វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 8333 នាក់
ម្សិលមិញ 8227 នាក់
សរុប 14135214 នាក់
ភ្នំពេញ៖ លោកសុខ សុវណ្ណវឌ្ឍនា សាប៊ុង ហៅ William Guang ប្រធានគណបក្សខ្មែរក្រោក បានសារភាពប្រាប់មន្ត្រីកងរាជអាវុធហត្ថរាជធានីភ្នំពេញនៅព្រឹកថ្ងៃអង្គារទី២១ ខែធ្នូ ឆ្នាំ២០២១នេះថា៖ ខ្លួនគឺជាអ្នកដឹកនាំទៅប្លន់ផ្ទាល់ និងបញ្ជាផ្ទាល់ពីក្នុងរថយន្តឱ្យប្លន់ឧកញ៉ា អ៊ាន សៀវម៉ី គឺធុញ ស្អប់ ជ្រេញ អ្នកអួតទ្រព្យសម្បត្តិតាមបណ្តាញសង្គម ជាពិសេសគឺអ្នកលក់ឡេនេះ…ដែលចូលចិត្តអួតពីមាស ពេជ្រ ដុល្លារ…ដូចផ្គើន…ហើយនេះជាសារមួយដល់អ្នកដែលចូលចិត្តបង្អួត បង្ហាញ តាមបណ្តាញសង្គមផងដែរ។
ប្រតិបត្តិការណ៍បង្ក្រាបនេះគឺ កម្លាំងកងរាជអាវុធហត្ថរាជធានីភ្នំពេញដឹកនាំដោយលោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស និងជាមេបញ្ជាការកងរាជអាវុធហត្ថរាជធានីភ្នំពេញ កាលពីយបថ្ងៃទី២០ធ្នូ បានសម្រុកចូលផ្ទះក្រុមចោរប្លន់អ្នកលក់ឡេឧកញ៉ា អ៊ាន សៀវម៉ី ប្រមូលបានគ្រឿងពេជ្រត្រឡប់មកវិញ និងដកហូតអាវុធចំនួន៥ដើម(វែង១ដើម ខ្លី៤ដើម) ស្ថិតនៅទីតាំងបុរី ប៉េងហួត ផ្លូវ៦០ម៉ែត្រ ខណ្ឌមានជ័យ រាជធានីភ្នំពេញ និងបានឃាត់ខ្លួនមនុស្សពាក់ព័ន្ធ ចំនួន១២នាក់(ប្រុស៩នាក់ ស្រី៣នាក់)។
ក្នុងការឃាត់ខ្លួនមនុស្សទាំងអស់ ក្នុងនោះក៏មានលោក សុខសុវណ្ណ វឌ្ឍនាសាប៊ុង ហៅ William Guang ប្រធានគណបក្សខ្មែរក្រោក ផងដែរ។ លោកឧត្តមសេនីយ៍ត្រី អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេស នៅព្រឹកថ្ងៃអង្គារទី២១ធ្នូនេះដែរ ក៏បានបញ្ជាក់នៅលើបណ្ដាញសង្គមហ្វេសប៊ុកផ្លូវការរបស់លោកផ្ទាល់ថា៖ ខ្ញុំបាទ សូមជម្រាបជូនអ្នកសារព័ត៌មានជ្រាបថា នាវេលាយប់ថ្ងៃទី២០ ខែធ្នូ ឆ្នាំ២០២១ កម្លាំងកងរាជអាវុធហត្ថរាជធានីភ្នំពេញ បានចេញប្រតិបត្តិការបង្ក្រាប និងមានការឃាត់ខ្លួនបុគ្គលពាក់ព័ន្ធនឹងករណីប្លន់មួយចំនួនពិតមែន។ដោយសារការស៊ើបអង្កេតកំពុងបន្តនីតិវិធី ខ្ញុំបាទសូមជម្រាបបញ្ជាក់បានត្រឹមប៉ុណ្ណេះ ពីព្រោះនេះជាការសម្ងាត់វិជ្ជាជីវៈ ដែលត្រូវតែគោរព។ សូមអរគុណ!
