វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3019 នាក់
ម្សិលមិញ 5378 នាក់
សរុប 14082312 នាក់
ភ្នំពេញ៖តាមសំណើរនាយករដ្ឋមន្ត្រីសម្តេចតេជោហ៊ុនសែននៅល្ងាចថ្ងៃទី២៤ ខែមេសា ឆ្នាំ២០២៣ព្រះករុណា ព្រះបាទសម្តេច ព្រះបរមនាថ នរោត្តម សីហមុនី បានចេញព្រះរាជក្រឹត្យ ត្រាស់បង្គាប់តែងតាំងលោក ហ៊ុន កុសលសកម្មជនប្រឆាំង ជាអនុរដ្ឋលេខាធិការ នៃក្រសួងរៀបចំដែនដី នគរូបនីយកម្ម និងសំណង់។ការតែងតាំងលោកហ៊ុនកុសលត្រូវបានធ្វើឡើងបន្ទាប់ពីលោកយឹមស៊ីណនអតីតពលករមកពីប្រទេសកូរ៉េនិងជាសកម្មជប្រឆាំងត្រូវបានតែងតាំងជាអនុរដ្ឋលេខាធិការក្រសួងការងារនិងបណ្តុះបណ្តាលវិជ្ជាជីវៈក្រោយពីបានសុំចុះចូលជាមួយសម្តតេជោហ៊ុនសែនកាលពីថ្ងៃទី២១មេសា។
លោក ហ៊ុន កុសល នៅថ្ងៃទី២៣ ខែមេសា ឆ្នាំ២០២៣ បានស្នើសូមសម្តេចតេជោ ហ៊ុន សែន នាយករដ្ឋមន្ត្រី និងជាប្រធានគណបក្សប្រជាជនកម្ពុជា ដើម្បីរួមរស់ជីវភាពនយោបាយជាមួយគណបក្សប្រជាជនកម្ពុជា។ តាមរយៈ Video ខ្លីមួយ លោកបានប្តេជ្ញា និងបង្ហាញចិត្តស្មោះត្រង់ ចំពោះសម្ដេចតេជោ និងគណបក្សប្រជាជនកម្ពុជា។លោក ហ៊ុន កុសល បញ្ជាក់ថា «កូនសូមប្តេជ្ញា និងបង្ហាញចិត្តស្មោះត្រង់ ចំពោះសម្ដេចពុក និងចូលរួមជាមួយគណបក្សប្រជាជនកម្ពុជា ក្រោមការដឹកនាំដ៏ត្រជាក់ត្រជុំរបស់សម្ដេច។ គុណដ៏ធំធេងរបស់សម្ដេចពុក គឺជាគុណដែលកូនមិនអាចបំភ្លេចបានពេញ ១ជីវិតនេះ។ ដើម្បីជាការតបស្នងសងគុណចំពោះសម្ដេចពុក កូនសូមប្តេជ្ញាចិត្ត ភក្តីភាព ស្មោះត្រង់ ជាមួយសម្ដេច ដើម្បីចូលរួមកសាងនិងស្ថាបនា របស់ប្រទេសយើង ក្រោមការដឹកនាំដ៏ឈ្លាសវៃរបស់សម្ដេចពុក ដែលនាំនាវាកម្ពុជាពីភ្លើងសង្គ្រាមមកសន្តិភាព»។
នៅល្ងាចថ្ងៃអាទិត្យ ទី២៣ ខែមេសា ឆ្នាំ២០២៣នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា អនុញ្ញាតឱ្យលោក ហ៊ុន កុសល ជួបសម្តែងការគួរសម និងសម្តែងការដឹងគុណចំពោះក្តីអនុគ្រោះឱ្យរូបលោកចូលរួមជីវភាពនយោបាយជាមួយគណបក្សប្រជាជនកម្ពុជា។លោក ហ៊ុន កុសល ត្រូវបានលោក លឹម ជាវុត្ថា អគ្គនាយកបណ្ដាញព័ត៌មាន Fresh News សម្របសម្រួល និងនាំទៅជួបសម្តេចតេជោដោយផ្ទាល់នៅគេហដ្ឋានក្នុងក្រុងតាខ្មៅ ខេត្តកណ្តាល។
សម្តេចតេជោ អនុញ្ញាតឱ្យលោក ហ៊ុន កុសល ចូលជួបសម្តែងការគួរសមប្រមាណជាង២ម៉ោង បន្ទាប់ពីលោក ហ៊ុន កុសល សូមចូលរួមជីវភាពនយោបាយជាមួយគណបក្សប្រជាជនកម្ពុជានៅថ្ងៃអាទិត្យទី២៣មេសា។លោក ហ៊ុន កុសល ត្រូវបានសមត្ថកិច្ចឃាត់ និងឃុំខ្លួននៅពន្ធនាគារព្រៃសកាលពីថ្ងៃទី២១ ខែមីនា ឆ្នាំ២០២៣ ពីបទប្រមាថព្រះចេស្តាព្រះមហាក្សត្រ។បន្ទាប់ពីជាប់ពន្ធនាគារអស់រយៈពេលប្រមាណ៣១ថ្ងៃ លោកត្រូវបានដោះលែងឱ្យនៅក្រៅឃុំកាលពីថ្ងៃទី២២ ខែមេសា។