វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4709 នាក់
ម្សិលមិញ 6501 នាក់
សរុប 13953264 នាក់
រាជធានីភ្នំពេញ ៖ កាលពីវេលាម៉ោង០៧ និង២០នាទីយប់ថ្ងៃទី១០ មិថុនា ស្ថិតនៅចំណុចអគារខុនដូរ «DE CASTLE Royal» មានទីតាំងលេខ៣៦ ផ្លូវលេខ២៩៤ ក្នុងសង្កាត់បឹងកេងកង១ខណ្ឌចំការមនមានការភ្ញាក់ផ្អើលដោយសារមានស្រីជនជាតិបរទេសម្នាក់បានសម្រេចិត្តធ្វើអត្តឃាំតដោយលោតពី ជាន់ទី២៩ បណ្តាលឱ្យបែកក្បាលស្លាប់ស្លាប់ចោលប្តី និងកូនប្រុសតូចៗ២នាក់។សមត្តកិច្ចបានឲ្យដឹងថា៖ នារីរង
គ្រោះឈ្មោះ ង្វៀង ធីជុក ជនជាតិវៀតណាម អាយុ២៧ឆ្នាំ មានស្រុកកំណើត នៅក្នុខេត្តអាងយ៉ាង ប្រទេសវៀតណាម កាន់លិខិតឆ្លងដែនលេខ C៤៦៣៩៥៣៨ មានប្តីឈ្មោះ PHUA GEK SENG ជនជាតិសាំងហ្គាពួរ កាន់លិខិតឆ្លងដែនលេខ E២៨៣៩៥៦៨ និងមានកូនប្រុសអាយុ១០ឆ្នាំម្នាក់ និងកូនប្រុសម្នកា់ទៀតទើបតែមានអាយុ ៩ខែ(ពីរនាក់) ស្នាក់នៅបន្ទប់លេខ ២៩០៧ ជាន់ទី ២៩ ក្នុងអគារខុនដូរកើតហេតុខាងលើ រួមទាំងម្តាយ មីង និងប្អូនប្រុសម្នាក់ទៀតផងដែរ ។
បើតាមម្តាយបានរៀបរាប់ថា កាលពីពេលកន្លងមកនេះ កូនស្រីគាត់ និងប្តីគេ និងកូនប្រុសតូចៗទាំង ២នាក់ រួមទាំងរូបគាត់ កូនប្រុសរបស់គាត់ និង ស្ត្រីជាម្តាយមីងម្នាក់ទៀត បាននាំគ្នាមកជួលបន្ទប់ខាងលើស្នាក់នៅរួមគ្នា ។ ក្នុងអំឡុងពេលដែលពួកគាត់ស្នាក់នៅក្នុងអគារខុនដូរខាងលើ កូនស្រីគាត់តែងតែត្អូញត្អែរថា «នាងមានការកំបាកផ្លូវចិត្តយ៉ាងខ្លាំង» ។
នៅថ្ងៃទី០៦ មិថុនា ប្តីរបស់នាងចេញទៅក្រៅប្រទេសបាត់។ក្រោយប្តីចេញទៅក្រៅបាត់ បានរយៈពេល៣ថ្ងៃនោះ នៅវេលម៉ោង១០ និង៤០នាទីយប់ថ្ងៃទី៩ មិថុនា នាងបានឡើងទៅអង្គុយលើមាត់បង្អួច បម្រុងលោតសម្លាប់ខ្លួនម្តងរួចមកហើយ តែត្រូវបានពួកគាត់ឃើញទាន់លួងលោម ដោយប្រាប់ថា «កូននៅតូចៗណាស់» ទើបនាងព្រមចុះ និងចូលទៅដេកក្នុងបន្ទប់វិញវិញ។លុះដល់មុនពេលកើតហេតុ ខណៈម្តាយ និងកូនប្រុសគាត់ម្នាក់ទៀតមិននៅផ្ទះចេញទៅខាងក្រៅបាត់ ទើបនាងឆ្លៀតពេលលោតសម្លាប់ខ្លួនបាននៅពេលនេះតែម្តងទៅ។តាមប្រភពខ្លះឲ្យដឹងថាមូលហេតុគឺមកពីប្តីនាងមានថ្មីហើយច្រើនទៅប្រទេសសឹង្ហាបុរីបាត់ៗ៕