ដោយឡែកករណីនេះដែរ ហ្វេសប៊ុករបស់ស្នងការនគរបាលរាជធានីភ្នំពេញ នៅយប់ថ្ងៃទី២០ ខែធ្នូ ឆ្នាំ២០២១នេះក៏បង្ហាញថា៖ តាមបញ្ជារ កម្លាំងការិយាល័យព្រហ្មទណ្ឌកម្រិតធ្ងន់នៃស្នងការដ្ឋាននគរបាលរាជធានីភ្នំពេញ កម្លាំងនៃអធិការដ្ឋាននគរបាលខណ្ឌដង្កោ សហការជាមួយកម្លាំងនាយកដ្ឋានព្រហ្មទណ្ឌ បានស្រាវជ្រាវ និងដេញឃាត់បានរថយន្តដែលជនសង្ស័យបានប្រើប្រាស់ក្នុងករណីប្លន់កាលពីព្រឹកថ្ងៃទី១៩ ខែធ្នូ ឆ្នាំ២០២១ នៅក្នុងបុរីញូវថោន ខណ្ឌពោធិ៍សែនជ័យ។ ដោយស្ថានភាពងងឹតខ្លាំង កម្លាំងជំនាញបានប្រដេញរថយន្តនេះ រហូតជនសង្ស័យបានបើកទ្វារលោតគេចខ្លួនចូលក្នុងគុម្ពោតព្រៃ ពេលនេះសមត្ថកិច្ចកំពុងធ្វើការឡោមព័ទ្ធទីតាំងនោះ ដើម្បីបន្តរុករកជនសង្ស័យ ដែលរត់គេចខ្លួន។ ដោយពិនិត្យឃើញមានដបសាំងក្នុងរថយន្ត សមត្ថកិច្ចបានធ្វើការសន្និដ្ឋានជាបឋមថា ជនសង្ស័យមានបំណងបើករថយន្តទៅកន្លែងស្ងាត់ដើម្បីដុតកម្ទេចចោលបំផ្លាញភស្តុតាង។
ជុំវិញករណីប្លន់នេះដែរ អ្នកនាំពាក្យនៃស្នងការដ្ឋាននគរបាលរាជធានីភ្នំពេញ បានចេញសេចក្តីបំភ្លឺព័ត៌មានទាក់ទងទៅការបាត់បង់ទ្រព្យសម្បត្តិជាក់ស្តែង ក្នុងផ្ទះជនរងគ្រោះ នៅបុរីញូវថោន កាលពីវេលាម៉ោង ១០:៣០នាទីព្រឹកថ្ងៃទី១៩ ខែធ្នូ ឆ្នាំ២០២១។ មុនដំបូងជនរងគ្រោះបានអះអាងថា ទ្រព្យសម្បត្តិសរុបដែលជនសង្ស័យយកទៅមានតម្លៃប្រហែល៩លានដុល្លារ (ប្រាំបួនលានដុល្លារ) ។បន្ទាប់ពីជនរងគ្រោះ បាត់ភ័យខ្លាច និងបានត្រួតពិនិត្យច្បាស់លាស់អំពីទ្រព្យសម្បត្តិដែលបានបាត់បង់ បានបញ្ជាក់តម្លៃជាមួយហាងលក់ពេជ្រដែលគាត់តែងតែទិញយកមកប្រើប្រាស់ ជនរងគ្រោះប្រាប់ថាសម្ភារៈដែលបានបាត់បង់រួមមានខ្សែកពេជ្រធំ ចំនួន៣ខ្សែ និងគ្រឿងអលង្ការ (ពេជ្រ) មួយចំនួនទៀត យោងទៅលើវិក្កយបត្រ ទិញ-លក់ គិតជាទឹកប្រាក់សរុបប្រហែលជា ១.៦ ទៅ ១.៩ លានដុល្លាអាមេរិកតែប៉ុណ្ណឹង និងទូរស័ព្ទដៃម៉ាក I phone ចំនួន ២គ្រឿងផងដែរ។
