ចាប់ខ្ទើយចំប៉ីខ្មៅជាការអនុវត្តល្បិចចិនអារករមាន់បន្លាចស្វា?
27-March-2024 / សន្តិសុខសង្គម
ភ្នំពេញ៖ខ្ទើយកូនកាត់យួនឈ្មោះពិត យិន ហេង ហៅចំប៉ីខ្មៅ ដែលប្រមាថពូជខ្មែរថាជាពូជតិរច្ឆាន ត្រូវបានសមត្ថកិច្ចប្រឆាំងបទល្មើសបច្ចេកវិទ្យានិងខណ្ឌដូនពេញចាប់ខ្លួនហើយ នៅយប់ថ្ងៃទី៥ ខែកុម្ភៈ នេះនៅក្នុងហាងមួយនាដីខណ្ឌដូនពេញ ។
មិនដឹងថាការចាប់ខ្លួនខ្ទើយដែលចូលចិត្តលេងហ្វេសប៊ុកឌឺដងមានដីការតុលាការដែរឬអត់នោះតែលោកឧត្តមសេនីយ៍ឯកប្រធាននាយកដ្ឋានប្រឆាំងបទល្មើសបច្ចេកវិទ្យាក្រសួងថាធើតាមបញ្ជារផ្ទាល់ពីសម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ និងនាយឧត្តមសេនីយ៍ សន្ដិបណ្ឌិត នេត សាវឿន អគ្គស្នងការនគរបាលជាតិ និងលោកឧត្តម សេនីយ៍ឯក ស ថេត ស្នងការនគរបាលរាជធានីភ្នំពេញ?។
សូមបញ្ជាក់ថាមុនចូលឆ្នាំចិនម្សៀយិន ហេង ហៅចំប៉ីខ្មៅបានចេញឃ្លិបវិដេអូបង្ហើតាមហ្វេសប៊ុកបង្ហាញពីកំហឹងចំពោះជនអនាមិក៣នាក់ដែលជិះម៉ូតូមកវ៉ៃក្បាលខ្លួនដែលក្នុងនោះចំប៉ីខ្មៅបានដៀលអ្នកវ៉ៃខ្លួនថាជាពូជកុនខ្មែរតិរិច្ឆានធ្វឲ្យមានមហាជនស្ទើរគ្រប់មជ្ឈដ្ឋានតារាហ្វេសប៊ុកល្បីៗអ្នកដឹកនាំរឿងផង បាននាំគ្នាប្រតិកម្មខ្លាំងៗ និងអ្នកខ្លះសម្តែងអារម្មណ៍ខឹងសម្បារចំពោះចំប៉ីខ្មៅ និងស្នើឲ្យសមត្ថកិច្ចចាត់វិធានការតាមផ្លូវច្បាប់។
ក្នុងនោះមានលោក ហ៊ាង គឹមស្រឿន អ្នកវិភាគនយោបាយនិងជាអ្នកឃ្លាំមើលការអនុវត្តព្រឹត្តិការណ៍សង្គម នៅល្ងាចថ្ងៃទី៥ ខែកុម្ភៈ នេះ បានដាក់ពាក្យប្តឹងលោក យិន ហេង ហៅចំប៊ីខ្មៅ ចូលព្រះរាជអាជ្ញាអមសាលាដំបូងរាជធានីភ្នំពេញ ករណីប្រមាថពូជខ្មែរជាពូជតិរច្ឆាន ។
លោក ហ៊ាង គឹមស្រឿន ចាត់ទុក សម្តីរបស់លោក យិន ហេង បានធ្វើឱ្យប៉ះពាល់ដល់អង្គព្រះមហាក្សត្រ ព្រោះថាព្រះអង្គក៏ជាពលរដ្ឋខ្មែរមួយរូបផងដែរនិងស្នើតុលាការផ្តន្ទាទោសលោក យិន ហេង តាមច្បាប់ ។
