការិយាល័យ ប្រឆាំង​បទល្មើស​គ្រឿងញៀន ខេត្ដ​ស្ទឹងត្រែង ៣​នាក់ ជាប់​ពាក់ព័ន្ធ​នឹង​បទល្មើស​ចោរកម្ម និង​គ្រឿងញៀន » នារី​ជា​ភ្ញៀវ​ម្នាក់ ភ្លេច​ទូរ​សព្ទ័​ដែលមាន​លុយ​៣០០​ដុល្លារ​នៅលើ​កង់​បី នាង​ក៏​យក​ទូរស័ព្ទ​មិត្តភក្តិ​ខ​ល​ឱ្យ​ម្ចាស់​កង់​បី​យកមក​ឱ្យ​វិញ​បាត់អស់​១០០​ដុល្លារ​!? » អគ្គទេសាភិបាល​កម្ពុជា បានស្នើ​ដល់ ធនាគារ​ចិន ប្រចាំ​ទីក្រុង​ហុងកុង ជួយ​សម្រួល និង​បន្ធូរបន្ថយ​លក្ខណៈវិនិច្ឆ័យ​ក្នុងការ​ជ្រើស​ក្រដាសប្រាក់​ដុល្លារ​អាមេរិក​ពី​កម្ពុជា​

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 6022 នាក់

ម្សិលមិញ 5399 នាក់

សរុប 14760194 នាក់

ទិវា​នៃ​ក្តី​ស្រឡាញ់​១៤​កុម្ភៈ ក្រសួង​កិច្ចការនារី ក្រើនរំលឹក​ដល់​យុវជន​-​យុវនារី​ខ្មែរ កុំ


ភ្នំពេញ​៖​ក្រសួង​កិច្ចការនារី បាន​ក្រើនរំលឹក​ដល់​យុវជន​-​យុវនារី​ខ្មែរ កុំ​យក​ថ្ងៃទី​១៤ ខែកុម្ភៈ ដែល​មនុស្ស​មួយចំនួន ជាពិសេស​គ្រិស្ត​សាសនិកជន បាន​កំណត់ថា ជា​ទិវា​នៃ​ក្តី​ស្រឡាញ់ ប្រព្រឹត្តិ​សកម្មភាព ដែល​ពុំគួរ​គប្បី ប្រាសចាក​សីលធម៌ វប្បធម៌ ប្រពៃណី និង​ទំនៀមទម្លាប់​ដ៏​ល្អ ផូរផង់​របស់​ខ្មែរ​យើង​។a valintine day1

តាម​សេចក្ដីអំពាវនាវ ដែល​បណ្ដាញ​ព័ត៌មាន ទទួលបាន​នៅ​ថ្ងៃទី​១៣ ខែកុម្ភៈ​បានលើកឡើង​ថា​៖​ក្រសួង​កិច្ចការនារី សង្កេតឃើញថា មាន​ប្រជាពលរដ្ឋ និង​យុវជន យុវនារី​មួយចំនួន នៅមាន​ការយល់​ខុស និង​ភាន់ច្រឡំ​លើ​អត្ថន័យ​នៃ​ថ្ងៃទី​១៤ ខែកុម្ភៈ ដែល​មនុស្ស​មួយចំនួន ជាពិសេស​គ្រិស្ត​សាសនិកជន បាន​កំណត់ថា ជា​ទិវា​នៃ​ក្តី​ស្រឡាញ់ ដោយ​ប្រើប្រាស់​ថ្ងៃនេះ ប្រព្រឹត្តិ​សកម្មភាព​ដែល​ពុំគួរ​គប្បី ប្រាសចាក​សីលធម៌ វប្បធម៌ ប្រពៃណី និង​ទំនៀមទម្លាប់​ដ៏​ល្អ ផូរផង់​របស់​ខ្មែរ​យើង​។​ប៉ុន្តែ​សេចក្តីអំបាវនាវ​ដែល​លើកយក​គ្រិស្ត​និក​ជន​ថ្វើ​ជា​ឧទ្ទាហរណ៍​បង្ក​ឲ្យ​មានប្រតិកម្ម​ពី​អ្នក​កាន់​គ្រិស្ត​សា​ឆ​សនា​នៅក្នុង​ស្រុក​ខ្មែរ​ដែរ​ថា​ខាង​គ្រិស្តសាសនា​មិន​ដេ​ល​ប្រារព្ធ​ពិធី​នេះ​ទេ​?​។​

