រុស្ស៊ីចាប់ខ្លួនអតីតឧកញ៉ាហេងសិទ្ធីដែលឡូឡាចោទ ឧកញ៉ាហ៊ុនតូរឿងស៊ីដាច់លុយតែមិនដឹងបញ្ជូនមកខ្មែរកាល
06-June-2026 / សន្តិសុខសង្គម
រុស្ស៊ី៖អតីតអ្នកឧកញ៉ា ហេង សិទ្ធី ត្រូវបានសមត្តកិច្ចរុស្ស៊ីចាប់ខ្លួនដោយសារកម្ពុជាមោឃះភាពលិខិតឆ្លងដែនខ្មែរហើយនឹងបញ្ជូនមកកម្ពុជាវិញពេលកម្ពុជាផ្តល់ឯកសាពីទោសកំហុសគ្រប់គ្រាន់!
នគរបាលបានប្រាប់សារសារព័ត៌មាន ហ្វ្រេសញូវ (Fresh News) ថា កាលពីយប់ថ្ងៃទី១៤ ខែមករា ថា អាជ្ញាធររុស្ស៊ីត្រៀមបញ្ជូន លោក ហេង សិទ្ធី តាមជើងយន្តហោះមកកម្ពុជាវិញ ដើម្បីបន្តនីតិវិធី។តែហ្វ្រេសនីវមិនប្រាប់ថាពេលណានោះទេ?។
កាលពីថ្ងៃទី៣១ ខែធ្នូ ឆ្នាំ២០២៤ ក្រសួងមហាផ្ទៃ បានចេញលិខិតមួយទៅកាន់ ក្រសួងការបរទេស និងសហប្រតិបត្តិការអន្តរជាតិ ស្តីពីការប្រកាសមោឃភាពលិខិតឆ្លងដែនធម្មតារបស់អតីតឧកញ៉ា ហេង សិទ្ធី ក្រោមហេតុផលថា អតីតឧកញ៉ារូបនេះ ត្រូវសាលាដំបូងរាជធានីភ្នំពេញចេញដីកាឱ្យចាប់ខ្លួនពីបទគំរាមកំហែងហែកកេរ្តិ៍មានស្ថានទម្ងន់ទោស ។ជុំវិញបញ្ហានេះ អាជ្ញាធរកម្ពុជា ក៏បានស្នើសុំ ប៉ូលីសអន្តរជាតិ អាំងទែប៉ូល (Interpol) កាលពីចុងខែធ្នូ ឆ្នាំ២០២៤ កន្លងទៅ ឱ្យដាក់ឈ្មោះអតីតឧកញ៉ា ហេង សិទ្ធី ទៅក្នុងសេចក្តីជូនដំណឹងក្រហម ឬ និវេតក្រហម ដើម្បីតាមចាប់ខ្លួន ផងដែរ ។
ការចាប់ខ្លួនអតីតអ្នកឧកញ៉ា ហេង សិទ្ធី នេះធ្វើឡើងនៅក្រោយពេល ដែលក្រសួងការបរទេស និងសហប្រតិបត្តិការអន្តរជាតិកម្ពុជា កាលពីថ្ងៃទី៨ ខែមករា បានជូនដំណឹងទៅបណ្ដាតំណាងទូតខ្មែរនៅក្រៅប្រទេសពីការប្រកាសមោឃភាពលិខិតឆ្លងដែនរបស់លោក ហេង សិទ្ធី ទៅតាមការសម្រេចលុបចោលលិខិតឆ្លងដែន ចេញដោយក្រសួងមហាផ្ទៃ។ ស្របគ្នានោះដែរ សមត្ថកិច្ចកម្ពុជាក៏អះអាងថា បានសហការជាមួយប៉ូលិសអន្តរជាតិ Interpol ដើម្បីតាមចាប់ខ្លួនលោក ហេង សិទ្ធី ផងដែរ។
ទោះបីយ៉ាងណាគេមិនទាន់ដឹងថាតើកម្ពុជាមានភស្តុតាងគ្រប់គ្រាន់សម្រាប់ឲ្យអាជ្ញាធររុស្ស៊ីប្រគល់លោកហេងសិទ្ធីមកកម្ពុជាបានដែរឬអត់នោះទេ។ព្រោះសម្រាប់រុស្ស៊ីលោកហេងសិទ្ធីមានបទល្មើសត្រឹមចូលដីរុស្ស៊ីខុសច្បាប់តែប៉ុណ្ណោះ។លើកលែងតែមានអន្តរាគមន៍ពីនាយករដ្ឋមន្ត្រីកម្ពុជាទៅលោកប្រធានាធិបតីពូទីនតែប៉ុណ្ណោះ។តើលោកហេងសិទ្ធីដែលមានលុយមិនអាចរកមេធាវីការពាខ្លួនទេ?។
លោក ហេង សិទ្ធី ជាប្រធានក្រុមហ៊ុន ម៉ារី ថាមគ្រុប (Maritime Group) និងធ្លាប់មានងារជាអ្នកឧកឧកញ៉តាមបណ្ដាញសង្គមទម្លាយរឿងអាស្រូវពាក់ព័ន្ធអំពើពុករលួយរបស់មន្ត្រីជាន់ខ្ពស់ ក្នុងស្ថាប័នរដ្ឋមានជាអាទិ រដ្ឋមន្ត្រីក្រសួងមហាផ្ទៃ លោក ស សុខា រដ្ឋមន្ត្រីក្រសួងយុត្តិធម៌ លោក កើត រិទ្ធិ និងអតីតអភិបាលក្រុងព្រះសីហនុ លោក គួច ចំរើនលោកអគ្គស្នងការនគរបាលជាតិសថេត ជាដើម។ ចុងក្រោយគឺចោទឧកញ៉ា ហ៊ុន តូ ថា បានបោកលុយលោក និងអ្នកជំនួញចិនអស់រាប់រយលានដុល្លារ។
កន្លងមកលោក ហេង សិទ្ធីកាលនៅជាឧកញ៉ា ក៏ធ្លាប់បានបរិច្ចាគលុយជាច្រើនដល់រដ្ឋាភិបាលសម្តេច ហ៊ុន សែន និងកាកបាទក្រហមកម្ពុជាដែរ។ ក្រោយពីបែករឿងទាស់គ្នាលោក ហេង សិទ្ធី ត្រូវបានព្រះមហាក្សត្រដកគោរមងារអ្នកឧកញ៉ា កាលពីថ្ងៃទី២ ខែធ្នូ ឆ្នាំ២០២៤ តាមសំណើរបស់លោកនាយករដ្ឋមន្ត្រី ហ៊ុន ម៉ាណែត។ ការបញ្ចប់គោរមងារអ្នកឧកញ៉ានេះ ធ្វើឡើងតែប៉ុន្មានថ្ងៃ បន្ទាប់ពីជនជាតិសិង្ហបុរីម្នាក់ ឈ្មោះ Phua Gek Seng បានដាក់ពាក្យប្ដឹងទៅកាន់ស្នងការដ្ឋាននគរបាលរាជធានីភ្នំពេញ កាលពីថ្ងៃទី២២ ខែវិច្ឆិកា ឆ្នាំ២០២៤ ដោយចោទប្រកាន់អ្នកឧកញ៉ា ហេង សិទ្ធី អំពីបទបរិហារកេរ្តិ៍ និងគំរាមកំហែងទារប្រាក់ចំនួន ២លានដុល្លារ។គេមិនដឹងថាតើលោកហេងសិទ្ធីមានឯកសារសសម្រាប់ការចោទប្រកាន់បានស៊ីជម្រៅប៉ុនណានោះទេ?៕
