វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 121 នាក់
ម្សិលមិញ 5168 នាក់
សរុប 16012255 នាក់
ភ្នំពេញ៖ជនសង្ស័យមានគ្នា៤នាក់ ដែលធ្វើសកម្មភាពឆក់ខ្សែកជនរងគ្រោះ បណ្តាលអោយ ដួលម៉ូតូស្លាប់ កាលពីថ្ងៃទី៩ ខែមេសា ឆ្នាំ២០២៩ កន្លងទៅនៅចំណុចផ្លូវលេខ១៩៩ សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ ត្រូវបានសមត្តកិច្ចចាប់ខ្លួនបានហើយ កាលពីវេលាម៉ោង ៦ល្ងាច ថ្ងៃទី២៥ ខែមេសា ឆ្នាំ២០២០ នៅចំណុចផ្លូវបេតុង ភូមិទ្រា២ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ ។
ជនសង្ស័យដែលប្រកបមុខរបរឆក់់មានឈ្មោះ ឡាយ ពេជ្របញ្ញា ភេទប្រុស អាយុ២០ឆ្នាំ មុខរបរជាងជួសជុលទូរស័ព្ទ ស្នាក់នៅក្នុងភូមិទ្រា២ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ ។ ទី២ឈ្មោះ សុខឡេង ភេទប្រុស អាយុ ២០ឆ្នាំ មុខរបរមិនពិតប្រាកដ ស្នាក់នៅខណ្ឌមានជ័យ រាជធានីភ្នំពេញ ។ទី៣ឈ្មោះ ស៊ុនដារ៉ា ភេទប្រុស អាយុ២០ឆ្នាំ មុខរបររត់កង់បី ស្នាក់នៅបុរីពិភពថ្មី ខណ្ឌឬស្សីកែវ ។ទី៤ឈ្មោះធារ៉ា ប៊ី ភេទប្រុស អាយុ១៧ឆ្នាំ មុខរបរមិនពិតប្រាកដ ស្នាក់នៅសង្កាត់វាលវង់ ខណ្ឌ៧មករា ។
ស្ត្រីរងគ្រោះ មានឈ្មោះ ហុង សុខចេង អាយុ៣៥ឆ្នាំ មុខរបរ លក់ដូរ ស្នាក់នៅសង្កាត់ស្ទឹងមានជ័យទី១ ខណ្ឌមានជ័យ។ថ្ងៃកើតហេតុស្ត្រីរងគ្រោះជិះម៉ូតូមួយគ្រឿង ម៉ាកហុងដា Moone ពណ៍ខ្មៅ ពាក់ស្លាកលេខ ភ្នំពេញ 1HJ-6984 ចេញពីចំនុចខាងក្រោយពេទ្យរុស្ស៊ីនៅផ្លូវ៤៣០ សង្កាត់ទំនប់ទឹក ខណ្ឌបឹង កេងកង។
ជនសង្ស័យ បានធ្វើសកម្មភាពឆក់យកខ្សែ.កនារីរងគ្រោះ ហើយក៏ព្យាយាមជិះម៉ូតូរត់គេចខ្លួន តែស្ត្រីរងគ្រោះនិងក្រុមគ្រួសារ បាននាំគ្នាជិះម៉ូតូដេញតាម តាំងពីចំនុចផ្លូវ៤៣០ ខាងក្រោយពេទ្យរុស្ស៊ី រហូតដល់លើស្ពានអាកាសស្ទឹងមានជ័យ ក៏មានបក្ខពួកជនសង្ស័យជិះម៉ូតូតាមពីក្រោយស្ត្រីរងគ្រោះ រួចធាក់ឲ្យដួល បោក ក្បាល ត្រូវបានក្រុមគ្រួសារដឹកស្ត្រីរងគ្រោះទៅកាន់មន្ទីរពេទ្យរុស្ស៊ី ដើម្បីធ្វើការសង្គ្រោះ តែជាអកុសលស្ត្រីរងគ្រោះខាងលើ បានស្លាប់បាត់បង់ជិវិត ដោយសារធ្ងន់ធ្ងរខ្លាំងពេក។
បច្ចុប្បន្នជនសង្ស័យនិងវត្ថុតាងត្រូវបានសមត្ថកិច្ចប៉ុស្តិ៍ស្ទឹងមានជ័យទី១ កសាងសំណុំរឿងបញ្ជូនទៅកាន់នាយកដ្ឋានព្រហ្មទណ្ឌកម្រិតធ្ងន់ នៃក្រសួងមហាផ្ទៃ ដើម្បីចាត់ការបន្តតាមផ្លូវច្បាប់បន្តទៀត ៕