ចៅក្រមតុលាការប្រទេសកាណាដាសម្រេចបញ្ជូនខ្លួនលោកស្រីអគ្គនាយកក្រុមហ៊ុនហួវ៉េទៅអាមេរិកទោះមានការតវ៉ាពីប្រទេសចិន!
16-April-2026 / ព័ត៌មានអន្តរជាតិ
កាណាដា៖លោកស្រីម៉េងវ៉ាងហ្សូ(MengWanzhou)អគ្គនាយកទទួលបន្ទុកហិរញ្ញវត្ថុ(CFO)របស់ក្រុមហ៊ុនទូរគមនាគមន៍ហួវ៉េ( Huawei )របស់ចិនអាចនឹងត្រូវប្រឈមមុខជាប់ពន្ធនាគារ រហូតដល់៣០ឆ្នាំប្រសិនបើបានអនុវត្តន៍ដូច ការចោទប្រកាន់របស់អាមេរិក ។
លោកស្រី Meng Wanzhou ត្រូវបានចាប់ខ្លួននៅក្នុងអាកាសយានដ្ឋាន អន្តរជាតិវ៉ាន់គូវើ( Vancouver )ប្រទេសកាណាដាកាលពីថ្ងៃទី១ ខែធ្នូ ពេលកំពុងរង់ចាំ តភ្ជាប់ជើងហោះហើរ ទៅកាន់ប្រទេស ម៉ិចស៊ីកូ ។តាមឯកសារ ដែលបានដាក់ជូនតុលាការ លោកស្រីម៉េងវ៉ាងហ្សូ( Meng Wanzhou )ត្រូវបានអាមេរិកចោទប្រកាន់ពីបទឆបោក រំលោភទ្រព្យសម្បត្តិរបស់អង្គការ ស្ថានប័នហិរញ្ញវត្ថុជាច្រើន ។
លោកស្រី Meng Wanzhou ក៏រងការចោទប្រកាន់ពីបទកុហកដើម្បីបញ្ចៀសគេចវេះ នៅការដាក់ទណ្ឌកម្មរបស់អាមេរិក ទៅលើប្រទេសអ៊ីរ៉ង់ ។ នៅក្នុងសេចក្តីប្រកាសពត៍មាន កាលពីថ្ងៃទី ៧ខែធ្នូ ក្រសួងការបរទេសចិន បានបញ្ចាក់ថា លោកស្រី Meng Wanzhou មិនបានបំពានច្បាប់របស់អាមេរិក ឬកាណាដា នោះឡើយ និងបានស្នើ ដល់ រដ្ឋាភិបាល កាណាដា ឲ្យកែកំហុស ដោយដោះលេង ពលរដ្ឋ ចិនរូបនេះជាបន្ទាន់។
រដ្ឋមន្ត្រីការបរទេស រុស្ស៊ី លោកសេហ្គេឡាវ្រ៉ូវ( Sergei Lavrov) បានចាត់ទុក ការចាប់ខ្លួន អគ្គនាយក ហិរញ្ញវត្ថុ របស់ក្រុមហ៊ុន Huawei លោកស្រី Meng Wanzhou នៅក្នុងប្រទេស កាណាដា គឺបានបញ្ចាក់ពីគោលនយោបាយ ប្រថុយរបស់អាមេរិក នៅក្រៅប្រទេស ។នៅក្នុងសន្និសីទ្ធ កាសែតនៅទីក្រុង Milan ប្រទេសអីតាលី កាលពីថ្ងៃទី៧ខែធ្នូលោក Lavrov បានបញ្ជាក់ថា តាមរយៈការចាប់ខ្លួន អគ្គនាយកហិរញ្ញវត្ថុHuawei បានបង្ហាញឲយឃើញថា ទីក្រុងវ៉ាស៊ីនតោន បានអនុម័តច្បាប់ លើសពីដែនអធិតេយ្យ របស់ខ្លួន។ « ទាំងនោះជាគោលនយោបាយ ឌឺដង ឈ្លានពាន មិនអាចទទួលយកបាន ។ កត្តានោះបានធ្វើឲ្យប្រទេសជាច្រើន សូម្បីតែសម្ព័ន្ធមិត្ត ជិតស្និត របស់អាមេរិក ក៏ប្រឆាំងនោះដែរ ។ ទីក្រុងវ៉ាស៊ីនតោនត្រូវតែបញ្ចប់ជាបន្ទាន់ នៅសកម្មភាព ទាំងនោះ»។
កាលពីថ្ងៃទី៧ខែធ្នូ សារព័ត៌មានយូមីអ៊ួរី( Yomiuri) របស់ជប៉ុនបានផ្សាយថា ជប៉ុននឹងចេញច្បាប់ ហាមស្ថាប័នរបស់រដ្ឋាភិបាល ប្រទេសនេះមិនឲ្យទិញឧប្បករណ៍ ទូរគមនាគមន៍ពីក្រុមហ៊ុន បច្ចេកវិទ្យា Huawei និង ZTE របស់ចិន ដោយព្រួយបារម្ភពីការបែកធា្លយព័ត៌មានចារកម្ម និង ការវាយប្រហារតាមបណ្តាញ។
