វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 368 នាក់
ម្សិលមិញ 3528 នាក់
សរុប 14186753 នាក់
ភ្នំពេញៈ ចាប់ពីថ្ងៃទី១កក្កដាឆ្នាំ២០១៨តទៅតម្លៃប្រេងឥន្ទនៈនៅស្រុកខ្មែរនឹងចុះថ្លៃ១៦០រៀល។នេះបើតាមកការប្រកាសរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៅព្រឹកថ្ងៃសុក្រ ១០កើត ខែបឋមាសាឍ ឆ្នាំច ព.ស២៥៦២ ត្រូវនឹងថ្ងៃទី២២ ខែមិថុនា ឆ្នាំ២០១៨ក្នុងពិធីប្រគល់សញ្ញាបត្រដល់និស្សិតសាកលវិទ្យាល័យភូមិន្ទភ្នំពេញចំនួន៣,២៣៣នាក់ ។ សម្តេចតេជោ បានឲ្យដឹងថា កន្លងទៅ រាជ
រដ្ឋាភិបាលបានចំណាយថវិកាប្រមាណជិត ៨៣លានដុល្លារ ដោយស្ងាត់ស្ងៀមដើម្បីរក្សាស្ថិរភាពតម្លៃប្រេងអោយនៅចុះថ្លៃជូនបងប្អូនប្រជាពលរដ្ឋ។ នៅពេលនេះ គឺរាជរដ្ឋា ភិបាលចំណាយថវិកាប្រមាណជាង៣០លានដុល្លារដើម្បីបញ្ចុះថ្លៃជូនបងប្អូនប្រជាពលរដ្ឋ គឺរដ្ឋចូលរួម(២សេន) ហើយវិស័យឯកជននឹងចូលរួម ២សេនទៀត ដែលសរុប គឺ ៤សេន (១៦០៛) ដែលការបញ្ចុះតម្លៃនេះ (៤សេនក្នុង១លីត្រ) នឹងចុះជាផ្លូវការនៅថ្ងៃទី ១ កក្កដា ២០១៨។ ទាក់ទងប្រេងឡើងថ្លៃសម្តេចតេជោថា តម្លៃប្រេងនេះមិនមែនកម្ពុជាជាអ្នកដំឡើងទេ ប៉ុន្តែអង្គការប្រទេសនាំចេញប្រេង OPEC ជាអ្នកកំណត់ថ្លៃ។
សម្តេចតេជោ ហ៊ុន សែន បានអំពាវនាវឱ្យក្រុមហ៊ុនប្រេងឥន្ធនៈទាំងអស់ពិចារណាក្នុងការឡើង ឬចុះថ្លៃ ប្រេងឥន្ធនៈឱ្យបានសមស្របតាមទីផ្សារអន្តរជាតិ។ មានក្រុមហ៊ុនខ្លះ គ្រាន់តែ«អូប៉ិច» នៅញូយ៉កប្រកាសឡើងភ្លាម ឯងនៅភ្នំពេញឯណេះឡើងតាមគេដែរ ខណៈដែលប្រេងថ្មីមិនទាន់ចូលស្តុកមួយតំណក់នៅឡើយ។
សម្តេចតេជោ ហ៊ុន សែន បានប្រកាសឲ្យក្រសួងពាណិជ្ជកម្មពិនិត្យតាមដាននិងអនុវត្តនូវការបញ្ចុះតម្លៃនេះអោយបានត្រឹមត្រូវហ្មត់ចត់ចាប់ពី ទី០១ ខែកក្ដដា ឆ្នាំ២០១៨ តទៅ។សម្រាប់ការបោះឆ្នោតនាពេលខាងមុខសម្តេចតេជោ ហ៊ុន សែន បានញ្ជាក់ថា ក្រសួងការងារ និងបណ្តុះបណ្តាលវិជ្ជាជីវៈបានប្រកាសថ្ងៃទី ២៨, ២៩ ,៣០ គឺជាថ្ងៃឈប់ម្រាកដើម្បីឲ្យបងប្អូនកម្មករបានឈប់ និងបានប្រាក់ឈ្មួលពេញ ដើម្បីត្រៀមខ្លួនទៅបោះឆ្នោតថ្នាក់ជាតិនាពេលខាងមុខនេះ។
ទន្ទឹមនឹងនេះ សម្តេចតេជោ ក៏បានប្រកាសដល់សាកលវិទ្យាល័យរដ្ឋ និងឯកជនទាំងអស់អោយមានការឈប់សម្រាកដល់សិស្សនិស្សិតដើម្បីត្រៀមខ្លួនទៅបោះឆ្នោត នៅថ្ងៃទី ២៩ កក្កដា ឆ្នាំ២០១៨ ខាងមុខនេះអោយកាន់តែមានភាពងាយស្រួល។សម្តេចតេជោ ហ៊ុន សែន បានផ្តល់អនុសាសន៍ដល់សាកលវិទ្យាល័យរដ្ឋ និងឯកជនទាំងអស់ ត្រូវផ្តល់ឱកាសដល់និស្សិក្រីក្រដែលកំពុងប្រឈមនឹងបញ្ហាធំៗផ្ទាល់មួយចំនួនដូចជា ឪពុកឬម្តាយទទួលមរណៈ ឬកំពុងមានវិបត្តិហិរញ្ញវត្ថុមិនមានលទ្ធភាពក្នុងការបន្តការសិក្សានៅសាកល វិទ្យាល័យ គឺសូមលើកទឹកចិត្ត និងអនុគ្រោះដល់និស្សិតឲ្យជំពាក់ថ្លៃបង់ប្រាក់ក្នុងកំឡុងពេលសិក្សាដើម្បីផ្តល់ឱកាសឲ្យនិស្សិតយើងអាចបញ្ចប់ការសិក្សាបានជោគជ័យ ហើយនិស្សិតក៏អាចមានឱកាសបង់សងថ្លៃសាលាវិញបានផងដែរ៕