វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3777 នាក់
ម្សិលមិញ 5020 នាក់
សរុប 14119224 នាក់
ខេត្តព្រះសីហនុ-ជនសង្ស័យដែលនគរបាលចាប់ខ្លួនបានកាលពីថ្ងៃទី២៤វិច្ឆិកាទាំងនោះរួមមាន១-ឈ្មោះ យ៉ា សុក្រី ហៅ កា ភេទប្រុស អាយុ ១៨ឆ្នាំ មុខរបរ កម្មករសំណង់ផ្នែកជាងភ្លើង មានទីលំនៅ ភូមិ៥ សង្កាត់៤ ក្រុង-ខេត្តព្រះសីហនុ ( ជនដៃដល់ អ្នកបើកម៉ូតូ ) ។
២-ឈ្មោះ ហាស់ អាល់ហ្វារី ហៅ ឌួង ភេទប្រុស អាយុ ១៨ឆ្នាំ មុខរបរ កម្មករសំណង់ ផ្នែកជាងភ្លើង មានទីលំនៅ ភូមិ៥ សង្កាត់៤ ក្រុង-ខេត្តព្រះសីហនុ ( ជនដៃដល់ ជិះពីក្រោយកាន់ដាវកាប់ ) ។
៣-ឈ្មោះ ធឿន សាធិ ភេទប្រុស អាយុ ១៨ឆ្នាំ មុខរបរ មិនពិតប្រាកដ មានទីលំនៅ ភូមិ៥ សង្កាត់៤ ក្រុង-ខេត្តព្រះសីហនុ ( ជនដៃដល់ ជិះពីក្រោយកាន់ដាវកាប់ ) ។វត្ថុតាងដែលដកហូតបាន៖
-ដាវ ០១ដើម ។ដំបងដែករលាស់ ០១ដើម ។-ម៉ូតូ ០១គ្រឿង ម៉ាក វេវ ពណ៌ខ្មៅ ស្លាកលេខៈ ភ្នំពេញ ១FP-៨៨១២។
ឧត្តមសេនីយ៍ទោជួន ណារិន្ទស្នងការនគរបាលខេត្តព្រះសីហនុអោយដឹងថា វាជាករណីប៉ុនប៉ងមនុស្សឃាតដោយចេតនា ទៅលើជនជាតិចិន ដែលជនសង្សយ័បានប្រព្រឹត្ត កាលពីថ្ងៃទី២០ ខែវិច្ឆិកា ឆ្នាំ២០១៨ វេលាម៉ោង២និង០០នាទីយប់ នៅចំណុចផ្លូវដំណាក់ស្តេច ស្ថិតនៅក្រុមទី៣០ ភូមិ៣ សង្កាត់៣ ក្រុង-ខេត្តព្រះសីហនុ ជនសង្ស័យមានគ្នា ០៤នាក់ មិនស្គាល់អត្តសញ្ញាណជិះម៉ូតូ ០២គ្រឿង បានធ្វើសកម្មភាពប្រើដាវ កាប់និងវាយ ទៅលើបុរសជនជាតិចិនម្នាក់ ពេលដែលជនរងគ្រោះកំពុងឈរបទជើងតូច បណ្តាលឲ្យរងរបួសជាទម្ងន់ ។
លុះនៅថ្ងៃទី ២១ ខែវិច្ឆិកា ឆ្នាំ២០១៨ វេលាម៉ោង ២៣និង៣០នាទី នៅចំណុច ផ្លូវកាស៊ីណូ ឡាយអ៊ិនស៊ីធី ចាស់ ស្ថិតនៅក្រុមទី១៤ ភូមិ៤ សង្កាត់៤ ក្រុង-ខេត្តព្រះសីហនុ ក៍មានករណី ប៉ុនប៉ងមនុស្សឃាតដោយចេតនា ( ទៅលើជនជាតិចិន ) ចំនួន ០២ករណីទៀតបានកើតឡើងជាបន្តបន្ទាប់ បង្កឡើងដោយជនសង្ស័យ ០៤នាក់ មិនស្គាល់អត្តសញ្ញាណ ជិះម៉ូតូ ០២គ្រឿង បានធ្វើសកម្មភាព ប្រើដាវ កាប់និងវាយ ទៅលើបុរសជនជាតិចិន ០២នាក់ ពេលដែលជនរងគ្រោះកំពុងដើរតាមផ្លូវ បណ្តាលឲ្យរងរបួសជាទម្ងន់ បញ្ជូនទៅសង្គ្រោះបន្ទាន់នៅ រាជធានីភ្នំពេញ ភ្លាមៗ ។
មូលហេតុត្រូវបានជនសង្ស័យទាំង ០៣នាក់សារភាពថា ដោយសារ ជនសង្ស័យបានខឹងនិងជនរងគ្រោះ ដែលបានមកផឹកស៊ីនៅលើផែទូកទេសចរណ៍ ហើយចាប់អោបមិត្តស្រីរបស់ជនគេជាហេតុធ្វើអោយជនសង្ស័យខឹងជាខ្លាំង ក៏នាំគ្នាជិះម៉ូតូ ០២គ្រឿង គ្នា០៤នាក់ ទៅតាមកាប់ជនរងគ្រោះតែម្តង ហើយម្យ៉ាងវិញទៀត ក្រុមជនសង្ស័យថា ពួកគេស្អប់ជនជាតិចិន ។