​ទោះបីយ៉ាងណា​ក្រសួង​កិច្ចការនារី​បាន​ក្រើនរំលឹក​ជូន​ដល់​បងប្អូន​ប្រជាពលរដ្ឋ ជាពិសេស​យុវជន យុវនារី​ខ្មែរ សូមមេត្តា​ប្រកាន់ខ្ជាប់​នូវ​កិត្តិយស សេចក្ដីថ្លៃថ្នូរ ព្រមទាំង​ចូលរួម​ថែរក្សា និង​លើកស្ទួយ​កិត្យានុភាព​ជាតិ វប្បធម៌ ប្រពៃណី ទំនៀមទម្លាប់​ខ្មែរ ដែលជា​មរតក​ដ៏​ថ្លៃថ្លា​បន្សល់ទុក​តាំងពី​បុរាណកាល​មក ហើយ​គួរ​សិក្សា​ស្រាវជ្រាវ ស្វែងយល់​ឱ្យបាន​ស៊ីជម្រៅ គ្រប់​ជ្រុងជ្រោយ​លើ​អត្ថន័យ និង​ខ្លឹមសារ​នៃ​ទិវា​នៃ​ក្តី​ស្រឡាញ់​នេះ​។​
​ក្រសួង​កិច្ចការនារី មាន​ជំនឿ​យ៉ាង​មុតមាំ​ថា បងប្អូន​ប្រជាពលរដ្ឋ មាតាបិតា​អាណាព្យាបាល អាជ្ញាធរ​ពាក់ព័ន្ធ យុវជន យុវនារី នឹងចូលរួម​ផ្សព្វផ្សាយ អប់រំ ណែនាំ​ដល់​បងប្អូន​កូន ចៅ សាច់ញាតិ ឬ​ក្រុមគ្រួសារ សំដៅ​ឈានទៅ​លុបបំបាត់​សកម្ម​ភាពជា​អវិជ្ជមាន​នានា ក្នុងសង្គម ក្នុងន័យ​រួមគ្នា​ថែរក្សា​កិត្តិយស សេចក្តីថ្លៃថ្នូរ វប្បធម៌ ប្រពៃណី និង​ទំនៀមទម្លាប់​ដ៏​ល្អ​ផូរផង់ របស់​ខ្មែរ​យើង ឲ្យ​គង់វង្ស​ស្ថិតស្ថេរ ជានិច្ច​និរន្តរ៍​។​

​សូមបញ្ជាក់ថា​Valentine’s Day ជា​ពិធីបុណ្យ​មួយ​របស់​ជនជាតិ​នៅ​ប៉ែក​អឺរ៉ុប ប៉ុន្តែ​បច្ចុប្បន្ន​ប្រជាជន​ស្ទើរតែ​ទូទាំង​ពិភពលោក​ក៏​តែង​ប្រារព្ធ​ដូចគ្នា ។ យ៉ាងណាមិញ នៅក្នុង​ប្រទេស​កម្ពុជា​ក៏មាន​យុវវ័យ​មួយចំនួន​កំពុងតែ​យល់ច្រឡំ​ថា​ថ្ងៃ Valentine’s Day គឺជា​ថ្ងៃ​ដែល​ត្រូវ​លះបង់​ខ្លួនប្រាណ​ជូន​ដល់​មនុស្ស​ជាទី​ស្រឡាញ់​របស់ខ្លួន​ទៅវិញ ។​Valentine’s Day​មាន​ប្រវត្តិ​យ៉ាងណា ?​នៅ សតវត្ស​ទី​៣ នៃ គ​.​ស Valentine ជា​អាចារ្យ​ឆ្នើម​មួយរូប​នៃ​ក្រុង​ទែ​រ​មី ប្រទេស​អ៊ីតាលី ។ គាត់​បាន​រៀប​ការអោយ​គូរ​ស្នេ​ហ័​មួយគូ​ដែល​ច្បាប់​មិន​អនុញ្ញាត ដែល​ប្រភព​ខ្លះ​ថា ដោយសារតែ​កូនកំលោះ​ជា​ទាហាន ទើប​ច្បាប់​ប្រទេស​ត្រូ​ហាមប្រាម ។ Valentine បាន​រៀប​ការឱ្យ​ផ្កា​ជាច្រើន​ដល់​គូ​នៅក្នុង​សួនច្បារ​របស់គាត់ ។ នេះ​ជា​ហេតុផល​ដែល​ផ្កា​ដើរតួ​យ៉ាងសំខាន់​សម្រាប់​ថ្ថៃ​បុណ្យ​នៃ​ក្ដី​ស្រលាញ់ ។ រឿងនេះ​មិនបាន​ធ្វើឱ្យ​ព្រះ​ចៅ​អធិរាជ​ពេញចិត្ត​ឡើយ ហេតុនេះ​ទើប នៅ​ថ្ងៃទី​១៤ កុម្ភៈ ឆ្នាំ​២៦៩ Valentine ត្រូវបាន​កាត់ទោស​ប្រហា​ជីវិត ។​

