វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1417 នាក់
ម្សិលមិញ 4292 នាក់
សរុប 14111116 នាក់
ភ្នំពេញ៖ឃាតកម្មអាករមួយបង្កការភ្ញាក់ផ្អើលកាលពី ថ្ងៃទី២៥ ខែកញ្ញា ឆ្នាំ២០១៩ ស្ថិតនៅបន្ទប់ជួល ក្នុងភូមិក្បាលដំរី១ សង្កាត់កាកាប១ ខណ្ឌពោធិ៍សែនជ័យ រាជធានីភ្នំពេញ។
ស្ត្រីរងគ្រោះ ដែលស្លាប់បាត់បង់ជីវិតមានឈ្មោះ យិន ធិញ អាយុ៤២ឆ្នាំ មុខរបរកម្មការនីរោងចក្រ មានស្រុកកំណើតនៅស្រុករមាសហែក ខេត្តស្វាយរៀង។ ចំណែកប្តីជាជនសង្ស័យមានឈ្មោះ យា រិត អាយុ៣០ឆ្នាំមានស្រុកកំណើតនៅភូមិរមាំងត្រេត ឃុំសំបួរ ស្រុករមាសហែក ខេត្តស្វាយរៀង ស្នាក់នៅបន្ទប់ជួលជាមួយគ្នា។
បើតាមប្រភពពីសមត្ថកិច្ចនគរបាលខណ្ឌពោធិ៍សែនជ័យ បានឲ្យដឹងថា ស្ត្រីរងគ្រោះខាងលើមានប្តី និងមានកូនចំនួន៣នាក់ នៅស្រុកកំណើតខេត្តស្វាយរៀង បន្ទាប់មកស្ត្រីរងគ្រោះបានមកភ្នំពេញ ធ្វើជាកម្មការិនីរោងចក្រ ហើយក៏មានទំនាក់ទំនងជាមួយបុរសជាជនដៃដល់ ដែលត្រូវជាប្រុសស្នេហ៍រូបនេះ។ តាមប្រភពពីសាក្សីនៅក្បែរកន្លែងកើតហេតុបានឲ្យដឹងថា មុនពេលកើតហេតុ គេឮស្ត្រីរងគ្រោះ និងជនដៃដល់ជាប្រុសសហាយបានឈ្លោះគ្នាតាំងពីវេលាម៉ោងប្រហែល២យប់ថ្ងៃទី២៥កញ្ញា មកម្ល៉េះ ដែលគេសង្ស័យថា អាចផ្ដើមចេញពីរឿងលុយកាក់ ព្រោះបើតាមសមត្ថកិច្ចឲ្យដឹងថា ប្រុសស្នេហ៍ម្នាក់នេះ ខឹងសុំលុយទិញថ្នាំញៀន និងទិញស្រាផឹកមិនបាន លុះមកដល់វេលាម៉ោងកើតហេតុខាងលើ ស្រាប់តែជនដៃដល់ជាប្រុសស្នេហ៍ បានចាប់ស្ត្រីរងគ្រោះអារក បណ្តាលឲ្យស្លាប់ភ្លាមៗនៅកន្លែងកើតហេតុ បន្ទាប់មកជនដៃដល់ជាប្រុសស្នេហ៍ក៏បានអារកសម្លាប់ខ្លួនឯងតែមិនស្លាប់ បណ្តាលឲ្យរងរបួសធ្ងន់ ត្រូវបានគេបញ្ជូនទៅសង្គ្រោះនៅមន្ទីរពេទ្យព្រះកុសុមៈ។
សមត្ថកិច្ចចុះទៅពិនិត្យ កោសល្យវិច័យ លើសាកសពស្ត្រីរងគ្រោះ រួចទំនាក់ទំនងទៅក្រុមគ្រួសារ មកទទួលដឹកយកទៅធ្វើបុណ្យតាមប្រពៃណី ចំណែកជនសង្ស័យដឹកយកទៅមន្ទីរពេទ្យ ហើយសមត្ថកិច្ចកសាងសំណុំរឿងតាមនីតិវិធី ៕