វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3567 នាក់
ម្សិលមិញ 3528 នាក់
សរុប 14189952 នាក់
បាត់ដំបង៖ កម្លាំងនគរបាលខេត្តតាកែវនិងនគរបាលខេត្តបាត់ដំបងបានសហកាគ្នា ចុះ បានចាប់ខ្លួនជនសង្ស័យដៃដល់ស្ទាវស្រីប្រុស២នាក់ ដែលជាប់ចោទបានសម្លាប់ជនរងគ្រោះជាក្មេងប្រុសអាយុ១២ឆ្នាំ ដើម្បីប្លន់យកទ្រព្យសម្បត្តិកាលពីថ្ងៃទី១២ ខែកក្កដា ឆ្នាំ២០១៨កន្លងទៅ ស្ថិតនៅចំណុចភូមិស្មន់មុនី ឃុំព្រៃផ្តៅ ស្រុកព្រៃកប្បាស ខេត្តតាកែវតាមដីកា របស់តុលាការ។
លោកឧត្តមសេនីយ៍ត្រី ជេត វណ្ណនី ស្នងការរងនគរបាលខេត្តបាត់ដំបង បាន ឱ្យដឹងថា ប្រតិបត្តិការឃាត់ខ្លួន ជនសង្ស័យទាំងពីរនាក់ខាងលើនេះ នៅវេលាម៉ោង៩៖១៥នាទីនៅទី២៤ ខែកក្កដា ឆ្នាំ២០១៨នេះនៅចំណុចភូមិដូង ឃុំបឹងរាំង ស្រុកកំរៀង ខេត្តបាត់ដំបង ។
ជនជាប់ចោទដែលបានចាប់ខ្លួនរួមមានទី១៖ ឈ្មោះ ផាន់ បញ្ញារិទ្ធិ ភេទប្រុស អាយុ១៧ឆ្ន នាំរស់នៅភូមិព្រៃផ្តៅខាងត្បូង ឃុំព្រៃផ្តៅ ស្រុកព្រៃកប្បាស ខេត្តតាកែវ និងទី២៖ ឈ្មោះ ហុន ធីតា ភេទស្រី អាយុ១៧ឆ្នាំ រស់នៅភូមិព្រៃចំបក់ ឃុំតាំងយ៉ាប ស្រុកព្រៃកប្បាស ខេត្តតាកែវ ដែលជាប់ចោទពីបទលួចមានស្ថានទម្ងន់ទោសមធ្យោបាយផ្សេងៗ (ប្លន់សម្លាប់) ។ជនរងគ្រោះមានឈ្មោះ ណុប លឹមហេង ភេទប្រុស អាយុ១២ឆ្នាំ រស់នៅភូមិព្រៃផ្តៅខាងត្បូង ឃុំព្រៃផ្តៅ ស្រុកព្រៃកប្បាស ខេត្តតាកែវ។
ក្រោយពីបានចុះអនុវត្តដីកាបានសម្រេចហើយកម្លាំងនគរបាលខេត្តបាត់ដំបង បានបញ្ជូនជនល្មើសឱ្យទៅកម្លាំងនគរបាលខេត្តតាកែវ ដើម្បីចាត់ការបន្តតាមនីតិវិធី នៅតុលការខេត្តតាកែវ៕