វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2192 នាក់
ម្សិលមិញ 6359 នាក់
សរុប 14088825 នាក់
ភ្នំពេញ៖តារាចម្រៀងរ៉ុកម្ចាស់បទចាក់ទឹកដូងដែលទើបផុតកុងត្រាក្នុងទ្រនំចាស់ សាន់ដេ បានមកជ្រកផលិតកម្មយក្សរស្មីហង្សមាសភ្លែត បង្កការភ្ញាក់ផ្អើលដល់អ្នកគាំទ្រតែម្ដងតាមរយៈបទថ្មី។
វត្តមានផលិតកម្មថ្មីគេមើលឃើញថានាងក៏មិនខុសគ្នាប៉ុន្មានពីកំពូលតារាចម្រៀង ខេមរៈ សិរីមន្ត ដែល សាន់ដេមិនបន្តកុងត្រា ហើយមកជ្រកក្រោមដំបូលផលិតកម្មយក្សរស្មីហង្សមាសដូចគ្នា។ ប្រភពព័ត៌ពីអ្នកសិល្បៈស្និទ្ធស្នាលបានឱ្យដឹងថា មិនមែនមានតែកញ្ញា យូរី ម្នាក់ទេដែលបង្ហាញខ្លួនក្នុងផលិតកម្មថ្មីនោះ អាចមានរូបលោក ខាន់ ជេមស៍ ម្នាក់ទៀត ដែលត្រៀមនឹងបង្ហាញវត្តមានជាមួយនឹងកញ្ញា យូរី ឆាប់ៗនេះផងដែរ។
ក្រោយពីចូលក្នុងផលិតកម្មយក្សដែលស្ថានីយ៍ទូរទស្សន៍ធំពីរនិងប្រមូលផ្ដុំទៅដោយកំពូលតារាល្បីៗលំដាប់ប្រទេសរួចក្រុមហ៊ុនបានចេញបទថ្មីមួយបទឲ្យនាងដែរ ដើម្បីភ្ជាប់ចំណងដៃជាមួយអ្នកគាំទ្រនិង ផលិតកម្ម នោះគឺបទ “ផាំងៗ” ជាចង្វាក់ញាក់កន្ទ្រាក់អារម្មណ៍ដែលជាជំនាញប្រចាំត្រកូលរបស់នាង។
មិនទាន់អាចសន្និដ្ឋានបានទេ ថាតើតារាស្រីវ័យក្មេងម្នាក់នេះ អាចមានសមត្ថភាពច្បាមយកប្រជាប្រិយភាពខ្លាំងដូចគ្រានៅផលិតកម្មចាស់ឬយ៉ាងណានោះឡើយ ព្រោះថាក្រៅពីមានសំនៀងល្អហើយនោះ នាងក៏ត្រូវតែហ្វឹកហាត់សមត្ថភាពផ្នែករាំ និងការរៀបចំខ្លួនបន្ថែមទៀតទើបអាចលេចឈ្មោះក្នុងចំណោមតារាចម្រៀងចាស់វស្សាក្នុងផលិតកម្មយក្សមួយនេះក្នុងរដូវខនសឺតខាងមុខនេះផងដែរ។