វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2136 នាក់
ម្សិលមិញ 10264 នាក់
សរុប 14141318 នាក់
ខេត្តសៀមរាប៖អាជ្ញាធរខេត្តសៀមរាបបានប្រកាស ផ្អាកការចរាចរណ៍ចេញ-ចូល ក្នុងសង្កាត់គោកចកជាបណ្តោះអាសន្ន ដោយសាររកឃើញ បុគ្គលទី២ នៅថ្ងៃទី២០ ខែមីនា លើលោក ម៉ាប់ វុន អាយុ៣៥ឆ្នាំវិជ្ជមានកូវីដ១៩ ដែលមានអាសយដ្ឋានស្នាក់នៅភូមិគោកត្នោត សង្កាត់គោកចក ក្រុងសៀមរាប លោក ម៉ាប់ វុនមានប្រកបមុខរបរជាកម្មករបើករថយន្តដឹកដី នៅភូមិដីឥដ្ឋ ឃុំដីឥដ្ឋ ស្រុកកៀនស្វាយ ខេត្តកណ្តាល ដោយបានវិលត្រឡប់មកខេត្តសៀមរាប កាលពីថ្ងៃទី៧ ខែមីនា ឆ្នាំ២០២១។
គណៈបញ្ជាការឯកភាពរដ្ឋបាលខេត្តសៀមរាប បានសម្រេចបិទចរាចរចេញ-ចូល សង្កាត់គោកចក ក្រុងសៀមរាប ចាប់ពីវេលាម៉ោង ១៩:០០នាទី ថ្ងៃទី២០ ខែមីនា ឆ្នាំ២០២១ នេះតទៅ។ ករណីយ៍នេះអាជ្ញាធរខេត្តបានអំពាវនាវថា៖ បងប្អូនដែលបានជួបប្រាស្រ័យទាក់ទងនឹងបុគ្គលដូចបានជម្រាបជូនខាងលើ ឬមានករណីសង្ស័យ ឬបានធ្វើដំណើរទៅកាន់ទីកន្លែងមួយចំនួនរួមមាន៖ពេទ្យ ចាវ ចាន់ នៅផ្សារភូមិភាគ៤ (ចាប់ថ្ងៃទី១៣ ខែមីនា ឆ្នាំ២០២១) ពេទ្យ ទូច កូ នៅខាងលិចផ្សារដើមក្រឡាញ់ (ចាប់ពីថ្ងៃទី១៥ ខែមីនា ឆ្នាំ២០២១) ពេទ្យ៧៧៧ នៅផ្លូវជាតិលេខ៦ ខាងលិចស្តុបទន្លេសាប (ចាប់ពីថ្ងៃទី១៧ ខែមីនា ឆ្នាំ២០២១) និងគ្លីនិកសុខភាព (ចាប់ពីយប់ថ្ងៃទី១៩ ខែមីនា ឆ្នាំ២០២១) សូមរួសរាន់មកយកសំណាក នៅមណ្ឌលចត្តាឡីស័កសាលាគរុកោសល្យ និងអ្នករស់នៅក្បែរមន្ទីរពេទ្យ៧៧៧ សូមយកសំណាកនៅមន្ទីរពេទ្យ៧៧៧ ចាប់ពីថ្ងៃជូនដំណឹងនេះតទៅ។ រាល់ព័ត៌មានបន្ថែម សូមទំនាក់ទំនងទូរស័ព្ទលេខ ០១២ ៥២២ ៤២៧, ០៦៦ ៣៦៤ ៦៤៦ និង០៦៩ ៧៧៣ ២២៣។
ចំពោះការផ្អាកចរាចរណ៍ចេញ-ចូលបណ្តោះអាសន្ននេះ នឹងដំណើរការឡើងវិញ ក្រោយស្ថានភាពការរីករាលដាលជំងឺកូវីដ១៩ មានសភាពធូស្រាល និងវិលមករកប្រក្រតីភាពឡើងវិញ ដោយរដ្ឋបាលខេត្តនឹងជូនដំណឹងនាពេលក្រោយ។ដោយឡែកទាកទងនិងរឿងនេះដែរក្រសួងអប់រំ យុវជន និងកីឡា នៅយប់ថ្ងៃទី២០ ខែមីនា ឆ្នាំ២០២១នេះ បានសម្រេចផ្អាកដំណើរការគ្រឹះស្ថានសិក្សាសាធារណៈ និងឯកជន ជាបណ្តោះអាសន្ន រយៈពេល ០២ សប្តាហ៍ នៅក្រុងសៀមរាប ខេត្តសៀមរាប ដើម្បីទប់ស្កាត់កូវីដ១៩។ គ្រឹះស្ថាន សិក្សាទាំងអស់ត្រូវបន្តដំណើរការបង្រៀន និងរៀនតាមប្រព័ន្ធអេឡិចត្រូនិក.។
សូមបញ្ជាក់ថាគិតត្រឹមម៉ោង០៨:៥០ព្រឹកថ្ងៃទី២០មីនា២០២១យើងរកឃើញករណីជំងឺកូវីដ-១៩សរុបចំនួន៥៤នាក់ (ឆ្លងសហគមន៍៥៣នាក់និងនាំចូល១នាក់)និងមានជាសះស្បើយ១៨នាក់ ។ដូច្នេះចំនួនករណីជំងឺកូវីដ-១៩សរុបកើន១៦៣២នាក់ចំនួនសំរាកពេទ្យ៦៩២នាក់ និងចំនួនជាសះស្បើយសរុបកើន៩៣៥នាក់និងស្លាប់ថ្មី២នាក់សរុបស្លាប់៣នាក់ ។