តើឯកឧត្តម ម៉ៅ ធនិនអភិបាលខេត្តពោធិ៍សាត់មានវិធានការបែបណាចំពោះឈ្មួញខិលខូចឃុបឃិតគ្នាជាមួយមន្ត្រីជំនាញជលផលនិងសមត្ថកិច្ចពាក់ព័ន្ធបើកដៃអោយជនជាតិយួនប្រព្រឹតបទល្មើសនេសាទនិងការប្រើឧបករណ៍នេសាទខុសច្បាប់ប្រភេទអួន កែឆ្នៃនិងយាំងកាវក្នុងបឹងទន្លេសាបក្នុងទឹកដីខេត្តពោធិ៍សាត់
03-April-2024 / ព័ត៌មានជាតិ
(ខេត្តពោធិ៍សាត់) ៖បទល្មើសនេសាទទ្រង់ទ្រាយធំ ប្រើដោយឧបករណ៍ប្រភេទអួនអូសគូរ ឬអួនកែច្នៃ និងប្រភេទយាុំងកាវ ក្នុងទឹកដីខេត្តពោធិ៍សាត់ កំពុងចាប់ផ្តើមដំណើរការហើយដោយសាររការ បើកភ្លើងខៀវពីមន្ត្រីជំនាញនិងសមត្ថកិច្ចពាក់ព័ន្ធ! 
បើយោងតាមសេចក្តីរាយការណ៍ពីប្រជានេសាទជាលក្ខណៈគ្រួសារបានឲ្យដឹងថាបទល្មើសនេសាទប្រើឧបករណ៍ប្រភេទអួនអូសគូរ ឬអូនកែច្នៃ ឬយាំុងកាវអូសយកមច្ឆា ជាតិគ្រប់ប្រភេទនៅតំបន់បឹងទន្លេសាប ក្នុងស្រុកក្រគរ ខេត្តពោធិ៍សាត់ និងនៅចំណុចមុខផ្សោត មុខបាឡត មុខពាមបាង ក្នុងស្រុកស្ទោង និងស្រុកកំពង់ស្វាយ ខេត្តកំពង់ធំបានចាប់ផ្តើមរៀបជើងព្រួលធ្វើសកម្មភាពនេសាទល្មើសហើយ ដោយក្រុមអ្នកនេសាទទាំងនោះកំពុង តែរៀបចំចែករម្លែកផលប្រយោជន៍អ្នកពាក់ព័ន្ធទាំងអស់ ដើម្បីសម្រួលឲ្យការធ្វើសកម្មភាពនេសាទល្មើសច្បាប់របស់ពួកគេដែលប្រព្រឹត្តទៅបានដោយរលូននោះគឺ: ចាប់ពីពេលនេះតទៅ។
សេចក្តីរាយការណ៍បានឲ្យដឹងបន្ថែមទៀតថាះក្រុមអ្នកនេសាទល្មើសច្បាប់ប្រើឧបករណ៍អួនគូរ ឬអូនកែច្នៃ ឬយាំងកាវចាប់ផ្តើមរត់ការបែង ចែកផលប្រយោជន៍ជូនស្ថាប័នពាក់ព័ន្ធដោយចំណាយប្រមាណ ២២០លានរៀលសម្រាប់ទូកអូសអួនមួយវង់ ។ ប្រភពខាងលើបានបង្ហើបអោយដឹងថា សព្វថ្ងៃមានឈ្មោះអេង ចេងជាជនជាតិយួននិងឈ្មោះ មែលជាមន្ត្រីប៉ូលីជាមេខ្យល់រត់ការអោយក្រុមទូកនេសាទប្រមូលុយយកបិតមាត់សមត្ថកិច្ចជំនាញនិងនិងអាជ្ញាធរពាក់ព័ន្ធ ទាំងអស់ក្នុងខេត្តពោធិ៍សាត់ដើម្បីអោយក្រុមអ្នកនេសាទប្រើឧបករណ៍អួនកែច្នៃទាំងនោះរៀបចំផែនការណ៏សកម្មភាពនេសាទល្មើសច្បាប់ពីចំណុចកំពង់លួង ក្នុងស្រុកក្រគរនៃទឹកដីខេត្តពោធិ៍សាត់រហូតដល់ចំណុចបាឡត ក្នុងឃុំពាមបាង ស្រុកស្ទោង ខេត្តកំពង់ធំ។
