វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1706 នាក់
ម្សិលមិញ 10264 នាក់
សរុប 14140888 នាក់
ភ្នំពេញ៖ ប្រមុខរាជរដ្ឋាភិបាលកម្ពុជា សម្តេចអគ្គមហាសេនាបតីតេជោ ហ៊ុន សែន បានបញ្ជាក់ថាតាមរយៈសារសម្លេងនៅព្រឹកថ្ងៃទី៦ឧសភាថា រាជរដ្ឋាភិបាលបានបិទបញ្ចប់ការធ្វើដំណើររាជធានីភ្នំពេញ និងក្រុងតាខ្មៅ ខេត្តកណ្តាល ក៏ដូចជាបិទបញ្ចប់ការធ្វើដំណើរឆ្លងខេត្តរួចហើយ តែដោយពិនិត្យឃើញថា នៅក្នុងខេត្តខ្លះបានដាក់បម្រាមរហូតដល់កម្រិត ប្រជាពលរដ្ឋកម្ពុជាខ្លួនឯងដែលចូលទៅកាន់ខេត្តខ្លួនចាំបាច់ត្រូវធ្វើចត្តាឡីស័ក១៤ថ្ងៃទៅវិញ?។
បញ្ហានេះសម្តេចហៅថាវាមិនខុសពីការបង្កើតរដ្ឋ ក្នុងរដ្ឋ នោះទេ បើធ្វើយ៉ាងដូច្នេះ វាស្មើនឹងការបិទរដ្ឋឡើងវិញ បិទប្រទេសឡើងវិញ ។ ទាក់ទងនិងការធ្វើចត្តាឡីស័កសម្តេចតេជោ បានបញ្ជាក់ទៀតថា យើងត្រូវបន្តធ្វើចត្តាឡីស័កចំពោះអ្នក ដែលសង្ស័យថា មានហានិភ័យអាចនឹងមានកូវីដ-១៩ ដើម្បីយកសំណាក ហើយឲ្យធ្វើចត្តាឡីស័ក ប៉ុន្តែមិនមែនធ្វើគ្រប់មនុស្សទាំងអស់ដែលឆ្លងកាត់ខេត្តរបស់ខ្លួននោះទេ បើធ្វើយ៉ាងដូច្នេះប្រជាជនហាក់ដូចជានៅក្នុងទ្រុងដដែល ។
សម្តេចតេជោ ហ៊ុន សែន សូមឲ្យ អភិបាលខេត្តណាដែលចេញសេចក្តីសម្រេចរួចហើយត្រូវកែប្រែ នូវសេចក្តីសម្រេចនោះវិញជាបន្ទាន់ ដើម្បីសម្រួលឲ្យមានការចរាចរណ៍សម្រាប់ប្រជាពលរដ្ឋ ហើយខ្ញុំនិយាយនេះមិនមែន សំដៅមិនឲ្យទប់ស្កាត់ចំពោះអ្នកដែលមានករណីសង្ស័យ ដែលយើងតម្រូវឱ្យយកសំណាក នឹងនាំទៅដល់ការធ្វើចត្តាឡីស័ក ដែលចៀសវាងមិនបាននោះទេ ក៏ប៉ុន្តែ ការធ្វើនេះគឺសំដៅដើម្បីឲ្យកែសម្រួលសេចក្ដីសម្រេចដើម្បីបើកឲ្យប្រជាពលរដ្ឋអាចធ្វើដំណើរបាន។
សូមបញ្ជាក់ថាបន្ទាប់ពីប្រមុខរាជរដ្ឋាភិបាល បានសម្រេចចិត្តនៃការបើកផ្លូវ នៅក្នុងរាជធានីភ្នំពេញ ដែលបានបិទផ្ទប់អស់ប៉ុន្មានសប្តាហ៍មក យើងសង្កេត ប្រជាពលរដ្ឋដោយរស់នៅនៅតាមតំបន់ចំនួន នឹងអាច ធ្វើដំណើរប្រកបមុខរបរចិញ្ចឹមជីវិត ដូចជាធម្មតា លើកលែងតំបន់ចំនួនដែលបន្តបិទផ្ទប់ដដែល។
នៅលើបណ្តាញសង្គមហ្វេសប៊ុក បានបង្ហោះរូបភាពជាច្រើនសន្លឹក នៃទិដ្ឋភាពព្រឹកថ្ងៃទី០៦ ខែឧសភា ឆ្នាំ២០២១នេះ លើបណ្ដោយមហាវិថីសម្តេចមុនីរ៉េត (២១៧) ចំនុចមុខវត្តស្ទឹងមានជ័យ រាជធានីភ្នំពេញ មានសភាពអ៊ូអរ នៃការធ្វើដំណើររបស់ប្រជាជន បន្ទាប់ពីរដ្ឋាភិបាលសម្រេចបើករាជធានីភ្នំពេញ។