វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2745 នាក់
ម្សិលមិញ 9706 នាក់
សរុប 14080988 នាក់
ភ្នំពេញ៖ ឩកញ៉ាសម្បត្តិបានបញ្ចប់រឿងជាមួយនាយប្រុញដោយសុខចិត្តប្រគល់រថយន្ត និងម៉ូតូបន្ទាប់ពីផ្ទុះរឿងអាឡូវនៅសល់រឿង លោកឧកញ៉ា សម្បត្តិ និងធុង ប៉េត្រូនៅមិនទាន់បញ្ចប់នៅឡើយ។បន្ទាប់ពីត្រូវបានឩកញ៉ាសម្បត្តិហៅពីសៀមរាបមកភ្នំពេញថតបានមួយរយៈនាយប្រុញរត់ត្រឡប់ទៅស្រុកកំណើតវិញដោយប្រាប់ ថាថតគ្មានបានប្រាក់រយៈពេល៨ខែអត់បានលុត។មេគណបក្សមួយឈ្មោះលោកពេជ្រ ស្រស់ បញ្ចេញត៍មានបង្កឲ្យមានការភ្ញាក់ផ្អើលសម្រាប់មហាជនហើយក៏ បានធ្វើឲ្យលោកឧកញ៉ា សម្បត្តិ ចេញមុខប្រតិកម្ម និងបញ្ជាក់រឿងរ៉ាវមួយចំនួនទៅកាន់មហាជនដើម្បីការពារខ្លួន ។
ក្រោយពីជំនួបជុំរវាងភាគីទាំងអស់គឺនាយប្រុញនិងក្រុមគ្រួសារបានឡើងមករាជធានីភ្នំពេញដើម្បីធ្វើការសម្របសម្រួល សុំទោសអ្នកគ្រប់គ្រងជាសាធារណៈ ខណៈភាគីអ្នកគ្រប់គ្រងបានផ្តល់រថយន្តមួយគ្រឿង និងម៉ូតូមួយគ្រឿងទៅកាន់នាយប្រុញដែលកន្លងមកក្រុមហ៊ុនធ្លាប់បានប្រកាសថាផ្តល់ជូននាយប្រុញនោះ។ ក្រៅពីរឿងនាយប្រុញក៏មានតារាកំប្លែង និងសម្តែង ធុង ប៉េត្រូ និងសិល្បករម្នាក់ផ្សេងទៀតគឺលោក ឃីម រតនៈ ក៏បានចេញមុខបញ្ជាក់អំពីការជួបរឿងរ៉ាវអយុត្តិធម៌ដែលក្រុមហ៊ុនលោកឧញ៉ាសម្បត្តិបានធ្វើដាក់ចំពោះខ្លួន។
អ្វីដែលធុងប៉េត្រូលើកឡើងថាជារឿងអយុត្តិធម៌សម្រាប់ខ្លួនគឺកុងត្រាក្លែងក្លាយគឺក្រដាសទទេដែលធ្លាប់ត្រូវបានឧកញ៉ាសម្បត្តិយកទៅបង្ហោះនៅលើបណ្តាញសង្គមកន្លងទៅធ្វើឲ្យក្រុមហ៊ុនដទៃមិនហ៊ានហៅលោកឲ្យផ្សព្វផ្សាយផលិតផលគេផ្សេង និងនាំឲ្យលោកបាត់បង់ចំណូលខ្ទង់ម៉ឺនដុល្លារនោះ ។រឿងនេះត្រូវបានលោកទ្រាំលាក់ទុកជាយូរមកហើយទើបនឹងបញ្ចេញស្របពេលដែលករណីរបស់នាយប្រុញបានផ្ទុះឡើង ។ពេលនេះនាយប្រុញទទួលបានយុត្តិធម៌ពីករណីខាងលើនេះរួចហើយក៏ដោយក៏ករណីរបស់លោកនៅមិនទាន់មានដំណោះស្រាយណាដែលអាចឲ្យលោកទទួលយកបាននៅឡើយ ហើយលោករំពឹងថាយុត្តិធម៌នឹងមានចំពោះរូបលោកផងដែរ៕