វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2514 នាក់
ម្សិលមិញ 2691 នាក់
សរុប 13066815 នាក់
អូទ្រីស៖កាលពីថ្ងៃទី៥តុលាសហភាពអឺរ៉ុបបានបញ្ជាក់ជំហរជាថ្មីទៀតថា ថា ខ្លួនចាប់ផ្តើមអនុវត្តដំណើរការដកប្រព័ន្ធអនុគ្រោះពន្ធដល់កម្ពុជា ។លោកស្រី Cecilia Malstrom ស្នងការអឺរ៉ុបសម្រាប់ពាណិជ្ជកម្មដែលចូលរួមកិច្ចប្រជុំថ្នាក់រដ្ឋមន្ត្រីក្រៅផ្លូវការមួយនៅប្រទេសអូទ្រីស បានព្រមានថាកាន់ប្រទេសកម្ពុជា និងប្រទេសភូមា ការអនុគ្រោះពន្ធនឹងត្រូវបញ្ចប់ បើកម្ពុជាមិនកែលម្អ ផ្នែកសិទ្ធិមនុស្ស។
«ដោយមិនចាំបាច់រៀបរាប់បន្តទៀត យើងនឹងរក្សាកាណាល់នៃការសន្ទនាជាមួយប្រទេសទាំងពីរនេះឲ្យនៅបើកចំហ ហើយយើងក៏នឹងជូនដំណឹងទៅរដ្ឋជាសមាជិកនៃសហភាពអឺរ៉ុប អំពីជំហានបន្ទាប់ទៀត»។ លោកស្រី Cecilia Malstrom បានគូសបញ្ជាក់ថា ប្រទេសទាំងពីរនេះមិនទាន់ស្ថិតនៅមុខមាត់ជ្រោះនៅឡើយទេ ពោលគឺនៅតែមានពេលវេលាសម្រាប់ប្រទេសកម្ពុជា និងភូមា ដើម្បីដកខ្លួនចេញពីមាត់ចំណោតនេះ។ ទោះជាយ៉ាងនេះក្តី លោកស្រីបានព្រមានថា «ផលវិបាកនៃដំណើរការសម្រាប់ប្រទេសទាំងពីរនេះ នឹងបានឃើញច្បាស់នឹងភ្នែកជាមិនខាន»។
ពីក្នុងទីក្រុង Innsbruck នៃប្រទេសអូទ្រីស ជាកន្លែងដែលមានកិច្ចប្រជុំថ្នាក់រដ្ឋមន្ត្រីក្រៅផ្លូវការ ស្នងការអឺរ៉ុបសម្រាប់ពាណិជ្ជកម្មរូបនេះ បានបញ្ជាក់ថា នេះជាមធ្យោបាយឆ្ពោះទៅមុខដើម្បីកំណែទម្រង់ចាំបាច់បំផុត នៃអង្គការពាណិជ្ជកម្មពិភពលោក (WTO)។ ជារបៀបវារៈសំខាន់របស់សហភាពអឺរ៉ុប ក៏ដូចជាទំនាក់ទំនងពាណិជ្ជកម្មជាមួយនឹងសហរដ្ឋអាមេរិកផងដែរ។
លោកស្រី Cecilia Malstrom បានឲ្យដឹងថា ប្រទេសកម្ពុជា កំពុងស្ថិតក្នុងជំហានមួយបន្តក្នុងដំណើរការវាយតម្លៃពីសហភាពអឺរ៉ុប ដោយសារតែការធ្វើដំណើរថយក្រោយនៃលទ្ធិប្រជាធិបតេយ្យ។ ការដើរថយក្រោយ ដែលមន្ត្រីសហភាពអឺរ៉ុបបានមកកាន់ប្រទេសកម្ពុជា ហើយកត់សំគាល់ថា មានការរុកគួន និងការបំភិតបំភ័យ ការរឹតបន្តឹងពាក់ព័ន្ធនឹងសិទ្ធិនយោបាយដ៏សំខាន់។ទាក់ទងករណីយ៍នេះមន្ត្រីជាន់ខ្ពស់គណបក្សកាន់អំណាចអះអាងថា បើទោះជាសហភាពអឺរ៉ុបសម្រេចដកឬ មិនដកប្រព័ន្ធអនុគ្រោះពន្ធ ក៏មិនមានបញ្ហាអ្វីប៉ះពាល់ដល់កម្ពុជានោះទេដោយថា នោះគ្រាន់តែជាកិច្ចព្រមព្រៀងនៃការធ្វើពាណិជ្ជកម្ម តែប៉ុណ្ណោះ។
លោក ឈឹម ផលវរុណ អ្នកនាំពាក្យគណបក្សប្រជាជនកម្ពុជា មានប្រសាសន៍ប្រាប់កាសែតថា «ជាសិទ្ធិរបស់EU! ហើយមកដល់ពេលនេះគេអត់ទាន់សម្រេចអីក៏ជាសិទ្ធិរបស់EU ហើយបើគេសម្រេចក៏ជាសិទ្ធិរបស់EU ឯកម្ពុជាជាសិទ្ធិរបស់កម្ពុជា។ ឯរឿងអនុគ្រោះពន្ធគឺជារឿងរកស៊ីទៅវិញទៅមក ពាណិជ្ជកម្មនិងការអភិវឌ្ឍ។
បើសិនជាយើងអាចត្រូវគ្នាក្នុងការធ្វើពាណិជ្ជកម្មនិងដើម្បីអភិវឌ្ឍន៍ អាហ្នឹងគឺយើងបន្តធ្វើជាមួយគ្នាទៅ ហើយបើយើងយល់ឃើញខុសគ្នាអាហ្នឹងយើងបែរខ្នងដាក់គ្នាទៅ អាហ្នឹងវាមានបញ្ហាអី? កិច្ចសហប្រតិបត្តិការវាតែប៉ុណ្ណឹង តែមិនអាចប្រទេសណាមកសង្កត់ប្រទេសដទៃទេ វាអត់មានទេលើពិភពលោកយើងនេះ វាចប់អស់ហើយក្រោយពីសង្គ្រាមត្រជាក់មក បាទ!»។