​ប្រភព​ខ្លះទៀត ឲ្យ​ដឹងថា Valentine ជាប់គុក បន្ទាប់ពី​ពាក់ព័ន្ធ​ដោយ «​ក្ដី​ស្រឡាញ់​» ផ្ទាល់ខ្លួន បន្ទាប់ពី​លោក​បាក់ចិត្ត​ស្រឡាញ់ នារី​វ័យក្មេង​ម្នាក់ ដែលជា​កូនស្រី​ឆ្មាំ​គុក​មួយរូប ដែល​បាន​ទៅសួរសុខទុក្ខ​លោក នៅពេល​ជាប់​ក្នុង​ពន្ធនាគារ​។ មុនពេល​ស្លាប់ គេ​បាន​ចោទថា លោក​សរសេរ​លិខិត​មួយ​ផ្ញើ​ទៅ​នាង​ថា «​ពី​បង Valentine របស់​អូន​» ជា​ភស្តុតាង​បង្ហាញ​មួយ ដែល​មនុស្ស​ជាច្រើន យកទៅ​ប្រើ​មកដល់​សព្វ​ថ្ងៃនេះ ។ ថ្វីបើ​នៅ​ពីក្រោយ​រឿងរ៉ាវ របស់ Valentine មាន​ភាពស្រពេចស្រពិល​ក្តី ប៉ុន្តែ​សុទ្ធតែ​បាន​បញ្ជាក់ថា លោក​ជា​វីរបុរស ដែលមាន​មនោសញ្ចេតនា​ស្នេហា ដ៏​ជ្រាលជ្រៅ​បំផុត និង​ដោយសារ​កេរ្តិ៍ឈ្មោះ​នេះហើយ ទើប Valentine ក្លាយជា​បុគ្គល​មួយរូប ដ៏​មាន​ប្រជាប្រិយ​នៅ​ទូទាំង​ពិភពលោក ។​

​បើទោះជា​យ៉ាងណាក្តី Valentine’s Day មិនមែនជា​ពិធីបុណ្យ​ផ្លូវការ​របស់​រដ្ឋ​ទេ ប៉ុន្តែ​ជា​ទម្លាប់​មិនថាតែ​ប្រជាជន​នៅ​ប៉ែក​អឺរ៉ុប​ទេ ប្រទេស​ទូទាំង​អាស៊ី និង​មនុស្ស​នៅ​ជុំវិញ​ពិភពលោក​តែង​ប្រារព្ធ​ធ្វើ​ពិធី​នេះ​នៅ​ថ្ងៃ​១៤ កុម្ភៈ ជា​រៀងរាល់ឆ្នាំ ហើយ​វា​ក៏​អាចជា​ថ្ងៃ​ដ៏​វិសេស សម្រាប់​គូស្នេហ៍ ជ្រើស​យកមក​ធ្វើជា​ថ្ងៃ​រៀបការ​ទៀតផង ។​​នៅ​កម្ពុ​ជាមាន​យុវវ័យ​ជាច្រើន កំពុងតែ​ភ្លើតភ្លើន យល់ច្រឡំ​នឹង​បុណ្យ​វប្បធម៌​បែប​បស្ចិម​ប្រទេសមួយ​នេះ ដោយ​អ្នកខ្លះ​ថែមទាំង​បាន​ប្រព្រឹត្ត​ទង្វើ​ខុសឆ្គង​ប្រពៃណី​ខ្មែរ ដោយ​សំអាង​ទៅលើ​បុណ្យ​នៃ​ក្ដី​ស្រឡាញ់ ឬ Valentine’s Day ។ ក៏ប៉ុន្តែ​បច្ចុប្បន្ននេះ យុវវ័យ​ហាក់ដូចជា​បាន​យល់ដឹង​ច្រើន​ទាក់ទង​ទៅនឹង​បញ្ហា​នេះ ចេះ​ស្រឡាញ់​ការសិក្សា បញ្ញា​ជា​អាវុធ មិន​ងាយ​នឹង​ចាញ់​ក្បិ​ច​ស្នេហា​បោកប្រាស់​របស់​យុវជន​ឡើយ ។​