ក្រោយពីល្បិចចង់ល្បីរបស់ខ្លួនត្រូវបានគេថ្កោលទោសចំប៉ីខ្មៅបានចេញវីដេអូសុំទោសវិញ។ចំប៉ីខ្មៅ និយាយទាំងសោកស្តាយចំពោះកំហុសរបស់ខ្លួន យ៉ាងដូច្នេះថា៖«[…..] យើង អ្នកធ្វើ យើង ជាអ្នកទទួលខុសត្រូវ។ យើងមិនមែនប្រកែកថា យើងអត់បានធ្វើទេ ពេលខ្លះយើងព្យាយាមដែរ តែធ្វើម៉េច បើគេវាយយើងហើយ យើងទប់អត់បាន វាទៅតាមហ្នឹងទៅ។ […..] តែខ្ញុំសង្ឃឹមថា ខ្មែរយើងជាពូជសាសន៍មួយ ដែលយោគយល់គ្នា និងអធ្យាស្រ័យឲ្យគ្នា….»។
ចំប៉ីខ្មៅ ក៏សង្ឃឹមផងដែរថា អ្នកដែលប្រកាសដាក់ពាក្យប្តឹង និងអ្នកដែលបានដាក់ពាក្យប្តឹងលើខ្លួនរួចហើយនោះ នឹងដកពាក្យប្តឹងទាំងនោះចេញវិញ។ចំប៉ីខ្មៅ សង្ឃឹងថា ប្រជាពលរដ្ឋ នឹងគ្រាន់តែជេរឬវាយប្រហារតាមពាក្យសម្តីប៉ុណ្ណោះ តែនឹងមិនប្រើអំពើហិង្សាលើខ្លួន ពេលធ្វើដំណើរនោះទេ ពីព្រោះកម្ពុជា ជាប្រទេសមាននីតិរដ្ឋ។ ហើយម្យ៉ាងទៀត ចំប៉ីខ្មៅ សង្ឃឹមថា ប្រជាពលរដ្ឋ នឹងលើកលែងទោសឲ្យខ្លួនចំពោះកំហុសអចេននានេះ។
សូមបញ្ជាក់ថា ចំប៉ីខ្មៅ ដែលគេដឹងថាជាភេទទី៣ បានប្រាប់អត្តសញ្ញាណផ្ទាល់ខ្លួនត្រង់ៗតែម្តងថា ខ្លួន ជាកូនកាត់វៀតណាម ដោយឪពុក ជាជនជាតិវៀតណាម ហើយម្តាយជាជនជាតិខ្មែរ។ ក៏ប៉ុន្តែ ចំប៉ីខ្មៅ បកស្រាយថា កំហុសរបស់ខ្លួននាពេលនេះ គឺកើតឡើងដោយអចេតនា ព្រោះតែមិនអាចទប់កំហឹងនឹងអ្នកដែលជិះម៉ូតូទៅខោកក្បាល។ ចំប៉ីខ្មៅ ការពារខ្លួនថា មិនមែនដោយសារតែខ្លួនជាកូនកាត់វៀតណាម ហើយក៏មានចេតនាចង់ប្រមាថឬដៀលពូជសាសន៍ខ្មែរនោះទេ។
ចំប៉ីខ្មៅ ឲ្យដឹងថា ខ្លួន មានអាយុ២២ឆ្នាំ និងរស់នៅក្នុងរាជធានីភ្នំពេញ ហើយជានិស្សិតផ្នែកច្បាប់។ ចំប៉ីខ្មៅ ក៏ធ្លាប់រៀនរាំរបាំផងដែរ ដោយអះអាងថា ខ្លួនស្រឡាញ់សិល្បៈ។សូមបញ្ជាក់ថាកាលពីឆ្នាំ២០១៨មានណាងរាស្ត្រអូស្ត្រលីម្នាក់សញ្ជាតិខ្មែរដែលគាំទ្រអតីតគណបក្សសង្គ្រោះជាតិធ្លាប់បានហៅខ្មែរថាតិរច្ឆានចឹងដែរតែគ្មានអ្នកណាធើអីកើត!។អាឡុវការចាប់ខ្ទើយឈ្មោះចំប៉ីខ្មៅអាចជាល្បែងគម្រាមមួយថាក្រោយៗកុំចេះតែហ៊ានចឹង?។.jpg)
.jpg)
