» បុគ្គលិក​កាស៊ីណូ​តៃ​ភីង​ប្រមាណ​៦០​នាក់​នាំគ្នា​សម្រុក​រត់ចេញ​លោត​ហែល​ទឹក​ចូល​ស្រុក​យួន​(មានវីដេអូ) » រដ្ឋមន្ត្រី​អភិ​វ​ឌ្ឈ​ន៍​ជនបទ​បើក​ការដ្ឋាន​សង់​ផ្លូវ​ក្នុង​ឃុំ​សែ​ប​ » ទា​ហ៊ាន​ថៃ​រកឃើញ​ម៉ូតូ​១៩​គ្រឿង​ដែល​ចោរ​បម្រុង​នាំ​ឆ្លងដែន​មក​កម្ពុជា ក្នុងស្រុក​អារញ្ញ​ » អតីតឌី​ជេ​ឡា​អឹ​ន​ឡូ​វ​ត្រូវបាន​ឧកញ៉ា​ឌួង​ឆាយ​យក​ប្រើ​បន្ទាប់ពី​ទទួល​បានការ​បន្ថយទោស​! » បង្ក្រាបបាន​គ្រឿងញៀន​ជិត​១​តោន​ដែល​ចិន​ដឹក​តាម​អូ​ប​រ័​នៅ​កោះ​ព្រាប​! » លោក​ស៊ុន​ឆៃ​ចង់​ឲ្យ​សកម្មជន​អតីត​គណបក្ស​សង្គ្រោះ​ជាតិ​នៅក្រៅ​ឃុំ​ព្រោះ​ជា​រឿង​នយោបាយ​ » ចែក​សញ្ញា​ប​ត្រ័ស​ម្តេច​តេ​ជោ​ចេញ​បញ្ជារ​ដោះស្រាយ​រឿង​ពីរ​ទាក់ទង​ថៅកែ​រត់ចោល​និង​ដាំ​ឈើ​នៅ​តា​ម៉ៅ​ » តុលាការ​កំពូល​ម៉ាឡេស៊ី​បដិសេធ​បណ្តឹងឧទ្ធរណ៍​របស់​អតីត​នាយករដ្ឋមន្ត្រី​លោក​ណា​ជីប​រ៉ា​ហ្សា​ក់​ » ឈ្មួញ​ឈើ​តាម​ព្រុំដែន​ព្រួត​គ្នា​វាយ​អ្ន​កាសែត​ព្រោះ​ទៅ​ថត​យក​ពត៍​មាន​ » ចុះ​ចាប់​បង្ក្រាប​ប្រជាពលរដ្ឋ​ដែល​ចូល​ចាប់ដី​ក្រុមហ៊ុន​ » ចាប់បាន​សាច់​ឆ្កែ​ក្លា​ស្សេត​ជាង​១​តោន​បំ​រ៉ុង​ដឹក​ចូល​ភ្នំពេញ​ » ចុះ​ចាប់​បង្ក្រាប​ប្រជាពលរដ្ឋ​ដែល​ចូល​ចាប់ដី​ក្រុមហ៊ុន​ » បុគ្គលិក​រតនាគារ​ខេត្តកំពង់ឆ្នាំង​ម្នាក់​រកឃើញថា ជួញ​គ្រឿងញៀន​ថែម​! » សម្តេច​តេ​ជោ​ជោ ហ៊ុន សែន​៖ កម្ពុជា​ចង់ឱ្យ​តួអង្គ​ទាំងអស់​ធ្វើការ​រិះគន់​ដោយ​ស្ថាបនា មិន​អុចអាល មិនបង្កើត​ការ​ស្អប់ខ្ពើម​ពូជសាសន៍​ » បង្កើត​ក្រុម​ទប់ស្កាត់​និង​បង្ក្រាប​សម​ត្ត​កិច្ច​ដែល​មក​ធ្វើ​សកម្មភាព​ក្នុង​រាជធានី​ណា​ដែល​មិន​សហការ​ជាមួយ​មូលដ្ឋាន​!

