សាស្ត្រាចារ្យអក្សរសាស្ត្រម្នាក់ត្រូវព្រនង់គណសង្ឃនិងរដ្ឋមន្ត្រីក្រសួងអប់រុំព្រោះហ៊ាននិយាយរឿងពិតផស់សង្ឃ
06-August-2026 / ព័ត៌មានជាតិ
ភ្នំពេញ៖សាស្ត្រាចារ្យឡុងសារិនដែលជាគ្រូបង្រៀនឯកជន នៅក្រុមហ៊ុន E-Learning Cambodiaបានរងព្រនង់ពីសម្តេចព្រះសង្ឃរាជគណមហានិកាយផងរដ្ឋមន្ត្រីក្រសួងអប់រុំផងដោយសារតែហ៊ាននិយាយរឿងពិតខុសឆ្គងរបស់បុគ្គលសង្ឃមួយចំនួន។
សេចក្តីថ្លែងការណ៍របស់ក្រសួងអប់រំ យុវជន និង កីឡា បាន សម្ដែងការសោកស្ដាយចំពោះ ខ្លឹមសារមួយផ្នែក នៃវីដេអូ បង្រៀនរបស់លោកគ្រូ ឡុង សារិន ដែលចំណុចមួយចំនួន នៃការបកស្រាយរបស់គាត់អាចជះឥទ្ធិពលដល់ផ្នត់គំនិតយុវជនគ្រប់ជំនាន់ និងពុទ្ធបរិស័ទទូទៅចំពោះការគោរពប្រណិប័តន៍ព្រះពុទ្ធសាសនា។ក្រសួង អប់រំ យុវជន និងកីឡា នឹងលុបចេញ និងកែតម្រូវវីដេអូបង្រៀននៅត្រង់មេរៀននេះឡើងវិញ ។
នៅថ្ងៃខាងមុខក្រសួង និងខិតខំពិនិត្យពិច័យនូវរាល់ ខ្លឹមសារ នៃការបង្រៀនបន្ថែមទៀតដើម្បីជាគុណប្រយោជន៍ នៃការសិក្សារបស់សិស្សានុសិស្សកម្ពុជា ។សូមបញ្ជាក់ថាកាលពីថ្ងៃទី២៣ ខែកក្កដា ឆ្នាំ២០១៩ លោក ឡុង សារិន បានបង្រៀនសិស្សអំពីការតែងសេចក្តី ដោយមានផ្សាយផ្ទាល់ (Live) លើទំព័រហ្វេសប៊ុករបស់សាលា E-Learning Cambodia។
ពេលដល់មេរៀនពាក់ព័ន្ធនឹងទសជាតក លោក ឡុង សារិន ដែលជាគ្រូបង្រៀនឯកជន នៅក្រុមហ៊ុន បានឆ្លៀតនិយាយពីព្រះសាសនា ដោយប្រៀបធៀបរវាងគណៈមហានិកាយ និងគណៈធម្មយុត្តិកនិកាយ។ ការបង្ហាញអារម្មណ៍លោកនាពេលនោះ ស្តាប់មើលទៅ ហាក់ដូចជាលោក ពេញចិត្តចំពោះការបដិបត្តិព្រះវិន័យ ក្នុងធម្មយុត្តិកនិកាយ ជាងគណៈមហានិកាយ។
លោក ថា៖«មហានិកាយ ពាក់ស្បែងជើង កាន់ទូរស័ព្ទ [iphone] X plus មានអង្គរក្សទៀត...។ ដល់ធម្មយុត្តិកនិកាយ វិន័យតឹង សម័យកាន់លុយហើយ កាន់លុយមិនបាន ហើយលោក ដើរលើថ្នល់កៅស៊ូ ថ្នល់ស៊ីម៉ងត៍ ក្នុងទីក្រុង លោក ក៏អត់ប្រើស្បែងជើងដែរ។...ធម្មយុត្តិ លោកវិន័យតឹង អ៊ីចឹងដល់ពេលដើរបិណ្ឌបាត្រ ធ្វើឲ្យយើង យល់ច្រំឡំថា ជាលោក ធុតង្គ។ លោកធុតង្គ អត់មកទីក្រុងទេ លោក នៅតែក្នុងព្រៃទេ។ ហើយលោក [ធម្មយុត្តិ] និមន្តត្រង់អ៊ីចឹង បើអ្នកណា មានសទ្ធា ក៏ទូលព្រះអង្គ ព្រះអង្គ ឈប់ប្រោសសត្វ [ឈប់ឲ្យគេប្រគេនចង្ហាន់]»។
លោក បន្តថា៖«បើមហានិយាយនេះ សូមសម្តេចសង្ឃ ព្រះអង្គជ្រាបផង លោកសង្ឃខ្លះ មិនដឹងជាក្លែងក្លាយ ឬមិនក្លែងក្លាយទេ។ ទ្វារយើងមិនទាន់បើកផង ទៅឈរមុនផ្ទះបាត់ហើយ ហើយទៅឈរជិតទ្វារដែកហ្នឹង មើល [ចុះមើលឡើង] មិនមែនប្រមាថទេ ជាការពិត ហ៊ានភ្នាល់ដាក់ជីវិត ធ្លាប់ឃើញ តែមិនដឹងចាប់របៀបម៉េច? ហេងស៊យចូលផ្ទះបាត់ទូរស័ព្ទទៀត មិនប្រមាថទេ និយាយការពិត ឲ្យដឹងដល់សម្តេចព្រះសង្ឃរាជ ថ្វាយបង្គំព្រះអង្គពីចម្ងាយ ដើម្បីរក្សាសាសនា»។