​អ្វីដែល​គួរតែ​ត្រូវធ្វើ​សម្រាប់​យុវវ័យ ក៏ដូចជា​មនុស្ស​ទូទៅ ក្នុង​ថ្ងៃបុណ្យ​នៃ​ក្ដី​ស្រឡាញ់​នេះ លោក អ្នក​គួរតែ​បង្ហាញ ក្ដី​ស្រឡាញ់​ដល់​គ្នា​ទៅវិញទៅមក រវាង​កូន និង​ឪពុកម្ដាយ រវាង​បងប្អូន រវាង​គូសង្សារ រវាង​មិត្តភក្តិ រវាង​មិត្ត​រួមការ​ងារ និង​រវាង​ជាតិ​សាសនា ដោយ​ក្នុង​អត្ថន័យ​នៃ​ក្ដី​ស្រឡាញ់​ដ៏​បរិសុទ្ធ ចំពោះ​គ្នា​និង​គ្នា មិនមែន​ក្ដី​ស្រឡាញ់​មានតែ​មួយថ្ងៃ​នេះឡើយ ។​ទាក់ទង​បញ្ហា​ផ្កា​នេះ​នេះដែរ​បើ​យោងតាម​សារព័ត៌មាន The Nation របស់​ថៃ ចេញផ្សាយ​នៅ​ថ្ងៃទី​១៣ ខែកុម្ភៈ ឆ្នាំ​២០២៤ បានឱ្យដឹងថា ការកើនឡើង​នៃ​ការលក់​ផ្កា​កុឡាប​យ៉ាងច្រើន​ដែល បានធ្វើឱ្យ​តម្លៃ​ផ្កា​ធ្លាក់ចុះ និង​ការកើនឡើង​នៃ​អ្នកទស្សនា​ក្នុងឱកាស​បុណ្យចូលឆ្នាំ​ចិន​។​

​យោងទៅតាម​អ្នកលក់​ផ្កា​ក្នុងស្រុក របស់​ប្រទេស​ថៃ​, ផ្កា​កុលាប​នៅតែ​ជា​ជម្រើស​កំពូល​សម្រាប់​កាយវិការ​រ៉ូ​មែន​ទិ​ក ដែលជា​និមិត្តរូប​នៃ​សេចក្តីស្រឡាញ់​ដ៏​យូរអង្វែង​។ ទោះជា​យ៉ាងណាក៏ដោយ ផ្កាឈូករ័ត្ន ដែល​តំណាងឱ្យ​ក្តី​ស្រលាញ់​មិន​ប្រែប្រួល ក៏​ទទួលបាន​ប្រជាប្រិយភាព​ក្នុងចំណោម​គូស្នេហ៍​ដែល​កំពុង​ស្វែងរក​អំណោយ​ដ៏​មាន​អត្ថន័យ​នៃ​ក្តី​ស្រឡាញ់​។​Leknoi អ្នកលក់​ផ្កា​នៅ​កណ្តាល​ទីក្រុង​ឈៀង​ម៉ៃ បានកត់សម្គាល់​ពី​ការធ្លាក់ចុះ​នៃ​តម្លៃ​ផ្កា​នៅ​ឆ្នាំនេះ​បើ​ធៀប​នឹង​ឆ្នាំមុន ដោយ​និយាយថា ផ្កា​កុលាប​ឥឡូវនេះ​មានតម្លៃ​ប្រហែល ២០ បាត​ក្នុង​មួយទង​។​សម្រាប់​កម្ពុជា​វិញ​នៅ​រាជ​ថា​នី​ផ្នំ​ពេញ​ហាង​ផ្កា​ជាច្រើន​ក៏បាន​ត្រៀម​ផ្កា​សម្រាប់​លក់​នៅ​ថ្ងៃទី​១៤​កុម្ភៈ​ផងដែរ​៕a valintine day a valintine day3 a valintine day4