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 2737 នាក់

ម្សិលមិញ 4852 នាក់

សរុប 11298312 នាក់

មណ្ឌល​គី​រី​ធ្វើ​ពិធី​រំលឹក​វប្បធម៌​ជនជាតិដើម​ភាគតិច​នៅ​ភ្នំ​ដោះ​ក្រមុំ​

 

​មណ្ឌលគិរី​៖ មន្ទីរ​វប្បធម៌ និង​វិចិត្រសិល្បៈ ខេត្តមណ្ឌលគិរី សហការ​ជាមួយ​ជនជាតិដើម​ភាគតិច​ក្នុង​ខេត្ត​បាន រៀបចំ​កម្មវិធី​រំឭក​វប្បធម៌​ជនជាតិដើម​ភាគតិច នៅ​បរិវេណ​ភ្នំ​ស្រុះ​ផ្លុំ (​ភ្នំ​ដោះ​ក្រមុំ​) ក្នុងភូមិ​ដោះ​ក្រមុំ សង្កាត់​សុខដុម ក្រុង​សែន​មនោ​រម្យ នៅ​ថ្ងៃទី​១២ ខែមេសា ឆ្នាំ​២០២២​។a mondul3 


​លោក សី ទូច ប្រធាន​មន្ទីរ​វប្បធម៌ និង​វិចិត្រសិល្បៈ ខេត្តមណ្ឌលគិរី បានឱ្យដឹងថា ការរៀបចំ​កម្មវិធី​រំឭក​វប្បធម៌​ជនជាតិដើម​ភាគតិច ខេត្តមណ្ឌលគិរី ដើម្បី​ពង្រឹង​អត្តសញ្ញាណ​ប្រពៃណី វប្បធម៌ របស់​ជនជាតិដើម​ភាគតិច​ក្នុង​ខេត្ត​។ ម្យ៉ាងវិញទៀត​ដើម្បី​ទាក់ទាញ​ភ្ញៀវ​ជាតិ​-​អន្តរជាតិ ទៅ​ទស្សនា​កម្សាន្ត និង​ស្វែងយល់​អំពី​តម្លៃ​នៃ​វប្បធម៌ និង​ដើម្បី​ចូលរួម​ថែរក្សា​អភិរក្ស ជាពិសេស​ឱ្យ​យុវជន​ដែលជា​ជនជាតិដើម​ភាគតិច ចូលរួម​ថែរក្សា​ប្រពៃណី ទំនៀមទម្លាប់​ដ៏​មានតម្លៃ​របស់ខ្លួន ផងដែរ​។

កម្មវិធី​រំឭក​វប្បធម៌​ជនជាតិដើម​ភាគតិច​នេះ បាន​ប្រារព្ធ​ជា​រៀងរាល់ឆ្នាំ នៅ​ថ្ងៃទី​១២ ខែមេសា ជាក់ស្តែង​នៅ​ឆ្នាំ​២០១៨ បានធ្វើ​ឡើង​នៅ​ឃុំ​ប៊ូ​ស្រា ស្រុក​ពេ​ជ្រា​ដា និង​ឆ្នាំ​២០១៩ បាន​ប្រារព្ធ​នៅ​មជ្ឈមណ្ឌល​វប្បធម៌​ជនជាតិដើម​ភាគតិច ភ្នំ​ដោះ​ក្រមុំ (​ប៉ុន្តែ​នៅ​ឆ្នាំ​២០២០ និង ២០២១ មិនបាន​ប្រារព្ធ​ទេ ដោយសារតែ​ជំងឺ​កូ​រីដ ១៩)​។

​សម្រាប់​ឆ្នាំ​២០២២ កម្មវិធី​បាន​ប្រព្រឹត្តទៅ​រយៈពេល ២​ថ្ងៃ គឺ​ថ្ងៃទី​១១ ដល់​១២ ខែមេសា នៅ​ទីតាំង​ភ្នំ​ស្រុះ​ផ្លុំ​(​ភ្នំ​ដោះ​ក្រមុំ​)​។ កម្មវិធី​នេះ​ក៏មាន​ការណែនាំ​ដល់​យុវជន​ដែលជា​ជនជាតិដើម​ភាគតិច ឱ្យ​ចូលរួម​ថែរក្សា​សមិទ្ធផល​ថ្ងៃនេះ និង​ទៅ​ថ្ងៃ​អនាគត ដែល​កើតចេញពី​ការគាំទ្រ ទឹកចិត្ត​សាមគ្គី និង​ឆន្ទៈ ហើយក៏​បានស្នើ​ដល់​ចាស់ទុំ ឱ្យ​ផ្ទេរ​ទៅឱ្យ​យុវជន​ជា​អ្នក​បន្តវេន នូវ​វប្បធម៌ សិល្បៈ ល្បែង​ប្រជាប្រិយ ជាដើម និង​ក៏​ត្រូវមាន​កិច្ចសហការ និង​គាំទ្រ​ពី​គ្រប់ភាគី​ពាក់ព័ន្ធ​ផងដែរ​។

