វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1768 នាក់
ម្សិលមិញ 2791 នាក់
សរុប 13404293 នាក់
ភ្នំពេញ៖តារាចម្រៀង និងសម្ដែង ម៉ារ៉ា ប៊ុណ្ណា ឆាប់ៗខាងមុខនេះ លោកនឹងបញ្ចេញបទចម្រៀងបែបបែកស្លុយ១បទទៀត មានចំណងជើងថា "ទីកូបង់រំលោះ" ជាមេឡូឌីថ្មី បែបបែបស្លុយៗសប្បាយៗ។ បទចម្រៀងនេះលោកម៉ារ៉ា ប៊ុណ្ណាបានប្រាប់ថា និយាយពីមនុស្សម្នាក់ចូលចិត្តសប្បាយៗ សម្ភារៈនិយម ប្រើទូរសព្ទថ្លៃៗ ប៉ុន្តែមិនហ៊ានទិញរថយន្តទំនើបជិះទេ បែរជាទៅទិញរថយន្តម៉ាកទីកូមានតម្លៃថោកហើយ បង់រំលោះទៀត។
ដើម្បីឲ្យស៊ីទៅនឹងបទចម្រៀង លោក ម៉ារ៉ា ប៊ុណ្ណា បានសម្រេចចិត្តទិញរថយន្តទីកូ យកមកថត MV នោះក្នុងតម្លៃ១លានរៀល។ លោកថា ក្រោយពីថតបទចម្រៀងខាងលើចប់ ខ្លួននឹងជិះរថយន្តនោះជាប្រចាំតែម្ដង មិនខ្លាចពីការរិះគន់ពីមហាជនឡើយ។
តារាសម្ដែងអ្នកនាង ប៉ែន សុផានីអតីតគូស្នេហ៍លោក ម៉ារ៉ា ប៊ុណ្កាកាលពីឆ្នាំ២០១៤ក៏គ្រោងអញ្ជើញតារាកំប្លែងមួយចំនួន មកចូលរួមសម្ដែង MV ផងដែរ ដោយការថតគ្រោងធ្វើនៅពេលឆាប់ៗនេះតែម្ដង ត្បិតអីទាំងទីតាំងក៏ដូចសម្ភារៈដែលត្រូវប្រើក្នុងការថត MV នោះ លោករកបានស្ទើរតែគ្រប់អស់ហើយ។បទ"ទីកូបង់រំលោះ" ជាបទបែកស្លុយក៏ពិតមែន ប៉ុន្តែលោក ម៉ារ៉ា ប៊ុណ្ណាអះអាងថា៖មិនដូចបទ "និស្សិត IT" ដែលខ្លួនចម្លងពីថៃកន្លងមកទទួលការរិះគន់ពីមហាជនជាច្រើននោះទេ ព្រោះដូចបានលើកឡើងខាងលើអីចឹង បទចម្រៀង១បទនេះ គឺជាមេឡូឌីថ្មីសុទ្ធសាធ។