វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4107 នាក់
ម្សិលមិញ 6359 នាក់
សរុប 14090740 នាក់
ភ្នំពេញ៖ បុរសបើកឡានពាក់ស្លាកលេខ ន.ប និងបោះសម្ដីតាមហ្វេសប៊ុកថា គេមិនហ៊ានចាប់ខ្លួន ពេលអនុវត្តការបិទខ្ទប់រាជធានីភ្នំពេញកាលពីថ្ងៃ១៧មេសា ត្រូវបាន លោកព្រះរាជអាជ្ញារង ឡុង ជាប បានសំរេចចោទប្រកាន់តាមមាត្រា៤ និងមាត្រ១១ នៃច្បាប់ កូវីដ-១៩ ដោយអនុវត្ត នីតិវិធីបង្ហាញខ្លួនភ្លាម (មាត្រា ៤៧ ក្រមនីតិវិធីព្រហ្មទណ្ឌ) ត្រូវបញ្ជូនទៅ តុលាការជំនុំជម្រះហើយត្រូវបានចៅក្រមស៊ើបសួរ លោក អ៊ុក សុវណ្ណរិទ្ធិ បានសម្រេចឃុំខ្លួនបណ្តោះអាសន្ន រង់ចាំបើកសាវនាការជាក្រោយដោយសារជនល្មើសសុំរកមេធាវី ។
នេះបើយោងតាមការបញ្ជាក់ឲ្យដឹងពីលោក គុជ គឹមឡុង ព្រះរាជអាជ្ញារង និងជាអ្នកនាំពាក្យអយ្យការអមសាលាដំបូងរាជធានីភ្នំពេញ នៅរសៀលថ្ងៃទី១៨ ខែមេសា ឆ្នាំ២០២១ ។លោកវរសេនីយ៍ឯក សាន សុខសីហា ឲ្យដឹងថា បុគ្គលរូបនេះមិនមែនជាមន្ដ្រីនគរបាលនោះទេ ពោលពេលឡាយវីដេអូនោះ គ្រាន់និយាយអួតគេតែប៉ុណ្ណោះ។ សំណុំរឿងរបស់មន្ដ្រីនគរបាលយុត្តិធម៌ ដែលបានបញ្ជូនទៅតុលាការនេះ សំយោគ២បទល្មើស រួមមាន៖
ទី១៖ ក្លែងបន្លំជាមន្ដ្រីនគរបាលជាតិ។ទី២៖ ល្មើសសេចក្ដីសម្រេចវិធានការបិទខ្ទប់រាជធានីភ្នំពេញ។ទោះជាយ៉ាងណាលោកលោកវរសេនីយ៍ឯក សាន សុខសីហាមិនបាននិយាយពន្យល់ពីមូលហេតុជននេះមានឡានស៊េរីទំនើបពាក់ស្លាកលេខនគបាលនោះទេ?។តាមច្បាប់ត្រូវតែស្រាវជ្រាវយកផ្ទន្ទាទោសឬដកហូតស្លាកលេខមិនមែនសុខសប្បាយចឹងទេ?។
សមត្ថកិច្ចបានឲ្យដឹងថា ក្រោយចាប់ខ្លួនបុគ្គលរូបនេះ ត្រូវបានបញ្ជូនភ្លាមៗ ទៅកាន់ស្នងការដ្ឋាននគរបាលរាជធានីភ្នំពេញ រួមជាមួយរថយន្ដស៊េរីទំនើបមួយគ្រឿង ម៉ាក Lexus RX300 ឆ្នាំ២០១៨ ពាក់ស្លាកលេខនគរបាល ២-៦១២៨ ដើម្បីធ្វើការសួរនាំ និងចាត់ការតាមនីតិវិធីច្បាប់ ពិសេសពាក់ព័ន្ធការល្មើសវិធានការរបស់សម្ដេចតេជោ ហ៊ុន សែន។បុរសរូបនេះបើករថយន្តឡាយហ្វេសប៊ុកនៅម៉ោង ៨ព្រឹក ម្តុំវត្តគៀនឃ្លាំង ផ្លូវជាតិលេខ៦A ខណ្ឌឬស្សីកែវ ស្របពេលដែលរដ្ឋាភិបាលកំពុងមានវិធានការបិទខ្ទប់មិនឲ្យប្រជាពលរដ្ឋចេញ ដើម្បីបង្ការ និងទប់ស្កាត់ការឆ្លងរាលដាលវីរុសកូវីដ-១៩។