វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4070 នាក់
ម្សិលមិញ 5020 នាក់
សរុប 14119517 នាក់
ភ្នំពេញ៖នៅក្នុងបន្ទប់ផ្ទះជួលនៅក្នុងភូមិព្រៃទា សង្កាត់ចោមចៅ៣ ខណ្ឌពោធិ៍សែនជ័យ មានករណីយ៍ប្តីកំណាចបានកាប់ប្រពន្ធជាច្រើនកកាំបិតផ្គាក់បណ្តាលឲ្យរងរបួសធ្ងន់យកទៅសង្គ្រោះនៅមន្ទីរពេទ្យព្រះកុសុមៈភ្លាមៗ។កាប់ប្រពន្ធរួចជនសង្ស័យបានគេចខ្លួនបាត់កាលពីវេលាម៉ោង១២និង៥០នាទីរសៀលថ្ងៃទី៨ ខែកក្កដា ឆ្នាំ២០១៨ ។
ស្ត្រីរងគ្រោះឈ្មោះ ត្រេន ពៅ អាយុ៣៣ឆ្នាំមុខរបរជាកម្មការិនីរោងចក្រកាត់ដេរហែនសាំ ស្នាក់នៅក្នុងបន្ទប់ជួលខាងលើបានរងរបួសក្បាលនិងកញ្ចឹងកជាច្រើនកន្លែង ។ជនសង្ស័យដែលបានកាប់ប្រហារប៉ុនប៉ងសម្លាប់ប្រពន្ធរបស់ខ្លួននោះត្រូវបានស្គាល់ហើយឈ្មោះ ហន រិទ្ធី ភេទប្រុស អាយុ២៨ឆ្នាំ មុខរបរកម្មករសំណង់ មានស្រុកកំណើត ភូមិវាលពន់ ឃុំព្រៃមិច ស្រុកថ្ពង ខេត្ដកំពង់ស្ពឺ ។
គេមិនទាន់ដឹងពីមូលហេតុអ្វីបណ្តាលឲ្យមានអំពើរហឹង្សានៅឡើយទេព្រោះប្រភពពីកន្លែងកើតហេតុបានឲ្យដឹងថាគេបានឃើញបុរសជាប្ដីបីប្រពន្ធចេញពីក្នុងបន្ទប់ជួលរកគ្រូពេទ្យជួយសង្គ្រោះទៅហើយ។ពេលទៅដល់គ្លីនិកមួយនៅជិតនោះគ្រូពេទ្យមិនហ៊ានទទួលព្យាបាលឡើយព្រោះរបួសធ្ងន់ពេក។ពេលគ្រូពេទ្យកំពុងរវល់ប្ដីកំណាចក៏បានរត់គេចខ្លួនបាត់ស្រមោលទើបអ្នកជិតខាងបាននាំគ្នាហៅម៉ូតូរ៉ឺម៉កកង់បីដើម្បីដឹកយកទៅកាន់មន្ទីរពេទ្យព្រះកុសុមៈដើម្បីសង្គ្រោះបន្ទាន់។ករណិយ៍នេះមាននគរបាលប៉ុស្តិ៍ចោមចៅ៣ បានចុះទៅកាន់កន្លែងកើតហេតុធ្វើការស្រាវជ្រាវដើម្បីចាប់ខ្លួនប្ដីកំណាចនេះហើយ៕