ក្រុមនេសាទល្មើសច្បាប់ទាំងនោះ បានចំណាយប្រាក់យ៉ាងច្រើនសន្ធឹកបែប នេះរត់ការ គឺដើម្បីឲ្យពួកគេអាចធ្វើសកម្មភាពនេសាទ អូសអួនកែច្នៃ បានពេញមួយរដូវ ប្រាំងខាងមុខនេះ ។ អួនកែច្នៃ អូសដោយម៉ាស៊ីនធំៗ មាន៦ម៉ាស៊ីន ដែលអាចអូសទាញធ្វើសកម្ម ភាព ចាប់យកផលត្រីបានគ្រប់ប្រភេទ ទៅតំបន់ទឹករាក់និងទឹកជ្រៅៗ !! ។សកម្មភាពនេសាទប្រើឧបករណ៍អួនគូរ ឬអូនកែច្នៃ ឬយាំុងកាវនេះធ្វើអោយប៉ះពាល់យ៉ាងធ្ងន់ធ្ងូដល់បរិស្ថានបឹងទន្លេសាប និងធ្វើអោយហិនហោចអស់នូវហ្វូងមច្ឆាជាតិយ៉ាងលឿនបំផុតឆ្ពោះទៅអនាគតខាងមុខ។
តាមប្រភពខាងលើបានឲ្យដឹងទៀតថា ពួកឈ្មួញដែលក្រុមអ្នកនេសាទប្រើឧបករណ៍អួនកែច្នៃល្មើសច្បាប់ទាំងនោះមានឈ្មោះ អេង ចេង, អេង វេង, អេង ម៉ៅ, ង្វៀង យ៉ាំងគូ, ង្វៀង យ៉ាំងឡាំង, ឌី ណា និងឈ្មោះ ភឿន ដែលពួកគេមានទូកម៉ាស៊ីនធំៗ ត្រៀមបម្រុងសម្រាប់ប្រព្រឹត្តបទល្មើសនេសាទនៅចំណុចខាងលើនៃតំបន់បឹងទន្លេសាប។ មិនតែប៉ុណ្ណោះការធ្វើសកម្មភាពនេសាទល្មើសច្បាប់ ប្រើឧបករណ៍អួនគូរ ឬអូនកែច្នៃ ឬយាំងកាវនេះមិនមែនទើបតែកើតឡើងសម្រាប់ឆ្នាំនេះទេ គឺកើតឡើងជារៀងរាល់ឆ្នាំ ហើយបើតាមប្រភពបានឲ្យដឹងថាអ្នកប្រព្រឹត្តនោះគឺមុខដដែលៗ ។
ច្បាប់ស្តីពីជលផល ជំពូកទី៥(ហាមឃាត់ដាច់ខាត)
មាត្រា២២;៨_អួនអូសគូ ឬអួនហ៊ុមរួមផ្សំភ្លើងឲត្រីឬវារីសត្វកុំ។១០-អួនអូសគ្រប់ប្រភេទនៅទឹកសាបនិងឈិបយន្ត។
៧-ការនេសាទដោយឧបករណ៏ម៉ាញ់ នាម ជនមងក្រឡុកមងអូស ឈ្នាងអូសលៀសឬខ្ចៅនៅទឹកសាបអូសឬរុញដោយកម្លាំងម៉ាសុីន។
មាត្រា៨២:
បុគ្គលដែលបានផ្តល់មធ្យោបាយ ឬបានបញ្ជា ឬបានសម្រួលឲជនណាមួយប្រព្រឹត្តបទល្មើសជលផលត្រូវចាត់ទុកថា: ជាបទសមគំនិតហើយត្រូវ
ផ្តន្ទាទោសតាមបទប្បញ្ញត្តិនៃច្បាប់នេះដូចគ្នានិងអ្នកប្រព្រឹត្តបទល្មើសផ្ទាល់ដែរ ។
ករណីខាងលើនេះ អង្គភាពសារព័ត៌មានយើង លើកយកនូវប្រភពបែកធ្លាយផែនការសកម្មភាពនេសាទល្មើសច្បាប់ខាងលើមកចុះផ្សាយនេះគ្មានបំណងអ្វីក្រៅពីជាសារមួយជូនដល់ថ្នាក់ដឹកនាំ ដើម្បីចាត់វិធានការណ៍តាមដាននិងទប់ស្កាត់ អោយមានប្រសិទ្ធិភាពដើម្បីថែរក្សាមច្ឆាជាតិអោយបានគង់វង់ និងកើនទិន្នផលត្រីឡើងវិញ ៕
