វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2422 នាក់
ម្សិលមិញ 10264 នាក់
សរុប 14141604 នាក់
ភ្នំពេញ៖ ក្នុងថ្ងៃខួបកំណើត ១២ឆ្នាំ របស់កូនស្រីច្បង សាពូន ដារ៉ាភិមាន លោក សាពូន មីដាដា បានទម្លាយរឿងអតីតកាលដ៏អស្ចារ្យនិងការដែលខ្លួនបំផ្លាញនាំដល់ជីវិតបែកបាក់អន្តរាយជាច្រើនប្រាប់ដល់កូនស្រី និងមហាជនតាមបណ្ដាញសង្គមហ្វេសបុក។
លោក សាពូន មីដាដា រៀបរាប់តាមហ្វេសប៊ុកថា កូនស្រីមាសឪពុក សាពូន ដារ៉ាពិមាន គម្រប់ ១២ឆ្នាំគត់ កូនជាកូនដែលប្រកបដោយកុសលធម៌ក្រៃលែងណាស់ កាលកូនកើតមកគឺមន្ទីរពេទ្យមិនយកប្រាក់ទេ ដល់កូនចម្រើនវ័យបានជាង ៣ឆ្នាំ ពុកជួបរឿងយល់សប្តកំពុងបើកភ្នែកទាំងថ្ងៃគឺ សម្តេចតេជោពុក និងសម្តេចម្តាយដ៏ខ្ពង់ខ្ពស់បំផុត call មកជា (លេខ Private number) សួរសុខទុក្ខ ហើយក៏ឱ្យគេយកប្រាក់មកឱ្យ ៣ ម៉ឺនដុល្លារ។ គ្រាកន្លង មកមួយអាទិត្យ លោកទាំងទ្វេក៏callមកលេងរហូត ហើយក៏ឱ្យគេយកប្រាក់មកឱ្យទៀតជាហូរហែ។លោក សាពូន មីដាដា រៀបរាប់បន្តទៀតថា រហូតដល់កូនចម្រើនវ័យបាន ៤ឆ្នាំ សម្តេចតេជោពុក និង សម្តេចម្តាយ លោកបានប្រោសប្រទានមហាកិត្តយសដល់ពុកម៉ែ និងកូនឱ្យទៅជួបលោកទាំងទ្វេនៅភូមិគ្រឹះវិមានឯករាជ្យ។ កូនចេះណាស់ គ្រាន់តែឃើញពុកម៉ែក្រាបថ្វាយបង្គុំសម្តេចតេជោពុក និងសម្តេចម្តាយភ្លាម កូនក៏បត់ជើងថ្វាយបង្គុំលោកទាំងទ្វេភ្លាមដែរ ពុកម៉ែមានកំពូលកិត្តយស និងមហាសំណាងក្រៃលែងណាស់ដោយទទួលបានការសំណេះសំណាល និងខ្សែកដាំពេជ្រជិតប៉ុនកូនដៃព្រមទាំងប្រាក់ដុល្លារមួយវ៉ាលីធំដែលជាការប្រទានរបស់សម្តេចទាំងទ្វេ។ បីអាទិត្យក្រោយមក ពុកម៉ែឡើងច្រៀងកម្មវិធី Bayon TV ច្រៀងបទ “អក្ខរាលោហិត” លោកទាំងទ្វេក៏ប្រទាន ២០ ម៉ឺនដុល្លារទៀត។
លោក សាពូន មីដាដា និយាយបន្តថា វេលាកន្លងមកចូល ឆ្នាំមហាសង្ក្រាន្តនៅសៀមរាបគឺលោកទាំងទ្វេបានប្រោសប្រទាននូវវេលាមហាកិត្តយសម្តងទៀត ដោយហៅពុកម៉ែទៅហូបបាយនៅសណ្ឋាគារ Angkor city លោកទាំងទ្វេបានប្រទានប្រាក់ដុល្លារមួយកាបូបធំទៀតដល់ពុកម៉ែ។ ប្រាក់ដ៏ច្រើនក្រាស់ក្រែលទាំងនោះ ពុកបានយកទៅធ្វើជំនួញដែលមិនមែនជាជំនាញ និងសេចក្តីធ្វេសប្រហែសរបស់ពុកផងនោះក៏ខាតបង់ជាបន្តបន្ទាប់រហូតអស់ពីខ្លួនពុក។ ពោលរៀបរាប់នេះគឺឱ្យកូនចូរគោរពស្មោះត្រង់ចងចាំជានិច្ចតបស្នងនូវមហាគុណដែលសម្តេចតេជោតា និងសម្តេចយាយផ្តល់ឱ្យគ្រួសារយើង។លោក សាពូន មីដាដា បន្ថែមថា ក្នុងដំណើរជីវិត ចូរកូនកុំធ្វើជំនួញអ្វីដែលយើងមិនចេះ និងកុំប្រហែសឱ្យសោះ ព្រះពុទ្ធ អង្គមុនបរិនិពាន្វបានត្រាស់ថាម្នាលភិក្ខុទាំងឡាយចូរញាំងជីវិតនេះឱ្យប្រព្រឹត្តទៅដោយកុំប្រហែសឡើយ។
គួររម្លឹកថា តារាចម្រៀង លោក សាពូន មីដាដា បានរៀបការបញ្ចប់ភាពនៅលីវជាមួយ អ្នកនាងសឿសុធារ៉ាកាលពីថ្ងៃទី៩ខែកញ្ញាឆ្នាំ២០០៩ដោយគិតរហូតមកដល់ពេលនេះមានរយៈពេលជាង ១២ឆ្នាំហើយ។ ប៉ុន្តែក្រោយមកចំណងស្នេហារបស់អ្នកទាំងពីរក៏បានប្រកាសដំណឹងនៃការបែកបាក់គ្នាដោយ បន្សល់ទុកនូវកូនប្រុសស្រីចំនួន ២នាក់, ទី១ឈ្មោះ សាពូន ដារ៉ាភិមាន និងកូនទី២ ឈ្មោះ សាពូន ដារ៉ាបុរស។ទាក់ទងនិងជីវិតកូនស្រីដែលខ្លួនគ្មានសមត្តភាពចិញ្ចិមអតីតតារាចម្រៀង លោក សាពូន មីដាដា កន្លងមកធ្លាប់បានបង្ហើបនូវបំណងដោយមិនចង់ឱ្យកូនស្រីជាទីស្រឡាញ់ឈ្មោះ សាពូន ដារ៉ាភិមាន ដើរតាមគន្លងរបស់ខ្លួនក្នុងវិថីសិល្បៈទេ ។ ប៉ុន្តែក្រោយមក ដោយមានការសំណូមពរមួយចំនួនពីអ្នកគាំទ្រ លោកក៏បានផ្លាស់ប្តូរគំនិតដោយប្រកាសបើកផ្លូវឱ្យកូនស្រីចូលក្នុងវិស័យសិល្បៈវិញ។