វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5098 នាក់
ម្សិលមិញ 5304 នាក់
សរុប 14144624 នាក់
ភ្នំពេញ៖ ស្ត្រីអ្នកលក់នំពពាយមានលុយជាង២លានដាក់កាបូបត្រូវបានចោរបន្លំខ្លួជាអ្នកទិញឆក់យកបានសម្រេចកាលពី ថ្ងៃទី២៩ ខែវិច្ឆិកា ឆ្នាំ២០២២ នៅចំណុចខាងមុខរបងសាលាចតុមុខ តាមបណ្តោយមហាវិថីព្រះនរោត្តម ស្ថិតក្នុងសង្កាត់ចតុមុខ ខណ្ឌដូនពេញ ។
ស្ត្រីរងគ្រោះបានឲ្យដឹងថាមុនពេលកើតហេតុ មានបុរសចំនួន២នាក់ និងនារីម្នាក់ ជិះម៉ូតូមួយគ្រឿងមិនចាំម៉ាក បានមកឈប់នៅកន្លែងលក់នំរបស់គាត់ ហើយមានបុរសម្នាក់ជាអ្នកដើរមកទិញនំពពាយចំនួន៣ ហើយរូបគាត់ក៏បានរៀបចំធ្វើនំតាមការកុម្ម៉ងពីបុរសរូបនោះ។ស្របពេលនោះ រូបគាត់បានទាញដូងយកមកកោស ដើម្បីដាក់ខាងក្នុងនំ ហើយគាត់ក៏បានយកកាបូបដាក់លុយទុកនៅខាងលើកញ្ច្រែងនំ ស្រាប់តែជនសង្ស័យឃើញឱកាសល្អ ក៏បានឆក់យកកាបូបលុយរបស់គាត់បានសម្រេច ហើយរត់ឡើងម៉ូតូ រួចនាំគ្នាជិះរត់គេចខ្លួនចេញទៅបាត់។ប្រជាពលរដ្ឋដែលធ្វើដំណើរកាត់តាមផ្លូវ ឃើញដូច្នោះក៏បានជិះដេញតាមពីក្រោយដែរ តែភ្លាត់ស្នៀតមិនបានប្រុងប្រយ័ត្នក៏រអឹលអោយរអិលដួលម៉ូតូរងរបួសស្រាលថែមទៀតផង។
ស្ត្រីចំណាស់ជាអ្នកលក់នំពពាយ ដែលត្រូវជនសង្ស័យបន្លំធ្វើជាទិញនំ ហើយឆក់យកកាបូបបានសម្រេចនោះ គឺនៅក្នុងកាបូបនោះមានទឹកប្រាក់ចំនួន៨លានរៀល និងមាសចំនួន២តម្លឹង ហើយក្រដាសបញ្ចាំចំនួន២ ។ ស្រី្តរងគ្រោះត្រូវបានកម្លាំងកងរាជអាវុធហត្ថខណ្ឌដូនពេញ នាំទៅដាក់ពាក្យបណ្តឹងដើម្បីអោយកម្លាំងជំនាញ បើកការស្រាវជ្រាវតាមរកជនសង្ស័យយកយកមកផ្តន្ទាទោសទៅតាមច្បាប់ ៕