​លោក ណ​យ ស្រូ​ន សមាជិក​ព្រឹទ្ធសភា​ប្រចាំ​ភូមិភាគ​៨ បាន​សំដែង​នូវ​ក្តីរំភើប ដែល​មន្ទីរ​វប្បធម៌ និង​វិចិត្រសិល្បៈ​ខេត្ត ក៏ដូចជា​ជនជាតិដើម​ភាគតិច​នៅក្នុង​ខេត្តមណ្ឌលគិរី បានរៀបចំ​កម្មវិធី​រំឭក​វប្បធម៌​ជនជាតិដើម​ភាគតិច​នាពេលនេះ​។ លោក​បាន​ចាត់ទុកថា ពិធី​នេះ​នឹង​ផ្តល់ឱ្យ​យុវជន​ជំនាន់​ក្រោយ​ចូលរួម​ថែរក្សា ការពារ ប្រពៃណី​ទំនៀម​ទំ​ម្លា​ប់ សាសនា និង​អត្តសញ្ញាណ​ដ៏​មានតម្លៃ​របស់ខ្លួន​កុំ​ឲ្យ​បាត​បង់​។

​លោក ណ​យ ស្រូ​ន បាន​បញ្ជាក់ថា ខេត្តមណ្ឌលគិរី ជា​ខេត្ត​មួយ​ដែលមាន​ជា​ជនជាតិដើម​ភាគតិច​រស់នៅ​ច្រើន​តាំងពី​យូរលង់​មកហើយ ដែលមាន​អត្តសញ្ញាណ​របស់ខ្លួន ដូចជា ភាសា ទំនៀម​ទំលាប់ ប្រពៃណី របាំ មុខម្ហូប និង​ឧបករណ៍ប្រើប្រាស់​ផ្សេងៗ​។ ទាំងនេះ​បានកើត​ចេញពី​កិច្ចខិតខំ​ប្រឹងប្រែង នៃ​បុព្វបុរស​ដូនតា និង​បាន​ក្លាយជា​ដួងព្រលឹង ជា​អត្តសញ្ញាណ របស់​ជនជាតិដើម​ភាគតិច​។


​ពិធី​រំឭក​វប្បធម៌​ជនជាតិដើម​ភាគតិច​នេះដែរ ជនជាតិដើម​ភាគតិច រួម​នឹង​អាជ្ញាធរ​ពាក់ព័ន្ធ​បាន​ដើរ​ជា​ក្បួន ដើម្បី​បង្ហាញ​នូវ​វប្បធម៌ សម្លៀកបំពាក់ ឧបករណ៍​ភ្លេង និង​របស់​ប្រើប្រាស់​ផ្សេងៗ ព្រមទាំង​ចម្រៀង និង​បាន​ផ្សព្វផ្សាយ​ផ្ទះ​គំរូ​ជនជាតិដើម​ភាគតិច ១​ខ្នង ដែលមាន​ភាព​ស្អាត និង​ទាក់ទាញ​។ ក្រៅពីនេះ ក៏មាន​រៀបចំ​ជា​ស្តង់ ពិព័រណ៍ សម្រាប់​ដាក់​បង្ហាញ​ផលិតផល និង​វប្បធម៌ របស់​ជនជាតិដើម​ភាគតិច តាម​ភូមិ​ដែលមាន​តំណាង​មកពី​តាម​បណ្តា​ស្រុក​ចំនួន ៥ ទៅ ៦​ស្តង់ ផងដែរ​a mondul a mondul2