វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3968 នាក់
ម្សិលមិញ 4292 នាក់
សរុប 14113667 នាក់
ភ្នំពេញ៖ លោកប៉ាន់ខែមម៉ានូ និងកញ្ញាឈិនមុន្នីនាត្រូវបានជ្រើសជាតួឯកប្រុសស្រីក្នុងភាពយន្តចម្រៀង ចំនួន២បទ គឺបទ «ជីវិតក្មេងវត្ដ» និងបទ «ទុក្ខស្រីប្ដីព្រាត់» ដែលជាស្នាដៃនិពន្ធដោយសម្ដេចតេជោ ហ៊ុន សែន និងជាកម្រងរឿងរ៉ាវតស៊ូរបស់សម្ដេចតេជោ និងសម្ដេចកិត្តិព្រឹទ្ធបណ្ឌិតពីអតីតកាល ។
នៅក្នុងបណ្ដាញសង្គមហ្វេសប៊ុកលោក ហ្វៃ សំអាង នៅព្រឹកថ្ងៃទី២៧ ខែមករា ឆ្នាំ២០២២បានឲ្យដឹងថា តួឯកទាំងពីរដួងនៅក្នុងបទច្រៀង «ទុក្ខស្រីប្ដីព្រាត់» និពន្ធទំនុកច្រៀងក្រោមស្នាដៃ ដ៏ខ្ពង់ខ្ពស់របស់សម្ដេចតេជោ ហ៊ុន សែន បទចម្រៀងដែលល្បីល្បាញ។ ដឹកនាំសម្ដែងដោយលោក ហ្វៃ សំអាង ផលិតដោយសមាគមសិល្បករខ្មែរ ប្រធានអ្នកនាង ចន ច័ន្ទលក្ខិណា។
លោក ហ្វៃ សំអាង បានបញ្ជាក់ទៀតថា តួឯកប្រុសគឺលោក ប៉ាន់ ខែមម៉ានូដែលគេនិយាយថាជាប្អូនប្រុសលោកប៉ាន់ប៊ុនខែមនាយករដ្ឋខុទ្ធការល័យនាយករដ្ឋមន្ត្រីសម្ដែងជាតួអង្គសម្ដេចតេជោ ហ៊ុន សែន។ ចំណែកតួឯកស្រីកញ្ញា ឈិន មុន្នីនាថ សម្ដែងជាតួអង្គសម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុន សែន។ ស្នាដៃនិពន្ធរបស់សម្ដេចតេជោទាំងពីរបទនេះ ត្រូវបានដឹកនាំសម្តែងដោយរូបលោក និងផលិតដោយសមាគមសិល្បករខ្មែរ។
ប្រធានសមាគមសិល្បករខ្មែរដែលដឹកនាំដោយអ្នកនាង ចន ច័ន្ទលក្ខិណា និងអ្នកដឹកនាំសម្ដែងលោក ហ្វៃ សំអាង កំពុងតែដុតដៃដុតជើង និងមានសកម្មភាពផលិតយ៉ាងសស្រាក់សស្រាំ ហើយបើតាមការបង្ហើបពីលោក ហ្វៃ សំអាង MV «ជីវិតក្មេងវត្ដ» ថតបាន ៥០ភាគរយ ហើយគ្រោងនឹងថតបញ្ចប់នៅចុងខែកុម្ភៈ ឆ្នាំ២០២២។ ចំណែកបទ «ទុក្ខស្រីប្ដីព្រាត់» គឺទើបតែចាប់ផ្ដើមថតប៉ុណ្ណោះ ដោយក្នុងនោះ ក៏មានការជួយឧបត្ថម្ភសម្ភារៈសព្វាវុធ ពីទីបញ្ជាការដ្ឋានកងអង្គរក្សផងដែរ៕