វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4608 នាក់
ម្សិលមិញ 5020 នាក់
សរុប 14120055 នាក់
សៀមរាប៖ អាជ្ញាធរខេត្តសៀមរាប ព្រមានថាគេនៅរង់ចាំពេលវេលាកំណត់ត្រឹមតែម៉ោង០០យប់ថ្ងៃទី៣០ខែសីហាប៉ុណ្ណោះ ប្រើសិនបើហួសពេលនេះ ក្រុមលោក ខឹម វាសនា និងក្រុមប្រជាពលរដ្ឋដែលមកកកកុញគ្នានៅជើងភ្នំគូលែន មិនព្រមរំសាយទេ គឺអាជ្ញាធរនឹងចាត់វិធានការតាមច្បាប់?។ ការសម្រេចចិត្តនេះត្រូវបានគេសន្និដ្ឋានថានឹងកើតឡើងនៅថ្ងៃទី៣១សីហាក្នុងពេលដែលនៅភ្នំពេញនាយករដ្ឋមន្ត្រីបើកការដ្ឋានសង់ស្ពាន់អាកាស២ទៀតនៅភ្នំពេញ។
ក្នុងកិច្ចប្រជុំគណៈបញ្ជាការឯកភាពខេត្តនៅព្រឹកថ្ងៃចន្ទទី២៩ ខែសីហាលោក តេង ចាន់ណាត ស្នងការនគរបាលខេត្តសៀមរាប លើកឡើងថា សមត្ថកិច្ច កំពុងរង់ចាំមើលថាតើ លោក ខឹម វាសនា ប្រធានគណបក្សសម្ព័ន្ធ ដើម្បីប្រជាធិបតេយ្យ(LDP) នឹងធ្វើតាមកិច្ចសន្យារបស់គាត់ដែរឬក៏យ៉ាងណា?
ការប្រមូលផ្តុំគ្នានៅជម្រុំមេបក្សសម្ពន្ធ័បន្ទាប់ពីលោកខឹមវាសនាឡើងឡើងពីការវិលរបស់កាលាបៈដែលនាំឲ្យមានទឹកលិចដែលអ្នកខ្លះថាឡប់ៗតែអូសទាញមនុស្សប្រមាណ២ម៉ឺននាក់មកប្រមូលផ្តុំគ្នានៅជម្រុំជើងភ្នំគូលែនកាលពីថ្ងៃទី២៧ ខែសីហាកន្លងទៅ អភិបាលខេត្តសៀមរាបលោក ទៀ សីហា និងលោក ឧត្តមសេនីយ៍ហ៊ុន ម៉ានិត អគ្គនាយកនៃអគ្គនាយកដ្ឋានស្រាវជ្រាវចារកិច្ចនៃក្រសួងការពារជាតិ បាននាំគ្នាចុះទៅពិនិត្យហើយ បានបញ្ជារឲ្យលោក ខឹម វាសនា បញ្ឈប់សកម្មភាពជួបជុំនិងប្រមូលផ្ដុំក្រុមប្រជាពលរដ្ឋនោះជាបន្ទាន់នៅថ្ងៃទី២៨សីហា ក៏ប៉ុន្តែ ត្រូវបានលោក ខឹម វាសនា បដិសេធ ហើយស្នើសុំពន្យារពេលរហូតដល់ថ្ងៃទី៣០ ខែសីហា។
លោកស្នងការនគរបាលខេត្តសៀមរាប ព្រមានថាប្រសិនបើដល់ថ្ងៃកំណត់នៃការសន្យាហើយ បែរជាក្រុមប្រជាពលរដ្ឋ ដែលមកជួបជុំគ្នាមិនព្រមរំសាយ ហើយលោក ខឹម វាសនា នៅតែមិនបញ្ឈប់សកម្មភាពប្រមូលផ្ដុំទៀតនោះ សមត្ថកិច្ចនឹងចាត់វិធានការតាមច្បាប់។មិនដឹងថាតើវិធានការតាមច្បាប់នោះនឹងធ្វើឡើងយ៉ាងណានោះទេ?ព្រោះប្រជាពលរដ្ឋគាត់ទៅដោយចិត្តឯងហើយបើចាប់ខ្លួនលោកខឹមវសនាតើនឹងមានរឿងអីកើតឡើងនោះដែរ។ព្រោះយុវជនដែលគាំទ្រលោកខឹមវាសនាក៏មិនតិចផងដែរ?។
បើអភិបាលស្រុកបន្ទាយស្រី លោក ឃឹម ហ្វីណង់ មានប្រសាសន៍ថារហូតមកដល់ព្រឹកថ្ងៃទី២៩ ខែសីហានេះ ប្រជាពលរដ្ឋចំនួនជិត ២ម៉ឺននាក់ ដែលកំពុងមកប្រមូលផ្ដុំគ្នា នៅភូមិសរសី ឃុំត្បែង ស្រុកបន្ទាយស្រី ក្នុងដីចម្ការម្រេច របស់លោក ខឹម វាសនា នោះ គឺនៅដដែល មិនទាន់មានការចាកចេញទៅកាន់ទីលំនៅរៀងៗខ្លួនទេ។
សូមបញ្ជាក់ថាតាំងតែពីថ្ងៃទី២៣ ខែសីហា លោក ខឹម វាសនា មេបក្ស LDP បានសរសេរនៅលើបណ្ដាញសង្គម ហ្វេសប៊ុករបស់ខ្លួនថាតាមការធ្វើវិបស្សនារបស់លោកឃើញថា ភពផែនដីនឹងត្រូវជន់លិចនៅពេលខាងមុខ ហើយលោកអំពាវនាវឲ្យអ្នកដែលគាំទ្រទៅជួបជុំគ្នានៅលើដីចម្ការរបស់លោក ឯជើងភ្នំគូលែននៃខេត្តសៀមរាប ទើបអាចរួចផុតពីគ្រោះមហន្តរាយនេះ។ បន្ទាប់ពីការសរសេរលើបណ្ដាញសង្គមរបស់មេបក្សរូបនោះមក ក៏មានពលរដ្ឋជិត២ម៉ឺននាក់ បាននាំក្រុមគ្រួសារ ធ្វើដំណើរខ្លះតាមរថយន្ត ខ្លះតាមម៉ូតូ ទៅកាន់តំបន់ជើងភ្នំគូលែន។ចំណែកពលករខ្មែរខ្លះ ដែលកំពុងធ្វើការនៅក្រៅប្រទេសក៏ប្រញាប់ប្រញាល់វិលត្រឡប់មកកម្ពុជា ដោយបោះបង់ការងាររបស់ខ្លួនដែរ។លោក ទៀ សីហា អភិបាលខេត្តសៀមរាប បានចាត់ទុកសកម្មភាពរបស់លោក ខឹម វាសនាថា កំពុងធ្វើឲ្យប្រជាពលដ្ឋចលាចល និងខាតបង់ប្រយោជន៍ផ្ទាល់ខ្លួន៕