វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 137 នាក់
ម្សិលមិញ 5304 នាក់
សរុប 14139663 នាក់
ភ្នំពេញ៖ ជនភៀសខ្លួនអាហ្វហ្កានីស្ថាន ចំនួន ១៥នាក់ ជាលើកដំបូង ក្នុងចំណោម៣០០នាក់ដែលកម្ពុជាប្រកាសទទួលយកឲ្យស្នាក់នៅបណ្តោះអាសន្នបានមកដល់ប្រទេសកម្ពុជា កាលយប់មិញថ្ងៃទី១៧វិច្ឆិកា។
នេះបើតាមលោកសន្ដិបណ្ឌិត សុខ ផល រដ្ឋាលេខាធិការក្រសួងមហាផ្ទៃ និងជាប្រធានគណៈកម្មការទទួលជនភៀសខ្លួនអាហ្វហ្កានីស្ថាន ប្រាប់កាសែត នាព្រឹកថ្ងៃទី១៨ ខែវិច្ឆិកា។តែលោកសន្ដិបណ្ឌិត សុខ ផល ពុំបានបញ្ជាក់លម្អិតអំពីដំណើរនៃការមកដល់ និងកន្លែងស្នាក់នៅរបស់ជនភៀសខ្លួន មុនដែលពួកគេត្រូវចាកចេញទៅកាន់ប្រទេសទី៣នោះឡើយ។
កាលពីថ្ងៃទី១៥ ខែវិច្ឆិកា ឆ្នាំ២០២១ កន្លងទៅនេះ សម្ដេចតេជោ ហ៊ុន សែន នាយករដ្ឋមន្ដ្រីកម្ពុជា បានចេញសេចក្ដីសម្រេចមួយស្ដីពីការបង្កើតក្រុមការងារចំពោះកិច្ចដើម្បីទទួលយកពលរដ្ឋអាហ្វហ្កានីស្ថានមកស្នាក់នៅបណ្ដោះអាសន្នក្នុងព្រះរាជាណាចក្រកម្ពុជាដោយតែងតាំងលោកសន្ដិបណ្ឌិត សុខ ផល រដ្ឋលេខាធិការក្រសួងមហាផ្ទៃ ជាប្រធានក្រុមការងារនេះ ហើយក្រុមការងារនេះ ត្រូវបំពេញការងារក្រោមការដឹកនាំ និងណែនាំដោយផ្ទាល់ពីសម្ដេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ដ្រីក្រសួងមហាផ្ទៃ៕