វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4087 នាក់
ម្សិលមិញ 4292 នាក់
សរុប 14113786 នាក់
ខេត្តកណ្ដាល ៖ រថយន្តដឹកត្រីមួយគ្រឿងត្រូវបានគេឃើញថាបើកបរក្នុងល្បឿនលឿនទប់ចង្កូតមិនឈ្នះក៏ក្រឡាប់បើកទៅបុកនឹងបង្គោលភ្លើង បណ្ដាលឱ្យមនុស្ស២នាក់ស្លាប់បាត់បង់ជីវិតភ្លាមៗ និង២នាក់ទៀតរងរបួសធ្ងន់កាលពីវេលាម៉ោង១៦និង៣០នាទីថ្ងៃទី២៥ ខែមេសា ឆ្នាំ២០២២ នៅចំណុចច្រកចូលបុរីទីក្រុងរណបសិរីមង្គល លើផ្លូវជាតិលេខ២១ ស្ថិតនៅភូមិទួលក្រសាំង សង្កាត់រកាខ្ពស់ ក្រុងតាខ្មៅ ខេត្តកណ្ដាល ។
នគរបាលចរាចរណ៍ក្រុងតាខ្មៅបានឱ្យដឹងថា ជនរងគ្រោះមានគ្នា៤នាក់ ទី១-ឈ្មោះ ង្វៀង ភេទប្រុស អាយុ៥០ឆ្នាំ(រងរបួសធ្ងន់)ជាអ្នកបើកបររថយន្តម៉ាកHYUNDAI ពណ៌ស ពាក់ស្លាកលេខភ្នំពេញ3B-9278 , ទី២-ឈ្មោះ យ៉ យុំាងឡិន ភេទប្រុស អាយុ២០ឆ្នាំ ជាអ្នករួមដំណើរ(របួសធ្ងន់),ទី៣-ឈ្មោះ លី យុំាងបាំង ភេទប្រុស អាយុ៥០ឆ្នាំ ជាអ្នករួមដំណើរ(ស្លាប់បាត់បង់ជីវិត) និងទី៤-ឈ្មោះ ង្វៀង យុំាងឡឺយ ភេទប្រុស អាយុ៤៦ឆ្នាំ (ស្លាប់បាត់បង់ជីវិត) ។រថយន្តដឹកត្រីម៉ាកHYUNDAI ពណ៌ស ពាក់ស្លាកលេខភ្នំពេញ3B-9278 ធ្វើដំណើរក្នុងទិសដៅពីត្បូងទៅជើង ពេលមកដល់ចំណុចកើតហេតុខាងលើក៏ស្រាប់តែរេចង្កូតមកខាងស្ដាំបុកបង្គោលភ្លើងបណ្ដាលឲ្យរថយន្តក្រឡាប់ចូលប្រឡាយធ្វើឱ្យមនុស្ស២នាក់ស្លាប់បាត់បង់ជីវិត រីឯ២នាក់ទៀតរងរបួសធ្ងន់ ។សមត្ថកិច្ចជំនាញបានអូសយកឡានមករក្សាទុកបណ្តោះអាសន្ននៅអធិកាដ្ឋានក្រុងតាខ្មៅដើម្បីចាត់ការតាមនីតិវិធី។