វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6071 នាក់
ម្សិលមិញ 5378 នាក់
សរុប 14085364 នាក់
ភ្នំពេញ៖ បងប្រុសតារាចម្រៀង សុខ សីឡាលីន រកឃើញថាមានវិជ្ជមានជំងឺកូវីដ-១៩ បង្កើតឲ្យមានការភ្ញាក់ផ្អើលកាលពីរាត្រីថ្ងៃទី២៩ ខែមីនា ឆ្នាំ២០២១ព្រោះនាំឲ្យអំពុលពេញមួយគ្រួសារដែលមានសមាជិកជិត១០នាក់។កញ្ញាសុខសីឡាលីនតារាចម្រៀងប្រចាំនៅផលិតកម្មរស្មីហង្សមាស បាន បង្ហាញការអន់ចិត្ដផង និងសោកស្ដាយផងចំពោះបងរបស់ខ្លួនគឺលោក សុខ សុធារិទ្ធ ហៅឌីន ដែលភ្លាត់ខ្លួនឆ្លងជំងឺកូវីដ-១៩។ កញ្ញាយល់ថា លទ្ធផលដែលបងប្រុសរបស់នាងទទួលបាននៅពេលនេះ គឺបណ្ដាលមកពីធ្វេសប្រហែស។
នាងបានលើកឡើងតាមហ្វេប៊ុកថា ជម្រាបសួរបងប្អូនពូមីងទាំងអស់ពេលនេះបងប្រុសនាងខ្ញុំ សុខ សុធារិទ្ធ ហៅឌីន មានវិជ្ជមាន កូវីត19 ហើយឡានក្រុមគ្រូពេទ្យបានមកយកគាត់ទៅសម្រាកព្យាបាលហើយ ដោយក្រុមគ្រួសារនាងខ្ញុំទាំងអស់បានយកសំណាករួចរាល់អស់ហើយ រួមទាំងខ្ញុំទោះបី ខ្ញុំចាក់វ៉ាក់សាំង2ដងរួចមកហើយក្តី។ ខ្ញុំផ្ទាល់មិនសូវជាបារម្ភខ្លួនឯងឡើយ ព្រោះខ្ញុំមិនមានទំនាក់ទំនងផ្ទាល់អ្វីជាមួយគាត់ទេ ព្រោះផ្ទះខ្ញុំដីឡូ ខ្ញុំនៅផ្ទះមុខ ដាច់ជាមួយស្រីលក្ខណ៌ ប្អូនស្រីខ្ញុំ អ្វីដែលបារម្ភគឺប៉ាមាក់ដែលគាត់នៅផ្ទះក្រោយជាមួយបងប្រុស។ នាងថាលទ្ធផលបែបណាខ្ញុំនឹងជម្រាបជូនបងប្អូនបន្ត បន្តែផ្ទះខ្ញុំត្រូវបានបិទហើយ ។
គួរបញ្ជាក់ដែរថា នៅព្រឹកថ្ងៃទី៣០ ខែមីនា ឆ្នាំ២០២១នេះក្រសួងសុខាភិបាល បានចេញសេចក្តីប្រកាសព័ត៌មាន បញ្ជាក់ពីការបន្តរកឃើញអ្នកឆ្លងកូវីដ-១៩ ថ្មីរហូតដល់១០៥នាក់ ក្នុងនោះករណីនាំចូលម្នាក់ និង១០៤នាក់សុទ្ធសឹងជាករណីឆ្លងក្នុងសហគមន៍ «ព្រឹត្តិការណ៍២០កុម្ភៈ» ខណៈអ្នកជំងឺចំនួន ៤នាក់បានជាសះស្បើយ និងអនុញ្ញាតឲ្យចេញពីមន្ទីរពេទ្យ។គិតត្រឹម ព្រឹកថ្ងៃទី៣០ ខែមីនា ឆ្នាំ២០២១នេះ កម្ពុជាបានរកឃើញអ្នកឆ្លងកូវីដ-១៩ សរុបចំនួន ២៣៧៧នាក់ ក្នុងនោះអ្នកជាសះស្បើយចំនួន ១១៧៦នាក់, អ្នកកំពុងសម្រាកព្យាបាលជំងឺ ចំនួន១១៨៦នាក់, ស្លាប់ចំនួន១១នាក់ និង៤នាក់ទៀត ស្លាប់ដោយសារជំងឺផ្សេង ពេលកំពុងទទួលការព្យាបាលជំងឺកូវីដ-១៩៕