វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 637 នាក់
ម្សិលមិញ 5020 នាក់
សរុប 14116084 នាក់
ស្ទឹងត្រែង៖ នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ បានឧបត្ថម្ភថវិកាចំនួន ៥០០,០០០រៀល ផ្លែឈើ និងភេសជ្ជៈមួយចំនួន ដល់លោកស្រីស៊ីថុងសុខាអធិការរងទទួលការងារចរាចរណ៍ នៃអធិការដ្ឋាននគរបាលស្រុកសៀមប៉ាង ដែលបានយកកូនទៅបំបៅ នៅតុដែលកំពុងចុះអនុវត្តរឹតបន្តឹងច្បាប់ចរាចរណ៍ផ្លូវគោក នៅថ្ងៃទី១០ ខែមីនា ឆ្នាំ២០២១ ។
ការឧបត្ថម្ភនៅក្រោមរូបភាពអបអរសាទរទិវានារីអន្តរជាតិ ៨ មីនា ២០២១តាមរយះ លោកវរសេនីយ៍ឯក ជឹម អេន អធិការនគរបាលស្រុកសៀមប៉ាង ក៏បានធ្វើពិធីជូនកាដូ និងថវិកាជូនលោកស្រី ព្រមទាំងដល់នគរបាលជានារី និងជូនពរបងប្អូននារីៗ ជួបតែសេចក្តីសុខ សេចក្តីចម្រើន សុភមង្គលនៅក្នុងក្រុមគ្រួសារគ្រប់ៗគ្នា។
លោកស្រីមន្ត្រីនគរបាលស្រុកសៀមប៉ាងរូបនេះបាននិងកំពុងល្បីតាមបណ្តសង្គមហ្វេសប៊ុកដោយសារមេហៅទៅធ្វើកិច្ចសន្យាឲ្យឈប់យកកូនមកបំបៅក្នុងម៉ោងធ្វើការព្រោះវាអាប់មុខមេ?។តែករណីយ៍រឹតបន្តឹងវិន័យខុសរបៀបបែបនេះបានបង្កឲ្យមានការរិះគន់ជុំទិសតាមបណ្តាញសង្គមរហូតដល់សម្តេចក្រឡាហោមសខេងអនុញ្ញាតិឲ្យលោកជំទាវជូប៊ុនអេងរដ្ឋលេខាធិការក្រសួងមហាផ្ទៃចេញសេចក្តីថ្លែងការណ៍មួយក្នុងការងារយេនឌ័រសសើរនិងគាំទ្រអ្នកស្រីខស៊ីថុងសុខាអធិការរងនគរបាលស្រុកសៀមប៉ាងទើបខាងនគរបាលថ្នាក់លើញឹនតិចរាប់ទាំងលោកនាយឧត្តមសេនីយ៍ហ៊ឹមយ៉ាងអគ្គស្នងការរងនគរបាលជាតិទទួលផែនចរាចរកាន់ជើងការកោះហៅប៉ូលិសម្តាយនេះទៅអប់រុំនិងឲ្យធ្វើកិច្ចសន្យាឲ្យបញ្ឈប់ទង្វើបំបៅកូនចឹង?។
លោកស្រីជូនប៊ុនអេងថ្លែងថា៖ក្នុងនាមខ្ញុំជារដ្ឋលេខាធិការក្រសួងមហាផ្ទៃ ជាប្រធានក្រុមការងារយេនឌ័រក្រសួងមហាផ្ទៃ និងជាអនុប្រធានអចិន្ត្រៃយ៍គណៈកម្មាធិការជាតិ ប្រយុទ្ធ ប្រឆាំងអំពើជួញដូរមនុស្ស (គ .ជ .ប. ជ) ដឹកនាំដោយសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានឃើញអត្ថបទដែលផ្សព្វផ្សាយអំពី អធិការស្រុកសៀមប៉ាង ដែលបានកោះហៅ លោកស្រីនគរបាលម្នាក់ដែលគាត់បំបៅកូន នៅតុការងារ តាមផ្លូវ ប្រហែលជានគរបាលចរាចរណ៍ ដើម្បី ទៅព្រមាន និងឲ្យធ្វើកិច្ចសន្យាបញ្ឈប់ការបំបៅដោះកូនបែបនេះ ។
ខ្ញុំមានការសោកស្តាយជាខ្លាំង ដែលលោកអធិការបានប្រើឥរិយាបទបែបនេះ និងមិនបានវែកញែកឲ្យច្បាស់ពីកំហុស និងពីគុណសម្បត្តិ ។ ខ្ញុំសូមជម្រាបលោកអភិបាលខេត្ត មេត្តាជ្រាប ថា ក្នុងស្ថានភាពជាស្ត្រី ដែលមានភារកិច្ចទទួលខុសត្រូវទ្វេដង លើសពីបុរស គឺបំពេញការងារស្នូលក្នុងអង្គ ភាពស្ថាប័នផង និងត្រូវចិញ្ចឹមបីបាច់ថែទាំកូន តាំងពីនៅក្នុងផ្ទៃរហូតកើតមក និងបន្តទៅទៀតដល់ពេញវ័យ បើទោះបីជាបុរស ជាស្វាមី ឬអ្នកដែលជាថ្នាក់ដឹកនាំមិនបានយកចិត្តទុកដាក់ បង្កលក្ខណៈឲ្យនាងទទួល បាននូវឱកាសថែទាំកូនបានងាយស្រួលយ៉ាងណាក៏ដោយ ក៏នាងមិនបានបោះបង់កូន និងការងារស្នូល របស់នាងដែរ ។ នេះជាទង្វើ ដែលខ្ញុំជាស្ត្រីម្នាក់ សូមគោរពកោតសរសើរ នូវឆន្ទៈ ដ៏មុះមុត ក្នុងការបំពេញ ភារកិច្ចរបស់មន្ត្រីជាស្ត្រី ទោះជាប្រឈមនឹងការលំបាកយ៉ាងណាក៏ដោយ ។
ដោយឡែកលោកជំទាវអ៊ឹងគន្ថាផាវីរដ្ឋមន្ត្រីក្រសួងកិច្ចការនារីក៏បានចេញសេចក្តីថ្លែងការណ៍គាំទ្រលោកស្រីស៊ីថុងសុខាអធិការរងនគរបាលស្រុកសៀមប៉ាងផងដែរ។