វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 424 នាក់
ម្សិលមិញ 10264 នាក់
សរុប 14139606 នាក់
ភ្នំពេញ៖ពីធីករទូរទស្សន៍ដែលគេស្គាល់ថាឈ្មោះតាប៊ុយ ជួបគ្រោះថ្នាក់ចរាចរណ៍កាលពីវេលាម៉ោង១រំលងអធ្រាត្រ ឈានចូលថ្ងៃទី១៤ ខែធ្នូ ឆ្នាំ២០២១ បង្កឲ្យ មានការភ្ញាក់ផ្អើលដោយសារ VJតាប៊ុយដែលមានអាការស្រវឹងផងបើករថយន្តរត់គេចហើយត្រូវគេតាមចាប់បាន។ ករណីនេះកើតត្រង់ចំណុចស្តុប BKC សង្កាត់ស្រះចក ខណ្ឌដូនពេញ រាជធានីភ្នំពេញ ។
ប្រភពពីកន្លែងកើតហេតុ គេឃើញរថយន្ដសេរីទំនើបម៉ាក Range Rover ភ្នំពេញ 2BK- 8809 ដែលបើកបរ ដោយពិធីករទូរទស្សន៍ឈ្មោះ តាប៊ុយ ទៅបុកពីក្រោយរថយន្ដព្រួសមួយគ្រឿង ផ្លាកលេខ ភ្នំពេញ 2AH-7048 ដែលកំពុងឈប់នៅចំណុចស្តុប BKC សង្កាត់ស្រះចក ខណ្ឌដូនពេញ រាជធានីភ្នំពេញ ។
ម្ចាស់រថយន្ដព្រុស ប្រាប់អ្នកសារព័ត៌មាន ខ្លួនបានបើក រថយន្តមកឈប់នៅចំណុចស្តុបខាងលើ ស្រាប់តែពេលនោះ ក៏មានរថយន្ត Range Rover ពណ៌ស ពាក់ស្លាកលេខ ភ្នំពេញ 2BK- 8809 ទំនើបមួយគ្រឿង បើកបរដោយបុរសម្នាក់ដែលគេស្គាល់ថា តាប៊ុយ មកបុករថយន្តរបស់ខ្លួនមួយទំហឹង បណ្ដាលឲ្យខូចខាត ផ្នែកខាងក្រោយ ។
ខណៈនោះ ខ្លួនក៏បានចុះមកនិយាយគ្នា និងបម្រុងលើកទូរស័ព្ទមកថតរថយន្តដើម្បីទុកជាឯកសារ ស្រាប់តែបុរសដែល គេស្គាល់ឈ្មោះ តាប៊ុយ បានបើករថយន្ត គេចចេញពីកន្លែងកើតហេតុ ហើយខ្លួនក៏បានបើកដេញតាមរហូតមកដល់ ចំណុចផ្លូវសហព័ន្ធរុស្ស៊ី ។ពាក់ព័ន្ធនឹងករណីគ្រោះថ្នាក់ចរាចរណ៍នេះ ក៏មិនបានបណ្ដាលឱ្យប៉ះពាក់ដល់អាយុជីវិត ឬរបួសស្នាមធ្ងន់ធ្ងរទេ ។ហើយដោយឡែក VJ តាប៊ុយ ដែលជាម្ចាស់រថយន្ដ Range Rover ក្រោយមានការដេញកាក់ឱ្យឈប់ និងស្ថិត ក្នុងសភាពទន់ខ្លួនដែលទំនងជាបានប្រើប្រាស់គ្រឿងស្រវឹងនោះ ក៏មិនបានបញ្ចេញប្រត្តិកម្ម ឬបង្កជាហិង្សាឡើយ ។
ករណីគ្រោះចរាចរណ៍នេះបើតាមការបញ្ជាក់ពីសមត្ថកិច្ចនៅកន្លែងកើតហេតុ គឺភាគីរថយន្ដ Range Rover ដែលមាន តាប៊ុយ ជាម្ចាស់ និងម្ចាស់រថយន្ដព្រុស ខាងលើនឹងជួបគ្នាដើម្បីរកដំស្រាយតាមសន្តិវិធី។ជាលទ្ធផលតាប៊ុយបានបង្ហោះរអ៊ូថាម្ចាស់ឡានធើស៊ីគាត់បើយោងតាមវិកយ័បត្រ័។ជុំវិញរឿងនេះដែរ VJ តាប៊ុយ ក៏បានឡាយវីដេអូ នៅលើហ្វេសប៊ុកផ្ទាល់ខ្លួនរបស់លោក ដោយលើកឡើងថា ម្ចាស់រថយន្តព្រូស គួរធ្វើឱ្យសមរម្យជាងហ្នឹង លោកថា ថ្លៃសំណងមិនគួរដល់២,២៥០ ដុល្លារនោះ យ៉ាងហោចណាស់ត្រឹមតែ ១ពាន់ដុល្លារជាងនោះទេ។
លោកបន្តទៀតថា រថយន្តរបស់លោក Range Rover របស់លោកត្រឹមប្រមាណ ២ពាន់ដុល្លារជាង ក្នុងនោះ VJ តាប៊ុយ ចោទជាសំនួរថា ចុះត្រឹមរថយន្តព្រូស ហេតុអីក៏ថ្លៃម្លេះ។តែយ៉ាងណា VJ តាប៊ុយ លើកឡើងថា លោកពិតជាដឹងកំហុសថា ខ្លួនខុសមែន ព្រោះលោកបើកបរ ក្នុងស្ថានភាពស្រវឹង តែលោកនៅតែមិនអស់ចិត្តដោយពោលទាំងហួសចិត្ត មិនគួរថ្លៃសំណងយកពីលោកច្រើនបែបនេះឡើយ៕