វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6539 នាក់
ម្សិលមិញ 5304 នាក់
សរុប 14146065 នាក់
ខេត្តកំពង់ចាម៖កុដិព្រះសង្ឃទម្រង់ជាវីឡាស្ថិត នៅក្នុងវត្តគិរីសាលវ័ន ហៅវត្តថ្មីនេះ ស្ថិតក្នុងភូមិទ្រាន ឃុំទ្រាន ស្រុកកំពង់សៀម ខេត្តកំពង់ចាមដែលល្បីល្បាញតាមបណ្តាញសង្គមហ្វេប៊ុកឡូវនេះត្រូវបាន មន្ត្រីមន្ទីរធម្មការ និងសាសនាខេត្តកំពង់ចាម ចាត់ឱ្យក្រុមការងារចុះសិក្សារចនាបថនៃការសាងសង់កុដិមួយនេះហើយ។
អនុគណស្រុកកំពង់សៀមព្រះអង្គ គង់ វិចិ្ឆកា បានមានសង្ឃដិកាឲ្យដឹងថា ព្រះអង្គបាននិមន្តប្រាប់ទៅជួបព្រះគ្រូចៅអធិការវត្តដែរពីរចនាបថកសាងកុដិ ដែលផ្ទុយពីវប្បធម៌ប្រពៃណីទំនៀមទម្លាប់ព្រះពុទ្ធសាសនា ប៉ុន្តែព្រះគ្រូចៅអធិការវត្ត និងគណៈកម្មាធិការវត្តបានប្រាប់មកវិញ កុដិមួយ នេះមានប្លង់រចនាត្រឹមត្រូវហើយ។សម្រាប់ព្រះអង្គ គង់ វិច្ឆិកា លោកថា សាលាអនុគណស្រុកកំពង់សៀម គ្មានសិទ្ធិបញ្ឈប់ឬផ្អាកការសាងគេឡើយ ពោលគឺបានផ្តល់នូវឱវាទពីរចនាបថ ក្បួនខ្នាត ពីអ្វីទៅជាវត្តអារាម តែប៉ុណ្ណោះ។
លោក រ៉េត សារ៉េត ប្រធានមន្ទីរ ធម្មការ និងសាសនាខេត្តកំពង់ចាម បានបញ្ជាក់ប្រាប់ថា វត្តអារាមដែលកសាងខុសរចនាបថនេះ លោកនឹងឲ្យក្រុមការងារចុះសិក្សាព្រោះថា ការកសាងកុដិមួយនេះ ព្រះគ្រូចៅអធិការ វត្ត រួមគណៈកម្មាធិការវត្ត បានកសាងតាំងពីឆ្នាំ២០១៨មក ខណៈលោកមិនទាន់ឡើងជាប្រធានមន្ទីរមកម្ល៉េះ។បើចឹងមែននោះតើខាងធម្មការអាចធើអីបានបើទោះបីកុដីមានដាក់ម៉ាស៊ីនត្រជាក់មានពូកខ្នើយទំនើបៗក៏ដោយ។
កុដិដែលមានរចនាបថដូចវីឡាសម័យថ្មី គឺស្ថិតក្នុងវត្តគិរីសាលវ័ន ហៅវត្តថ្មី ក្នុងឃុំទ្រាន ស្រុកកំពង់សៀម ខេត្តកំពង់ចាម ក្រោមការដឹក នាំសាងសង់ ពីព្រះគ្រូ ប៊ន ស្រឿន ជាព្រះចៅអធិការ វត្តគិរីសាលវ័ននេះ ដោយប្រើប្រាស់រយៈពេលកសាងជាង៦ឆ្នាំដែលកសាងក្នុងអំឡុងឆ្នាំ២០១៨ មក ទើបនៅថ្ងៃទី១ ខែមីនា ឆ្នាំ២០២៤នេះ ធ្វើពិធីបុណ្យឆ្លង និងសមិទ្ធដាក់ឲ្យប្រើប្រាស់ផងដែរ។គេមិនដឹងថាតើពុទ្ធបរិស័ទជួយបច្ច័យប៉ុន្មាននោះទេ?៕