សារព័ត៌មាន Reuters បានផ្សាយថា រដ្ឋាភិបាលជប៉ុន នឹងអនុវត្តច្បាប់ផ្ទៃក្នុង ហាមទិញសម្ភារៈទូរគមនាគមន៍ ចាប់ពីថ្ងៃទី១០ខែធ្នូ ខាងមុខ មូលហេតុដោយសារតែក្រុមចារកម្មអាមេរិកបានដាក់ការ សង្ស័យថា ក្រុមហ៊ុន Huawei មានទំនាក់ទំនងជាមួយរដ្ឋាភិបាលចិន ហើយសម្ភារៈ ទូរគមនាគមន៍ផលិតដោយ Huawei មាន«ទ្វាក្រោយ»ក្នុងគោលដៅបម្រើចារកម្ម។ តែក្រុមហ៊ុន Hourwei ក៏បានច្រានចោលការចោទប្រកាន់ ទាងនោះផងដែរ ។
ចំណែក ប្រទេសអូស្ត្រលី និង ញ៉ូវហ្ស៊ឺឡែន បានរារាំង ក្រុមហ៊ុន Huawei បង្កើនបណ្តាញ5G។ កាលពីថ្ងៃទី៥ខែធ្នូ ក្រុមហ៊ុន BT របស់អង់គ្លេស ក៏បានប្រកាស លុបឧប្បករណ៍ របស់ក្រុមហ៊ុន Huawei ចេញពី បណ្តាញសេវា 3G,4G នាពេលនេះ ។ ក្រៅពីនេះ អង់គ្លេស ក៏បាន សម្រេចឲ្យក្រុមហ៊ុនHuawei ចូលរួមនៅក្នុងសកម្មភាព បណ្តាញចល័តនៅក្នុងប្រទេសនេះឡើយ។
ទោះជាមានការតវ៉ាពីប្រទេសចិននិងរុស្ស៊ីថ្កោលទោលការចាប់ខ្លួនលោកស្រីម៉េងវ៉ាងហ្សូ( Meng Wanzhou )អគ្គនាយកទទួលបន្ទុកហិរញ្ញវត្ថុ(CFO)របស់ក្រុមហ៊ុនទូរគមនាគមន៍ហួវ៉េ( Huawei )ក៏ដោយក៏ចៅក្រមលោកចនគីបកាស្លេ( John Gibb Carsley) នៅតុលាការខេត្ត British Columbia ប្រទេសកាណាដា បានបញ្ជាក់ថា ចាំបាច់ត្រូវតែបញ្ជូនលោកស្រី Meng Wanzhou ទៅកាន់អាមេរិក ដោយអាមេរិក។ មុនពេលបញ្ជូនទៅកាន់អាមេរិក លោកស្រី ចាំបាច់ត្រូវតែឃុំខ្លួន នៅក្នុង មន្ទីរឃុំឃាំងនៅក្នុងប្រទេស កាណាដា ព្រោះលោកស្រី អាច នឹងរត់ទៅកាន់ប្រទេសចិន ។ចៅក្រម Gibb Carsley បានបញ្ជាក់ថា ប្រសិនបើមានការធានាឲ្យនៅក្រៅឃុំលោកស្រី Meng ប្រាកដជាភៀសខ្លួនទៅកាន់ប្រទេសចិន ។
សូមបញ្ជាក់ថា៖ ឪពុករបស់លោកស្រី Meng Wanzhou អ្នកបង្កើតក្រុមហ៊ុន Huawei មានទ្រព្យសម្បត្តិ សរុប ជាង៣,២ពាន់លានដុល្លារ ។ ចំណែកមេធាវីរបស់លោកស្រី Meng គឺលោក David J . Martin បានបញ្ជាក់ថា ជាមួយនឹងតួនាទីរបស់លោកស្រី Meng គឺអាចធានាឲ្យនៅក្រៅឃុំបាន ។ លោកបន្តទៀតថា កូនក្តីរបស់លោក យល់ព្រមឲ្យដាក់ឧបករណ៍តាមដាន និងកម្លាំងសន្តិសុខអាចតាមដានលោកស្រី គ្រប់ពេល ។ លោកស្រី អាច បង់ប្រាក់មួយចំនួនធំដើម្បីធានានៅក្រៅឃុំ ។ បច្ចុប្បន្ន លោកស្រីម៉េងវ៉ាងហ្សូ( Meng Wanzhou )មានផ្ទះ២ខ្នង នៅ Vancouver ប្រទេសកាណាដា មានតម្លៃ ប្រមាណ១៤លានដុល្លារ ៕.jpg)
