វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5261 នាក់
ម្សិលមិញ 5378 នាក់
សរុប 14084554 នាក់
បន្ទាយមានជ័យ៖ ដោយសារជីវភាពខ្វះខាតបុរសម្នាក់ដើរជាន់មីនមិនទាន់ផ្ទុះ បណ្តាលឲ្យផ្ទុះរបួសដាច់ជើងឆ្វេងម្ខាង និងកន្លែងផ្សេងជាច្រើនទៀតខណៈ ដើរចូលព្រៃបេះបន្លែត្រួយព្រិចលក់ និងរកសត្វយកមកធ្វើម្ហូបដើម្បីចិញ្ចឹមជីវិត កាលពីវេលាម៉ោង ៩ព្រឹកថ្ងៃទី១៦ ខែឧសភា ឆ្នាំ២០២៣ ក្នុងចំណុចព្រៃចំការមីន ខាងមុខទំនប់ក៥។
នគរបាលប៉ុស្តិ៍ និងសមត្ថកិច្ច ឃុំអូរបីជាន់ បានប្រាប់អ្នកយកព័ត៍មានឲ្យដឹងថា ជនរងគ្រោះមានឈ្មោះ លី លាក់ ភេទប្រុស អាយុ ៣៥ឆ្នាំ រស់នៅក្នុងភូមិសិលាខ្មែរ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។
ប្រភពពីសមត្ថិកិច្ចបានឲ្យដឹងថា មុនពេលកើតហេតុនោះក្រុមគ្រួសារជនរងគ្រោះក្រពេកបានដាច់ចិត្ត ចូលក្នុងព្រៃចំការមីន ខាងមុខទំនប់ក៥ ដែលសំបូរទៅដោយគ្រាប់យុទ្ធភ័ណ្ឌមិនទាន់ផ្ទុះបន្សល់ទុកតាំងពីជំនាន់សង្ក្រាមមកម្លេះ ដើម្បីបេះបន្លែត្រួយព្រិច និងរកសត្វយកមកចិញ្ចឹមជីវិត ដោយសារកន្លែងនោះសម្បូរទៅដោយគ្រាប់យុទ្ធភ័ណ្ឌមិនទាន់ផ្ទុះ ស្រាប់តែជនរងគ្រោះដើរជាន់មីនបណ្តាលឲ្យផ្ទុះ ដាច់ជើងឆ្វេង និងរបួសកន្លែងផ្សេងជាច្រើនទៀត។ ក្រោយពេលកើតហេតុហើយ សមត្ថកិច្ចនិងមន្ត្រីមូលដ្ឋាន និងក្រុមគ្រួសាររបស់ជនរងគ្រោះ បានដឹកជនរងគ្រោះតាមរថយន្តសង្គ្រោះបញ្ជូន ទៅសម្រាកព្យាបាលនៅមន្ទីរពេទ្យបង្អែកមិត្តភាពកម្ពុជា ជប៉ុន ស្រុកមង្គលបូរី ដើម្បីសង្គ្រោះបន្ទាន់ផងដែរ ទិដ្ឋភាពអ្នករបួសមានសភាពធ្ងន់ធ្ងរមិនដឹងថា គ្រូពេទ្យអាចសង្គ្រោះបានឬយ៉ាងណានោះទេ៕