វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5271 នាក់
ម្សិលមិញ 9706 នាក់
សរុប 14083514 នាក់
ភ្នំពេញ៖ ប្រធានាយកដ្ឋានវិទ្យុទាក់ទង នៃអគ្គស្នងការដ្ឋាននគរបាលជាតិ បានឱ្យដឹងនៅព្រឹកថ្ងៃទី៣ ខែឧសភា ឆ្នាំ២០២២ ថា ក្នុងប្រតិបត្តិការណ៍ថ្ងៃទី១ កម្លាំងអាជ្ញាធរចម្រុះ បានធ្វើការរុះរើម៉ាស៊ីនផ្សាយវិទ្យុទាក់ទងខុសច្បាប់ប្រមាណ ២០០គ្រឿង(Repeater) ដែលផ្តល់ឱ្យវិទ្យុទាក់ទង(អាយឌីកាន់ដៃ) ប្រើប្រាស់បែបអាណាធិបតេយ្យបានប្រមាណ ៥០០០គ្រឿង ត្រូវបិទបញ្ចប់។
លោកឧត្តមសេនីយ៍ទោ ឈឿន ប៊ុនឆន ប្រធានាយកដ្ឋានវិទ្យុទាក់ទង បានឱ្យដឹងថា កម្លាំងចម្រុះដឹកនាំដោយតំណាងអយ្យការ និយ័តករទូរគមនាគមន៍កម្ពុជា នាយកដ្ឋានវិទ្យុទាក់ទង បានសម្រេចគោលដៅប្រកបដោយផ្លែផ្កាដែលស្ថានីយ៍វិទ្យុទាក់ទងខុសច្បាប់ជាច្រើនបានស្ម័គ្រចិត្តរុះរើដោយខ្លួនឯង និងចំនួនតិចតួចត្រូវបានចាប់បង្ខំរុះរើទម្លាក់។ លោកក៏បានសន្យាថា នឹងបន្តធ្វើរហូតប្រាកដថា ស្ថានីយ៍ផ្សាយវិទ្យុទាក់ទងខុសច្បាប់ទាំងឡាយ ត្រូវបានសម្អាតស្អាតអស់ទូទាំងរាជធានីភ្នំពេញ និងជំហានបន្ទាប់ត្រូវបន្តសម្អាតទូទាំងប្រទេសតែម្តង។