វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1588 នាក់
ម្សិលមិញ 10264 នាក់
សរុប 14140770 នាក់
ព្រះសីហនុ៖ មន្ត្រី នគរបាល ខេត្តព្រះសីហនុ បានឱ្យដឹងថា ជនសង្ស័យចំនួន២នាក់ ជាមន្ត្រីកងរាជអាវុធហត្ថខេត្ត ព្រះសីហនុ ត្រូវបានចាប់ខ្លួន ពាក់ពន្ធ័ការបាញ់សម្លាប់យុវជនម្នាក់ កាលពីយប់រំលងអាធ្រាត្រ ឈានចូលថ្ងៃទី១ឧសភា នៅជិតរង្វង់មូលតោ២។
ប្រភពសុំមិនបញ្ចេញឈ្មោះ បានឱ្យដឹងបន្តថា ជនសង្ស័យដែលសមត្ថកិច្ចឃាត់ខ្លួនមានឈ្មោះ ជិន រដ្ឋា និងឈ្មោះ អំ ឆេកូ ពួកគេជាមន្ត្រីកងរាជអាវុធហត្ថខេត្ត ព្រះសីហនុ។ ក្រោយការឃាត់ខ្លួន សមត្ថកិច្ចបានប្រគល់ពួកគេឱ្យទៅកងរាជអាវុធហត្ថខេត្តព្រះសីហនុ ដើម្បីចាត់ការបន្ត។កាលពីយប់រំលងអាធ្រាត្រ ឈានចូលថ្ងៃទី១ឧសភា នៅជិតរង្វង់មូលតោ២ ស្ថិតក្នុងសង្កាត់លេខ៤ ក្រុងព្រះសីហនុ ខេត្តព្រះសីហនុ មានករណីផ្ទុះអាវុធមួយបានកើតឡើង បណ្តាលឱ្យយុវជនម្នាក់ឈ្មោះ ចាន់ បូរ៉ាន់ អាយុ ១៩ឆ្នាំ បានស្លាប់ នៅនឹងកន្លែង។ជនសង្ស័យជាឃាតកទាំងពីរនាក់ត្រូវបានបញ្ជូនទៅតុលាការខេត្តព្រះសីហនុនៅព្រឹកថ្ងៃទី២ ខែឧសភា ។
សូមបញ្ជាក់ដែរថាខេត្តសៀមរាបប៉េអឹមចាប់ប៉េអឹមចំនួន ២នាក់ ពាក់ព័ន្ធនឹងការប្រព្រឹត្តបទល្មើសនៅក្នុងការបំពេញតួនាទី ដោយផ្សំគំនិតជួញដូរគ្រឿងញៀនក៏ត្រូវបានចាប់ខ្លួន បញ្ជូនទៅសាលាដំបូងខេត្តសៀមរាប ផងដែរកាលពីថ្ងៃទី៣០ ខែមេសា ឆ្នាំ២០២២ទាក់ទងប្រើតួនាទីប្រព្រឹត្តបទល្មើសឃុបឃឹតជាមួយឈ្មួញគ្រឿងញៀន។ឯកឧត្តមនាយឧត្តមសេនីយ៍ សៅ សុខា អគ្គមេបញ្ជាការរងកងយុទ្ធពលខេមរៈភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស បានមានប្រសាសន៍កាលពីព្រឹកថ្ងៃទី៣០ ខែមេសាថា “ការប្រព្រឹត្តបទល្មើសរបស់អាវុធហត្ថ នាយអាវុធហត្ថដែលរកឃើញនៅខេត្តសៀមរាប ពាក់ព័ន្ធនឹងពីរនាក់នេះ គឺដោយគាត់បំពេញតួនាទីជាមន្ត្រីនគរបាលយុត្តិធម៌ ក្នុងការប្រយុទ្ធប្រឆាំងគ្រឿងញៀន តែតាមការស្រាវជ្រាវរបស់គណៈកម្មការចំពោះកិច្ច របស់កងរាជអាវុធហត្ថបានរកឃើញថា គាត់ប្រព្រឹត្តបទល្មើសនៅក្នុងការបំពេញតួនាទី ដោយគាត់ផ្សំគំនិតជាមួយនឹងការជួញដូរគ្រឿងញៀន។