វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1967 នាក់
ម្សិលមិញ 4292 នាក់
សរុប 14111666 នាក់
ភ្នំពេញ៖ អ្នកស្រីឈ្មោះហ៊ឹម ណាវីជាគ្រូស្នេហ៍ នៅតំបន់ច្រាំងចំរេះឬគីឡូម៉ែត្រលេខ៩។ គ្រូស្នេហ៍ខ្មែរអ៊ីស្លាមរូបនេះមិនត្រឹមតែល្បីខាងធ្វើស្នេហ៍មុខលើមុខជំនួញជួញ ព្យាបាលជំងឺ ដោះអំពើនោះទេ អ្នកស្រីក៏ទទួលបានការសសើរដោយដោយត្រូវចិញ្ចឹមបីបាច់ក្មេងកំព្រាឪពុកម្តាយរាប់សិបនាក់រួចមកហើយ។
អ្នកស្រីថាមួយជីវិតនេះអ្នកស្រីស្ទើមិនស្គាល់ការដើរកម្សាន្តសប្បាយចិត្តទេគឺសំងំនៅក្នុងបន្ទប់ស្ទើពេញមួយថ្ងៃព្រោះតែអ្នកមកពឹងពាក់រឿងរ៉ាវក្នុងជិវិតពួកគេបន្តកន្ទុយគ្នាឥតដាច់រៀងរាល់ថ្ងៃរហូតអ្នកខ្លះអន់ចិត្តនៅរងចាំយូរ និងខ្លះវិលទៅផ្ទះវិញក៏មាន។
អ្នកស្រីបន្តថាអ្នកមកពឹងពាក់មានចាប់ពីអ្នករកស៊ីតូចៗរហូតដល់អ្នកជំនួញធំដុំ មន្ត្រី ហើយក៏មានសិល្បករជាច្រើនបានបន្តកន្ទុយគ្នាចេញចេញចូលឥតដាច់។ អ្នកស្រីលើកឡើងថាអ្នកទៅពឹងពាក់ភាគច្រើនគឺ ដើម្បីធ្វើស្នេហ៍មុខលើមុខរបររកស៊ីឲ្យកាន់តែកាក់កប និងពឹងឲ្យអ្នកស្រីជួយព្យាបាលជំងឺជាដើម។ អ្នកស្រីបន្តថាទឹកប្រាក់បានពីការទស្សន៍ទាយ ធ្វើស្នេហ៍មុខ និងព្យាបាលជំងឺអ្នកស្រីបានជួយក្មេងៗក្នុងបន្ទុកជាច្រើនគឺជួយរហូតដល់អ្នកខ្លះមានកូនពូនជាចៅរួចទៅហើយ ដែលបច្ចុប្បន្នមានក្នុងបន្ទុកជិត១០នាក់ក្តីក៏អ្នកស្រីនៅតែបន្តជួយកូនៗជាច្រើនដែលនៅខ្វះខាតឲ្យមានមុខរបររៀងៗខ្លួនចិញ្ចឹមជីវិត និងឆ្លៀតសន្សំសម្រាប់ក្មេងៗក្រោយៗផងដែរ។
អ្នកស្រីបញ្ជាក់ថាទាក់ទិនរឿងធ្វើស្នេហ៍គូស្រករវិញអ្នកស្រី បញ្ជាក់ថាមិនធ្វើដាច់ខាតធ្វើស្នេហ៍ដាក់ប្តីគេព្រោះតែវាជាអំពើបាបដែលខុសទៅនឹងក្រមសីលធម៌ និងវិន័យគ្រូ។ អ្នកស្រីបញ្ជាក់ដែរថា មិនមានទ្រនឹបអ្វីដូចគ្រូដទៃឡើយគឺអ្នកស្រីទទួលតែលុយ ហើយលុយក៏មិនកំណត់ដែរគឺអាស្រ័យលើធនធានរបស់អ្នកពឹងពាក់ប៉ុណ្ណោះ ។
គួរបញ្ជាក់ថាផ្ទះអ្នកគ្រូហ៊ីម ណាវីស្ថិតនៅភូមិ៣ ក្រុម៥ សង្កាត់ច្រាំងចំរេះ ខណ្ឌឬស្សីកែវរាជធានីភ្នំពេញ៕