វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1089 នាក់
ម្សិលមិញ 5168 នាក់
សរុប 16013223 នាក់
ភ្នំពេញ៖ ប្រតិភូ Gumball 3000 នាល្ងាចថ្ងៃទី១៧ ខែកញ្ញា ឆ្នាំ២០២៤នេះ បានចាកចេញពីទឹកដីកម្ពុជាហើយ តាមច្រកទ្វារព្រំដែនអន្តរជាតិប៉ោយប៉ែត ខេត្តបន្ទាយមានជ័យ ដោយនាំយកសេចក្តីពេញចិត្តសប្បាយរីករាយនឹងការរៀបចំកម្មវិធីពិសេសៗ និងការទទួលបដិសណ្ឋារកិច្ច ល្អប្រសើរពីសំណាក់ក្រសួង ស្ថាប័ន អាជ្ញាធរ សមត្ថកិច្ច ក្រុមការងារ ពិសេសគឺរាជរដ្ឋាភិបាលកម្ពុជា។
ការរៀបចំសម្របសម្រួលបែបបទជូនប្រតិភូ Gumball 3000 ចេញពីច្រកទ្វារព្រំដែនអន្តរជាតិប៉ោយប៉ែតនោះ ធ្វើឡើងក្រោមការដឹកនាំពីសំណាក់លោក គុជ បញ្ញាសា រដ្ឋលេខាធិការក្រសួងទេសចរណ៍ និងជាអនុប្រធានអចិន្ត្រៃយ៍គណៈកម្មការចំពោះកិច្ច លោក អ៊ុំ រាត្រី អភិបាលខេត្តបន្ទាយមានជ័យ ព្រមទាំងមន្ត្រីរាជការ កងកម្លាំងសមត្ថកិច្ច និងក្រុមការងាររបស់ក្រុមហ៊ុន ជីប ម៉ុង។
សូមជម្របថា ប្រតិភូ Gumball 3000 បានបើកបររថយន្តទំនើបៗប្រណីតៗកម្រៗ (Hypercars, Supercars, Sport cars)ចេញពីវៀតណាមចូលកម្ពុជាតាមច្រកបាវិតមកបង្ហាញ និងស្នាក់នៅប្រទេសកម្ពុជាភ្នំពេញនិងសៀមរាបដើម្បីបង្ហាញខ្លួនតាមកម្មវិធីពិសេចការតាំងបង្ហាញរថយន្តស៊េរីទំនើបនៅមុខអង្គរបំបែកឯត្គកម្មពិភពលោក រយៈពេល៣ថ្ងៃ ចាប់ពីថ្ងៃទី១៥-១៧ ខែកញ្ញា ឆ្នាំ២០២៤។ បន្ទាប់មកចេញពីកម្ពុជា ប្រតិភូ Gumball 3000 នឹងឆ្លងកាត់ចូលប្រទេសថៃ ប្រទេសម៉ាឡេស៊ី និងចុងក្រោយគឺប្រទេសសិង្ហបុរី៕