តែសម្តីប៉ុណ្ណឹងបានធ្វើឲ្យសម្តេចសង្ឃខាងគណមហានិកាយមិនសប្បាយព្រះទ័យហើយបានធ្វើលិខិតព្រមានដោយចោទលោកគ្រូថានិយាយគ្មានមូលដ្ឋាន។លិខិតនេះ ឡាយព្រះហស្តលេខាដោយសម្តេច ទេព វង្ស និង សម្តេច នន្ទ ង៉ែត ដែលជាថ្នាក់ដឹកនាំសង្ឃខ្ពស់បំផុតនៅកម្ពុជា។ តាមរយៈលិខិតនោះ សម្តេចសង្ឃទាំងពីរព្រះអង្គ ចម្រើនពរប់លោក ហង់ ជួន ណារ៉ុន ថា ការប្រៀបធៀបរបស់លោក ឡុង សារិន គឺមានលក្ខណៈបន្តុះបង្អាប់ព្រះសង្ឃគណៈមហានិកាយ។
ទោះបីយ៉ាងណាព្រឹកថ្ងៃទី២៩ ខែមេសា ឆ្នាំ២០២០ លោក ឡុង សារិនបានថ្វើលិខិតសុំទោសហើយខាងសម្តេចសង្ឃក៏បានយលព្រម។លោកបាន ប្រាប់កាសេតថា៖«ក្នុងនាមយើងជាពុទ្ធសាសនិក យើងដូចជាកូនជាចៅអ៊ីចឹង។ សម្តេចទាំងពីរអង្គ ឲ្យយើងសូមទោស មានអីកូនចៅជំនាន់ក្រោយ មានតែសូមទោសហ្នឹងហើយ ...។ ការសូមទោសនេះ ក្នុងនាមជាកូនដែលស្តាប់ឪពុកម្តាយ ក្នុងនាមជាកូនចៅរបស់ព្រះ»។
សម្តេច ឃឹម សន ព្រះលេខាធិការនៃលេខាធិការដ្ឋានគណៈសង្ឃនាយក មានសង្ឃដិការជាមួយកាសែតថា ព្រះអង្គ បង្ហាញព្រះហទ័យថា ព្រះអង្គផ្ទាល់ ក៏ដូចជាគណៈសង្ឃនាយក មិនចង់ឲ្យមានរឿងនេះកើតឡើងឡើយ។ ព្រះអង្គ មានថេរដីកាថា៖«គាត់ គ្មានចេតនាចង់ឲ្យកិច្ចការហ្នឹង មានភាពច្របូកច្របល់ធ្ងន់ធ្ងរទេ គណៈសង្ឃនាយក មិនមានអីទេ ចម្រើនពរ។ កាលណា សូមទោសមកគណៈសង្ឃនាយក អាត្មាជឿថា ស្ងប់ហើយ មិនមានអីទេ...»។
មានការកត់សម្គាល់ដែឬថា រឿងរ៉ាងមួយនេះ បានកើតឡើងយូរដែរមកហើយ តែទើបលេចចេញជាសាធារណៈ។ សម្តេច ឃឹម សន មានសង្ឃដីកាថា ពេលឃើញវីដេអូឃ្លីបនេះភ្លាមៗ គណៈសង្ឃនាយក មិនបានសរសេរលិខិតទៅរដ្ឋមន្ត្រីក្រសួងអប់រំឡើយ ដោយបានទាក់ទងទៅក្រុមហ៊ុន E-Learning Cambodia ជាមុន ដើម្បីណែនាំឲ្យលោក ឡុង សារិន សូមទោស តែពេល ក្រុមហ៊ុន E-Learning Cambodia ចេញលិខិតឆ្លើយតបទៅគណៈសង្ឃនាយក ពុំបានបង្ហាញការសូមទោសទេ គឺបង្ហាញលក្ខណៈការពារលោក ឡុង សារិន ទៅវិញ។
ព្រះអង្គ ឲ្យដឹងថា ដោយមិនអាចទទួលយកបានចំពោះលិខិតរបស់ក្រុមហ៊ុន E-Learning Cambodia ទើបគណៈសង្ឃនាយក សម្រេចផ្ញើលិខិតជូនទៅលោក ហង់ ជួន ណារ៉ុន រដ្ឋមន្ត្រីក្រសួងអប់រំ នៅថ្ងៃទី២៨ ខែមេសា ឆ្នាំ២០២០ ដើម្បីសូមឲ្យណែនាំ លោក ឡុង សារិន។ តែបើតាមការកត់សម្គាល់មហាជនជាច្រើនតាមបណ្តាញសង្គមបានសម្តែងការគាំទ្រលោកគ្រូឡុងសារិនថាលោកនិយាយត្រូវវាជាសេរីភាពនៃការបញ្ចេញមតិ!៕
