វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1446 នាក់
ម្សិលមិញ 10264 នាក់
សរុប 14140628 នាក់
ភ្នំពេញ ៖ អ្នកដើររើសអេតចាយ២នាក់រើសបានពីក្នុងគំនរសំរាម នៅចំណុចតាមបណ្តោយផ្លូវ៦០ម៉ែត្រ ស្ថិតក្នុងភូមិព្រែកតាគង់១ សង្កាត់ចាក់អង្រែលើ ខណ្ឌមានជ័យ កាលពីវេលាម៉ោង៤និង៣០នាទីទៀបភ្លឺថ្ងៃទី២១ ខែមិនា ឆ្នាំ២០១៩ ។
បុរសជាអ្នករើសអេតចាយទាំង២នាក់ខាងលើ ម្នាក់ឈ្មោះបញ្ញា អាយុ៣០ឆ្នាំ និងម្នាក់ទៀតឈ្មោះ ភឿន តួ ។ពួកគាត់បានអោយដឹងថា មុនពេលកើតហេតុ គឺពួកគាត់ទើបតែត្រឡប់មកពីរើសអេតចាយវិញ ក្នុងគោលបំណងត្រឡប់ទៅផ្ទះ ដោយជិះកាត់ផ្លូវ៦០ម៉ែត្រ លុះមកដល់ចំណុចគំនរសំរាម ស្រាប់តែពួកគាត់ឮសូរសម្លេងយំចេញពីក្នុងថង់សំរាមខ្មៅមួយយ៉ាងខ្លាំងៗ ។
ពួកគាត់គិតថាសត្វឆ្មាយំ ព្រោះសំឡេងយំនោះគឺដូចឆ្មាណាស់ ។ ដោយមិនអស់ចិត្តពួកគាត់ទាំង២នាក់ក៏ដើរទៅកាយថង់សំរាមនោះមើល ក៏ប្រទះឃើញទារិកាម្នាក់ត្រូវគេយកមកបោះចោលក្នុងគំនរសំរាម ដែលមើលទៅគួរអោយសង្វេគ និងខ្លោចចិត្ត ។
ដោយសារទីតាំងនោះជិតស្ថានីវិទ្យុអេប៊ីស៊ី ក៏សម្រេចចិត្តយកទារិកាដាក់ក្នុងរ៉ឺម៉កអេតចាយដឹកយកទៅកាន់វិទ្យុ ABC អោយជួយសង្គ្រោះទារិកាខាងលើបន្ថែមផង ។
ក្រុមការងារនៃវិទ្យុ ABC ក៏បានដឹកទារិកាខាងលើតាមរថយន្តយកទៅសង្គ្រោះនៅមន្ទីរពេទ្យគន្ធបុប្ផាដើម្បីសង្គ្រោះបន្ទាន់ភ្លាមៗផងដែរ ព្រោះតែទារិកាខាងលើហាក់ដកដង្ហើមមិនដល់គ្នា និងផ្ទៃមុខមើលទៅស្លេកស្លាំងអស់ទៅហើយដែរដែលសង្ឃឹមរស់តិចណាស់ ។គេនៅពុំទាន់ដឹងថា ទារិកាខាងលើស្ថិតក្នុងស្ថានភាពបែបណានៅឡើយទេ ៕