ទាក់ទងនិងលោកមេបក្សខ្មែរក្រោកវិល្លៀមហ្កាំងនេះកាលពីមានករណិយីឧក្រិដ្ឋកម្មប្លន់ដ៏កក្រើកក្នុងក្រុងភ្នំពេញ កាលពីកំឡុងខែមីនាកន្លងទៅ ប្រការដែលគួរឲ្យកត់សម្គាល់នៅក្នុងពេលនោះគឺថា លោកWilliam Guang ដែលធ្លាប់ជារដ្ឋមន្ត្រីគេហៅឯកឧត្តមតាមគណនីហ្វេសប៊ុកផ្ទាល់ខ្លួន បានបង្ហោះសារដោយបានលើកឡើងទាក់ទងនឹងមេក្លោងចោរវ័យលក្មេង ដែលមានឈ្មោះថា អ៊ឹម សុវណ្ណរិទ្ធថា៖ចេះតែឆ្ងល់ថា មេឧក្រិដ្ឋជនចាប់ជំរិតដូចប្រហែលៗមុខ ការពិតទាល់ឆែកមេីលបានដឹងថា ធ្លាប់ឆាតមកសុំបេីកឡានអោយខ្ញុំ ៣ ៤ ដង តែត្រូវខ្ញុំបដិសេដ ។ កុំអីក្លាយជាជ្រូកខ្វៃផស់វាបាត់ ។ បានន័យថាដើរសុំការងារគេគ្រប់គ្នា ដើម្បីសិក្សាថាមួយណាអាចធ្វើស៊ីបាន ?សាររបស់លោកWilliam Guang ៕
សូមបញ្ជាក់ថាលោកវិល្លៀមហ្កាំង(William Guang) (ឈ្មោះពិត លោក សុវណ្ណវនា សារពង្ស) មានប្រវត្តិជីវិតក៏មិនធម្មតាដែរ ។លោកធ្លាប់បានលើកឡើងថា ម្តាយលោកបានស្លាប់ក្រោយបង្កើតលោកបាន ៧ថ្ងៃក្នុងសម័យប៉ុលពត។ក្នុងឆ្នាំ ១៩៨២ ក្រោយរំដោះរបបនោះ ឱពុកលោកបានលាចាកលោកទៀត ដូច្នេះលោកត្រូវរស់នៅជាមួយពូបង្កើត។ ប៉ុន្តែនៅឆ្នាំ ១៩៨៨ ដោយសារជំនួញរបស់ពូលោកខ្ស័យធន់ហើយរត់ទៅបរទេស លោក វីល្លៀមហ្កាំង ក៏បានរស់នៅតែម្នាក់ឯងគ្មានបងប្អូន ដោយការអាស្រ័យខ្លួននៅវត្តនិរោធ។
អំឡុងពេលលោករៀនសាកលវិទ្យាល័យ គឺជាពេលដែល វីល្លៀម លំបាកបំផុត ព្រោះគ្មានប្រាក់ ដូច្នេះត្រូវបង្ខំចិត្តទៅធ្វើអ្នករត់តុនៅរង្គសាល នាគព័ន្ធ ហើយឆ្លៀតពេលទំនេរទៅធ្វើសំណង់ រៀបឥដ្ឋរកប្រាក់បន្ថែមដើម្បីរៀនសូត្រ ហើយក្រោយពីនោះបានទៅសម្រាកនៅវត្ត។ បុរសវ័យ ៤០ ឆ្នាំមានកំណើតនៅខេត្តបាត់ដំបងរូបនេះ ថាមួយថ្ងៃៗកាលជំនាន់នៅរៀន លោកសឹងតែរកពេលសម្រាកគ្មាន ពោលគឺសម្រាកបានតែ ៣ម៉ោងគត់ ដោយសារលោកធ្វើការចាប់ពីម៉ោង ៦យប់ដល់ម៉ោង ៣ភ្លឺរាល់ថ្ងៃ។ បន្ថែមពីនោះលោកបានរៀនសរសេរអត្ថបទស៊ីជម្រៅដើម្បីលក់ឲ្យកន្លែងនិពន្ធសៀវភៅ រកប្រាក់បន្ថែមទៀត។
លោកក៏ជាអ្នករកស៊ីអចលនទ្រព្យដ៏ល្បីល្បាញមួយរូប និងក៏ជាសេដ្ឋីមានទ្រព្យ ព្រមទាំងផ្ទះវិឡាខ្នាតធំមួយរូបផងដែរ ហើយអ្វីដែលជាពិសេសទៅទៀតនោះ លោកក៏ជាអ្នកនយោបាយ និងក៏ជាប្រធានគណបក្សមួយរូបដែលធ្លាប់មានតំណែងស្មើរដ្ឋមន្ត្រីថែមទៀតផងដែរ។ចឹងមូលហេតុដែលលោកក្លាយជាមេចោរប្លន់គឺដោយសារម្ចាស់ទ្រព្យឌឺពេក?៕